Xurşud Məmmədov

Xurşud Bayramqulu oğlu Məmmədov — Azərbaycan Kommunist Partiyası Naxçıvan Vilayət Komitəsinin birinci katibi, Karl Marks adına Azərbaycan Xalq Təsərrüfatı İnstitutunun rektoru, Azərbaycan Kommunist Partiyası Lənkəran Rayon və Astara Rayon partiya komitələrinin birinci katibi, Azərbaycan Kommunist Universitetinin əvvəlcə rektorunun tədris işləri üzrə müavini, daha sonra isə rektoru.

Xurşud Məmmədov
Azərbaycan Kommunist Partiyası Naxçıvan Vilayət Komitəsinin birinci katibi
dekabr 1955 – 10 mart 1961
Əvvəlki	İsmayıl Əsgərov
Sonrakı	Hacıağa İbrahimov
Karl Marks adına Azərbaycan Xalq Təsərrüfatı İnstitutunun rektoru
1951 – 1954
Əvvəlki	Əliqulu Fərəcov
Sonrakı	Şamil Əliyev
Azərbaycan Kommunist Partiyası Lənkəran Rayon Partiya Komitəsinin birinci katibi
1948 – 1951
Əvvəlki	Ramiz Rəhmanov
Sonrakı	İsmayıl Allahyarlı
Azərbaycan Kommunist Partiyası Astara Rayon Partiya Komitəsinin birinci katibi
1944 – 1948
Azərbaycan Kommunist Universitetinin rektoru
Azərbaycan Kommunist Universiteti rektorunun tədris işləri üzrə müavini
Şəxsi məlumatlar
Doğum tarixi	1906
Doğum yeri	Qaryagin rayonu, Azərbaycan SSR
Partiya	Sovet İttifaqı Kommunist Partiyası
Təltifləri

Həyatı

Xurşud Məmmədov 1906-cı ildə Qaryagin rayonunda doğulmuşdur. 1927-ci ildə 7 illik məktəbi bitirdikdən sonra həm ordud xidmət etmiş, həm də tam orta təhsil almışdır.

Xurşud Məmmədov əmək fəaliyyətinə Azərbaycan Kommunist Partiyası Qaryagin Rayon Komitəsində başlamışdır. O, 1936-cı ildə 26 Bakı Komissarı adına Zaqafqaziya Kommunist Universitetini, daha sonra isə orada aspiranturanı bitirərək Tiflis Ali Partiya Məktəbi və Bakı Ali Partiya Məktəbində tarix fənni üzrə dərs keçmişdir.

İctimai-siyasi fəaliyyəti

Xurşud Məmmədov Azərbaycan Kommunist Partiyası Mərkəzi Komitəsinin aparatında işləmişdir. O, Azərbaycan Kommunist Universiteti rektorunun tədris işləri üzrə müavini, daha sonra isə rektoru işləmişdir.

Xurşud Məmmədov 1944-cü ildən 1948-ci ilədək Azərbaycan Kommunist Partiyası Astara Rayon Partiya Komitəsinin birinci katibi, 1948–1951-ci illərdə Azərbaycan Kommunist Partiyası Lənkəran Rayon Partiya Komitəsinin birinci katibi, 1951–1954-cü illərdə Karl Marks adına Azərbaycan Xalq Təsərrüfatı İnstitutunun rektoru, 1954-cü ildən Azərbaycan Kommunist Partiyası Mərkəzi Komitəsi yanında Respublika Partiya Məktəbinin direktoru, 1995–1961-ci illərdə isə Azərbaycan Kommunist Partiyası Naxçıvan Vilayət Komitəsinin birinci katibi vəzifələrində işləmişdir.

Mənbə

• Məmmədov Xurşud Bayramqulu oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 154.