Yevgeni Morqunov
Yevgeni Aleksandroviç Morqunov (rus. Евгений Александрович Моргунов; d. 27 aprel 1927-ci il, Moskva, RSFSR — v. 25 iyun 1999-cu il, Moskva, RSFSR) — Sovet və Rusiya aktyoru və kinorejissoru, RSFSR-in əməkdar artisti (1978). Daha çox Leonid Qaydayın öz komediyalarında yaratdığı Qorxaq-Axmaq-Çoxbilmiş üçlüyündən Çoxbilmiş rolunun ifaçısı kimi tanınmışdır.[1]
| Yevgeni Morqunov | |
|---|---|
| rus. Евгений Моргунов | |
 | |
| Doğum adı | Yevgeni Aleksandroviç Morqunov |
| Doğum tarixi | |
| Doğum yeri | Moskva, SSRİ |
| Vəfat tarixi | (72 yaşında) |
| Vəfat yeri | Moskva, RSFSR, SSRİ |
| Vəfat səbəbi | insult |
| Dəfn yeri | |
| Vətəndaşlığı |
 SSRİ →  Rusiya |
| Atası | Aleksandr Semyonoviç Morqunov |
| Fəaliyyəti | aktyor |
| Fəaliyyət illəri | 1944-1998 |
| Təhsili | |
| Mükafatları |
 |
| IMDb | ID0605201 |
 Vikianbarda əlaqəli mediafayllar | |
Həyatı
redaktəYevgeni Aleksandroviç Morqunov 27 aprel 1927-ci ildə Moskvada anadan olmuşdur. Uşaqlığı ağır keçmişdir. 14 yaşından "Frezer" zavodunda çalışmağa başlamışdır. 1943-cü ildə yeniyetmə Morqunov Stalinə məktub yazır və ondan teatr məktəbinə qəbul olunmasını xahiş edir. Məktubun cavabı müsbət olur və Morqunov həqiqətən Tairov adına teatr məktəbinə qəbul olur. Düz bir il orada təhsil alandan sonra ÜDKİ-yə gedir və Sergey Gerasimovun aktyor kursuna daxil olur. 1948-ci ildə oranı bitirir və 1948-1951-ci illərdə "Kinoaktyor teatr-studiyası"nda çalışır. Sonradan 2 illik oradan çıxsa da, yenidən qayıtmalı olur.
İlk aktyor işi Morqunovu hər kəsə tanıtdı. 1948-ci ildə çəkilmiş "Gənc qvardiya" filmində çəkilən Morqunov ictimaiyyət tərəfindən yaxşı qarşılanır.[2] Filmin rejissoru Sergey Gerasimov idi.
Ötən əsrin 50-ci illərində də bir çox müxtəlif filmlərdə rol alan Morqunovu geniş xalq kütləsi Çoxbilmiş obrazı ilə tanıdı və sevdi. Bu surət rejissor Leonid Qaydayın "Araq çəkənlər", "Köpək Barbos və qeyri-adi qaçış", ""I" əməliyyatı və Şurikin başqa macəraları" və "Qafqaz əsiri" filmlərinin obrazı idi.
Yevgeni Morqunov özünü rejissor kimi də sınamışdı. O, 1963-cü ildə Mixail Şoloxovun əsəri əsasında "Kazaklar ağlayanda" ekran nümunəsini yaratmışdır.
"Qafqaz əsiri" filminin çəkilişləri zamanı Y. Morqunov və L. Qayday arasında münaqişə baş vermişdi [3]. Səbəb aktyorun özünü, öz ciddiliyi ilə seçilən rejissora qarşı olduqca sərbəst aparması idi. Bu fakt Yevgeni Morqunovun gələcək karyerasına olduqca ciddi təsir edir. 1970-1980-ci illər ərzində aktyor demək olar ki, kinoda çəkilmir. Çəkilsə belə, bu – epizodik rollar olur...
Aktyor uzun illər şəkərli diabetdən əziyyət çəkməsinə baxmayaraq, alkoqolu bir kənara qoymur. Və bu Morqunova 2 infarkt, eləcə də insult gətirir. Beləcə, Yevgeni Morqunov 25 iyun 1999-cu ildə vəfat edir.
