Yeva Zasimauskayte
Yeva Zasimauskayte-Kiltinaviçyene (lit. Ieva Zasimauskaitė-Kiltinavičienė; d. 2 iyul 1993, Kaunas, Litva) — Litva müğənnisi və bəstəkarı. O, "When We're Old" mahnısı ilə Litvanı 2018 Avroviziya Mahnı Müsabiqəsində təmsil etmiş və ölkəsinə finalda 12-ci yeri qazandırmışdır. Yeva daha öncə 2013, 2014, 2016 və 2017-ci illərdə Avroviziya üçün keçirilən milli seçim turlarında iştirak etmişdir.
| Yeva Zasimauskayte | |
|---|---|
| lit. Ieva Zasimauskaitė | |
_20180508_EuroVisionary_(cropped).jpg) Yeva Zasimauskayte 2018-ci ildə | |
| Ümumi məlumatlar | |
| Doğum adı |
Yeva Zasimauskayte lit. Ieva Zasimauskaitė |
| Doğum tarixi | |
| Doğum yeri | Kaunas, Litva |
| Vətəndaşlığı |
 Litva |
| Musiqiçi məlumatları | |
| Fəaliyyəti | müğənni, bəstəkar |
| Fəaliyyət illəri | 2012–h.h. |
| Janr | Pop |
| Musiqi alətləri | vokal, piano |
 Vikianbarda əlaqəli mediafayllar | |
Həyatı
redaktəYeva Zasimauskayte 2 iyul 1993-cü ildə Litvanın ikinci ən böyük şəhəri olan Kaunasda anadan olmuşdur. O, 2012-ci ildə Böyük Vitovt Universitetini bitirmişdir. Daha sonra isə 2012-ci ildən 2015-ci ilin iyun ayınadək Vilnüsdə yerləşən Beynəlxalq Hüquq və Biznes məktəbində Otel menecerliyi ixtisası üzrə təhsil almışdır. 2014-cü ildə Yeva bir semestri Erasmus proqramı ilə İspaniyanın Barselona şəhərində keçirmişdir.
Yeva yeddi yaşından Kaunasda yerləşən Aleksandras Kaçanauskas musiqi məktəbində vokal dərsləri almışdır. Səkkiz ildən sonra Yeva məktəbi estrada müğənnisi kimi başa vurmuşdur. O, məktəbdə "Linksmasis do" uşaq vokal qrupu ilə birlikdə səhnə almış və eyni zamanda pianoda ifa etmişdir. O, müxtəlif yarışma və festivallarda da iştirak etmişdir. Musiqiyə verdiyi bir illik fasilədən sonra Yeva 16 yaşında Litvanın TV3 telekanalının təşkil etdiyi Chorų karai yarışmasında Kaunas xorunun üzvü kimi üç il çıxış etmişdir. Həmin xorun yarışmada qələbə qazanmasının ardınca Yeva xor ilə birlikdə Litvada konsertlərdə səhnə almışdır. O, daha sonra bəstəkar və prodüser Tautkus ilə əməkdaşlıq etmişdir.
2012-ci ildə Yeva Litvanın Lietuvos balsas səs yarışmasında iştirak etmiş və yarışmada finaladək yüksələ bilmişdir. Bundan qısa zaman sonra ifaçı solo karyerasına başlamışdır. Onun ilk bəstələdiyi mahnı "Pasiilgau" olmuşdur. Daha sonra Zasimauskayte bir çox konsert proqramlarında səhnə almışdır.
Ailəsi
redaktəYevanın valideynləri tibb işçiləridir və eyni zamanda musiqi ilə də məşğul olurlar. Yevanın atası gitarada ifa edir. Onun eyni zamanda Uqnius adlı böyük qardaşı da var.
Yeva Zasimauskayte 2015-ci ilin iyun ayında beş illik münasibətdən sonra yoldaşı ilə ailə həyatı qurmuşdur. Onun həyat yoldaşı Marius Kiltinaviçyus Litva milli basketbol komandasında hakim olaraq fəaliyyət göstərir. Marious daha öncə Litvanın N.E.O musiqi qrupunun üzvü olmuşdur.[1][2] 2014-cü ildən etibarən cütlük vegeteriandır və Ayurveda ilə maraqlanırlar. Cütlük ibadətçi olaraq dəfələrlə Hindistana səfər etmişdir.
Diskoqrafiya
redaktəSinqllar
redaktə| Mahnı adı | İl |
|---|---|
| "When We're Old" | 2019 |
İstinadlar
redaktə- ↑ "Kaune amžiną meilę prisiekė". 2022-08-06 tarixində arxivləşdirilib. İstifadə tarixi: 2018-04-09.
- ↑ "Kaune susituokė dainininkė Ieva Zasimauskaitė ir krepšinio treneris Marius Kiltinavičius". 2021-01-18 tarixində arxivləşdirilib. İstifadə tarixi: 2018-04-09.
| Əvvəlki: Fusedmarc "Rain of Revolution" |
Litva Avroviziya Mahnı Müsabiqəsində  2018 |
Sonrakı: Yuriyus "Run with the Lions" |