Əsas menyunu aç

Yaşıl Velosipedçilər — Azərbaycanda 2008-ci ildə yaradılan və velosiped həvəskarlarını birləşdirən klub.

Yaranması və fəaliyyət tarixiRedaktə

Klub 2008-ci il ilin sentyabr ayında bir qrup fəal gənc tərəfindən yaradılmışdır. Klubun yaradılmasında "Gələcəyə Körpü" Gənclər İctimai Birliyinin 2007-ci ildən başlayaraq həyata keçirdiyi velosiped kampaniyaları Klubun yaranmasına böyük təkan vermişdir. Klubun məqsədi Azərbaycan cəmiyyətinin bütün təbəqələrindən, özəlliklə dövlət, qeyri-dövlət, media və biznes strukturlarının nümayəndləri həmçinin tələbələrin fəal iştirakı ilə insanları ətraf mühitə qarşı daha məsuliyyətli yanaşmağa çağırmaq və ekoloji nəqliyyat vasitəsi olan velosipedləri təbliğ və inkişaf etdirməkdən ibarətdir.[1][2]

Klubun üzvləriRedaktə

Veloklubun üzvləri ətraf mühitin qorunmasında maraqlı olan və bu işin təbliğatında töhfə vermək istəyən insanlardır. Onlar velosipedi olan və ya velosiped sürməyə istəyi olan insanlardır. Klubun üzvləri içərisində şəhər və ya dağ velosipedi sürənlər var.

Klubun vəzifələriRedaktə

Dünyada ətraf mühitin qorunması proqramına dəstək olmaq və Azərbaycanda ekoloji maarifləndirici tədbirlər təşkil etmək, velosipedi nəqliyyat vasitəsi kimi təqdim və təbliğ etmək, Azərbaycanda yolların kənarında velosipedlər üçün xüsusi cığırların açılmasına nail olmaq, velosipedlər üçün yol hərəkəti qaydalarına dair qanunun qəbul olunmasına nail olmaq, Azərbaycanda ətraf mühitə qarşı məsuliyyətin artırılmasına aid müxtəlif növ tədbirlərin hazırlanması və həyata keçirilməsinə töhfə vermək.

Kluba üzvlükRedaktə

Yaşı 16-dan artıq, velosiped sürməyə istəyi olan hər bir şəxs Kluba üzv ola bilər. Üzvlərdən yalnız aylıq üzvlük haqqı ödəmək və Klubun müəyyən etdiyi qaydalara əməl etmək tələb olunur.

İstinadlarRedaktə

Xarici keçidlərRedaktə