Xurşid xanım Vəzirova

Xurşid xanım Mirzə Abbas bəy qızı VəzirovaBakıdakı Xeyriyyəçi qadınlar cəmiyyətinin üzvü, Nəcəf bəy Vəzirovun həyat yoldaşı.

Xurşid xanım Vəzirova
Xurşid xanım Mirzə Abbas bəy qızı Vəzirova
Xurşid xanım Vəzirova.jpg
Doğum tarixi
Doğum yeri Şuşa, Şuşa qəzası, Yelizavetpol quberniyası, Qafqaz canişinliyi, Rusiya imperiyası
Vəfat tarixi
Vəfat yeri Bakı, Bakı qəzası, Bakı quberniyası, Qafqaz canişinliyi, Rusiya imperiyası
Vətəndaşlığı Rusiya İmperiyası Rusiya İmperiyası
Həyat yoldaşı Nəcəf bəy Vəzirov
Uşaqları Şamil bəy, Sara xanım, Sürəyya xanım

HəyatıRedaktə

Xurşid xanım Vəzirova (qızlıq soyadı Haqverdiyeva) 1868-ci ildə Şuşa şəhərində dünyaya göz açmışdı. O, Dağıstanın Teymurxan Şura şəhərində progimnaziyada təhsil almışdı.

Xurşid xanım Vəzirova dövrünün maarifpərvər ziyalılarının xeyrxah işlərinə rəğbət bəsləmiş, Bakının mədəni həyatında önəmli rol oynamış, Azərbaycan mədəniyyətinin inkişafında layiqli xidmətləri olmuş övladlar tərbiyə etmiş, N. Vəzirovun ədəbi irsini səliqəli qoruyub saxlamış, dramaturqun ilk oxucusu, ilk tənqidçisi olmuşdu. 1913-cü ilin sentyabr ayında, ölümündən bir neçə gün əvvəl demişdi: "Cavanlığımın ən yaxşı illərini mən xalq müğənnisi Dərvişə (Nəcəf bəy Vəzirovun publisist ləqəbi-Ə.Ç.) həsr etmişəm, onu əzizləmişəm, həyatını qorumuşam. Əgər mənim nəzarətim olmasaydı onun əsərləri itib-batmışdı. Müvəffəqiyyətsiz əsərlərini belə göz bəbəyim kimi saxlamışam, bəzən də qadın psixologiyasının əlamətlərini ora əlavə etmişəm. Mən ağır dəqiqələrdə Dərvişlə birlikdə vuruşmuşam və mübarizəni dəyanətlə davam etdirmişəm". Xurşid xanım 1913-cü ildə Bakı şəhərində vəfat edib.

Xurşid xanım Nəcəf bəy Fətəli bəy oğlu Vəzirovla ailə qurmuşdu. Şamil bəy adlı oğlu, Sara xanım və Sürəyya xanım adlı qızları vardı.

MənbəRedaktə

  • Ənvər Çingizoğlu, Şuşa şəhəri: Təbrizli məhəlləsi, Bakı, "Zərdabi LTD", 2012, səh. 322

Həmçinin baxRedaktə