Filmoqrafiya
redaktəAktyor kimi
redaktə| İl | Azərbaycanca adı | Orijinal adı | Rol |
|---|---|---|---|
| 1944 | Müharibədən sonra axşam saat 6-da | rus. В 6 часов вечера после войны | artilleriyaçı |
| 1944 | Gündüzlər və gecələr | rus. Дни и ночи | əsgər |
| 1944 | 217 saylı insan | rus. Человек № 217 | 204 saylı məhbus |
| 1945 | Bu Donbassda baş verib | rus. Это было в Донбассе | gizli siyasi iş aparan |
| 1948 | Gənc qvardiya | rus. Молодая гвардия | Staxoviç |
| 1949 | Onların Vətəni var | rus. У них есть Родина | komendant |
| 1950 | Don şaxtaçıları | rus. Донецкие шахтёры | Qorovoyun oğlu |
| 1950 | Məhkumların sui-qəsdi | rus. Заговор обречённых | hərbçi |
| 1950 | Gizli tapşırıq | rus. Секретная миссия | Amerika əsgəri |
| 1950 | Cəsarətli insanlar | rus. Смелые люди | Hofman |
| 1951 | Unudulmaz 1919-cu il | rus. Незабываемый 1919 год | anarxiyaçı dənizçi |
| 1953 | Düşmənləri havaya sovur | rus. Вихри враждебные | anarxiyaçı |
| 1954 | "Pəhləvan" Martoya gedir | ukr. «Богатир» іде в «Марто» | Hemfri |
| 1954 | Gəmi komandiri | ukr. Командир корабля | Maxotin |
| 1955 | Ana | rus. Мать | jandarm |
| 1955 | Meksikalı | rus. Мексиканец | Maykl |
| 1955 | Otello | rus. Отелло | epizod |
| 1956 | Pavel Korçagin | rus. Павел Корчагин | epizod |
| 1956 | İlk sevinclər | rus. Первые радости | sanitar |
| 1956 | Şair | rus. Поэт | poeziya axşamındakı tamaşaçı |
| 1957 | Parla, mənim şəfəqim | rus. Гори, моя зоре | Krutikov |
| 1957 | Trubaçyovun dəstəsi döyüşür | rus. Отряд Трубачёва сражается | alman denşiki |
| 1957 | Tufanla doğulanlar | ukr. Народжені бурею | Kobılski |
| 1957 | Keçmişin səhifələri | rus. Страницы былого | jandarm |
| 1958 | Əsgərlər keçdi... | rus. Шли солдаты… | generalın yavəri |
| 1959 | Bəyaz gecələr | rus. Белые ночи | keşikçi |
| 1959 | Vasili Surikov | rus. Василий Суриков | komendant |
| 1959 | İnsanın taleyi | rus. Судьба человека | kök alman əsgəri |
| 1960 | Yevgeniya Qrande | rus. Евгения Гранде | çəlləkçi |
| 1960 | Dirilmə | rus. Воскресение | epizod |
| 1961 | Al yelkənlər | rus. Алые паруса | onbaşı |
| 1961 | İki həyatı | rus. Две жизни | Krasavin |
| 1961 | Balaca utanmaz | rus. Нахалёнок | epizod |
| 1961 | Köpək Barbos və qeyri-adi qaçış | rus. Пёс Барбос и необычный кросс | Çoxbilmiş |
| 1961 | Araq çəkənlər | rus. Самогонщики | Çoxbilmiş |
| 1961 | Heç yerdən olmayan adam | rus. Человек ниоткуда | aşpaz |
| 1963 | Sırıqlı yollar | rus. Стёжки-дорожки | milis patrulu |
| 1964 | Görüşənədək, uşaqlar! | rus. До свидания, мальчики! | uşaqlı adam |
| 1964 | İtirilmiş vaxt haqqında nağıl | rus. Сказка о потерянном времени | "Moskviç"in sahibi |
| 1964 | İstəyirsizin inanın, istəmirsiniz yox... | rus. Хотите — верьте, хотите — нет… | restorandakı həmsöhbət |
| 1965 | Şikayət kitabını verin | rus. Дайте жалобную книгу | geyim mağazasının direktoru |
| 1965 | "I" əməliyyatı və Şurikin başqa macəraları | rus. Операция "Ы" и другие приключения Шурика | Çoxbilmiş |
