Xiron
Xiron (yun. Χείρων, lat. Chron) Yunan mifologiyasına görə Kron və Filirin oğlu, Zevsin ata tərəfdən qardaşı, yarı insan yarı at qamətli Kentavrlara aid əfsanəvi bir personajdır. İxiondan törənmiş yarı insan yarı heyvan məxluqları ilə eyni tutulsa da Xiron başqa mənşəyə malik olmuşdur. Belə ki, Kron onu öz arvadı Reyadan gizlin Filir adlı atdan dünyaya gətirmişdir.[1] İlliada əsərində Xiron digər kentavrlardan üstün sayılır.[2] Belə ki, Xiron digər əyyaş və ziyankar kentavrlardan fərqli olaraq, Apollon və Artemidanın şagirdi, ağıllı, ədalətli, tanrıların dostu, qəhrəmanların tərbiyəçisi, əczaçı və təbadət bilicisi, təbib, sağlamlıq və təbabət tanrısı Asklepin müəllimi kimi təsvir edilmişdir. Heraklın yaxın dostu olmuşdur. Herakl ona ehtiram edərək onun mağarasında yaşamışdır. Alicənab Xiron səhvən Heraklın atdığı zəhərli oxla ayağından ölümcül yaralanır. Ölməz olan Xiron bu yaranın əzablarından qurtarmaq üçün Prometeydən onun həyatını ölməz Xironun həyatına dəyişməyi təklif edir. Beləliklə Prometey ölməz həyatı, Xiron isə sakit ölümü qazanaraq[3] göylərə oxatan bürcü kimi çəkilmiş olur.
| Xiron | |
|---|---|
| q.yun. Χείρων | |
 Xiron Axillesə lira çalmağı öyrədərkən | |
| Mifologiya | Yunan |
| Yunanca adı | Χείρων |
| Latınca adı | Chron |
| Cinsi | kişi[d] |
| Atası | Kron |
| Anası | Filir |
| Qardaşı | Zevs |
| Mənşəyi | Kentavrlar |
 Vikianbarda əlaqəli mediafayllar | |
İstinadlar redaktə
Mənbə redaktə
- Греческая Мифология, Катерина Серви, EKDOTİKE ATHENON, Афины 2007 ISBN 960-213-378-3, ISBN 978-960-213-378-1