Xuan Fernandez adaları

Xuan Fernandez adaları (isp. Archipiélago Juan Fernández) — Sakit okeanın cənubunda yerləşən Çili dövlətinə məxsus adalar qrupu. Adalar Çili sahillərindən 670 km qərbdə yerləşir. Adalar Çilinin Valparaiso şəhərinin en dairəsi boyunca yerləşir və aşağıdakı üç adadan ibarətdir.

Robinzon Kruzo adası - Adalar qrupuna daxil olan və əhali yaşayan yeganə adadır. Adanın inzibati mərkəzi San Xuan Bautista şəhəridir. Şəhərdə 600 nəfərə yaxın əhali yaşayır.
Aleksandr Selkirk adası - Ada, Aleksandr Selkirkin şərəfinə adlandırılmışdır. Aleksandr Selkirk adasında insan yaşamır və Robinzon Kruzo adasının 160 kilometr qərbində yerləşir.
Santa Klara adası - Ada, Robinzon Kruzo adasının bir neçə kilometr cənub qərində yerləşir.