Yədulla Səmədi

Yədulla Səmədi
Yədulla Səmədi
Doğum tarixi	1951
Doğum yeri	Marağa, Marağa şəhristanı, Şərqi Azərbaycan ostanı, İran;
Vəfat tarixi	25 sentyabr 2018
Vəfat yeri	Şiraz, Mərkəzi bəxşi[d], Şiraz şəhristanı, Fars ostanı, İran;
Dəfn yeri	Behişti-Zəhra;
Fəaliyyəti	ssenarist, kinorejissor, telerejissor
IMDb	ID0759620
	Vikianbarda əlaqəli mediafayllar

Yədulla Səmədi (1951, Marağa, Şərqi Azərbaycan ostanı – 25 sentyabr 2018, Şiraz) — İran kinosu və televiziyasının tanınmış azərbaycanlı rejissoru^[1].

Həyatı və fəaliyyəti

Yədulla Səmədi 1952-ci ildə Marağa şəhərində dünyaya gəlib. Yədulla Səmədinin çəkdiyi bir çox kino-filmin mövzusu türk dili və mədəniyyəti, həmçinin Azərbaycan vilayətlərində baş verən hadisələrə həsr edilib. Rejissorun 1986-cı ildə çəkdiyi "Avtobus" kinofilmi o dövrün ən çox satılan filmlərindən olub. İran Azərbaycanının kəndlərində iki tayfa arasındakı qarşıdurmanı təsvir edən "Avtobus" filminin hekayəsi əslində Səfəvilər dönəmindən bəri davam edən "Heydəri-Neməti" münaqişəsinin bir təmsilidir.

Avtobus filmindən 3 il sonra çəkilən "Savalan" filminin hekayəsi də İran Azərbaycanında baş verən hadisələrə əsaslanır. Filmin baş qəhrəmanı Koroğlu Savalan kəndinin əhalisini basqınçıların hücumundan qoruyur.

Urmiyə Aşıq Məktəbinin iki böyük ustadı Aşıq Dərviş və Aşıq Yusuf müvafiq olaraq ‘Avtobus’ və ‘Savalan’ filmlərində rol alıb və mahnı ifa ediblər.

Rejissorun 1994 və 1997-ci illərində çəkdiyi "Dəli Domrul" və "Saray" filmləri İran Azərbaycanında türk dilində, ölkənin digər bölgələrində isə fars dilində nümayiş olunub.

"Saray" filminin musiqisini məşhur günenyli sənətkar Aşıq Çingiz Mehdipur bəstələyib.

Rejissoru olduğu "Təkəmçi" adlı televiziya filmi isə İranda türk kimliyinin aşağılanması və türklərin paytaxt Tehranda lağa qoyulmasını təsvir edir.

Yədulla Səmədinin digər əsərlərinin böyük qismi komediya filmlərindən ibarətdir. O həmçinin İslam İnqilabı və İran-İraq müharibəsi mövzusunda filmlər çəkib^[1].

Ölümü

Yədulla Səmədi uzun illər qara ciyər xəstəliyindən əziyyət çəkib. Ona yeni ciyər transplantasiya olunsa belə səhhətindəki problemlərə görə 66 yaşında Şirazda dünyasını dəyişib^[2].

Filmoqrafiya

Rejissoru olduğu filmlər

Başqasının atası (2014)
7S (serial) (2013)
Hava uçuşu (teleserial) (2007)
Mənim ledim (2002)
Sara (1997)
Gülüşün möcüzəsi (1996)
Domrul (1993)
Mənzil № 13 (1990)
Savalan (1989)
Stansiya (1987)
Avtobus (1985)
Çox bilən insan (1984)

Həmçinin bax

İstinadlar

↑ ¹ ² "Tanınmış azərbaycanlı rejissor Yədulla Səmədi". 2021-09-17 tarixində arxivləşdirilib. İstifadə tarixi: 2018-09-28.
↑ "Yədulla Səmədi dünyasını dəyişib". 2018-11-16 tarixində arxivləşdirilib. İstifadə tarixi: 2018-09-28.

Xarici keçidlər

Yədulla Səmədinin çəkdiyi "Apardı sellər Saranı" filmi

[:0-1] ¹ ² "Tanınmış azərbaycanlı rejissor Yədulla Səmədi". 2021-09-17 tarixində arxivləşdirilib. İstifadə tarixi: 2018-09-28.

[2] "Yədulla Səmədi dünyasını dəyişib". 2018-11-16 tarixində arxivləşdirilib. İstifadə tarixi: 2018-09-28.

[1]

[2]