| 1966 | Üç gombul | rus. Три толстяка | gombul |
| 1966 | Qafqaz əsiri və ya Şurikin yeni macəraları | rus. Кавказская пленница, или Новые приключения Шурика | Çoxbilmiş |
| 1967 | Dəniz hekayələri | rus. Морские рассказы | müğənni |
| 1968 | Yeddi qoca və bir qız | rus. Семь стариков и одна девушка | Çoxbilmiş |
| 1969 | Qaçırılma | rus. Похищение | Morqunov |
| 1969 | Köhnə tanış | rus. Старый знакомый | kapitan |
| 1972 | İlf və Petrov tramvayda gediblər | rus. Ехали в трамвае Ильф и Петров | oğru |
| 1975 | Sirkdə sirk | çex. Cirkus v cirkuse rus. Соло для слона с оркестром |
Kolya |
| 1976 | Şən yuxugörmə və ya gülüş və göz yaşları | rus. Весёлое сновидение, или Смех и слёзы | Tuz Pik |
| 1976 | Sehrli fonar | rus. Волшебный фонарь | şerif, polismen, qonşu, sərhədçi |
| 1977 | Risk alicənab işdir | rus. Риск — благородное дело | kameo |
| 1979 | Necə istəsən, elə də başa düş | rus. Бабушки надвое сказали… | mehmanxana restoranındakı aşpaz |
| 1980 | Çoxdan keçmiş günlərin komediyası | rus. Комедия давно минувших дней | Çoxbilmiş |
| 1982 | Gözləmirdik, güman etmirdik! | rus. Не ждали, не гадали! | qonşu |
| 1982 | Pokrov darvazası | rus. Покровские ворота | şair Soyev |
| 1982 | Sadəcə dəhşət | rus. Просто ужас | keçinin sahibi |
| 1986 | Sosnovkada premyera | rus. Премьера в Сосновке | vilayət teatrının rejissoru |
| 1986 | Yaxşı oturmuşuq! | rus. Хорошо сидим! | futbol hakimi |
| 1987 | Başqa hökmlərdən daha güclü | rus. Сильнее всех иных велений | Qolisının qayınatası |
| 1990 | Superment | rus. Супермент | |
| 1991 | Bataqlıq street və ya seks əleyhinə vasitə | rus. Болотная street, или Средство против секса | mənzil sahibi |
| 1991 | Hərəkət elə, Manya! | rus. Действуй, Маня! | kinorejissor |
| 1992 | Arvadbaz 2 | rus. Бабник 2 | ekstrasens |
| 1992 | Tabutda atəş | ukr. Постріл у труні | polkovnik / Kovbasyuk |
| 1992 | Cənab artistlər | ukr. Панове артисти rus. Господа артисты |
memar |
| 1992 | Yeni Odeon | rus. Новый Одеон | Bloxin |
| 1993 | İgid oğlanlar | ukr. Браві хлопці | mayor İvan Karas |
| 1993 | Ailəmin xəzinəsi | rus. Сокровище моей семьи | |
| 1994 | Yəqin vals oynayanlardır | rus. Вальсирующие наверняка | |
| 1995 | Bulvarda sevgi macərası | rus. Бульварный роман | qubernator |
| 1998 | Cənnət alması | rus. Райское яблочко | Vsevolod İvanoviç Tyubikov |
Rejissor kimi
redaktə| İl | Azərbaycanca adı | Orijinal adı | Filmdə iştirakı | Filmin növü |
|---|---|---|---|---|
| 1963 | Kazaklar ağlayanda | rus. Когда казаки плачут | rejissor | Qısametrajlı bədii film |
İstinadlar
redaktə- ↑ "«Я человек скромный, несмотря на свою порядочность»". 2013-10-22 tarixində arxivləşdirilib. İstifadə tarixi: 2014-03-12.
- ↑ Pervıy kanal. "Вспоминаем Евгения Моргунова" (rus). Youtube.com. 27.04.2018. 2022-04-04 tarixində arxivləşdirilib. İstifadə tarixi: 2018-04-27.
- ↑ "МОРГУНОВ Евгений Александрович". 2009-02-20 tarixində arxivləşdirilib. İstifadə tarixi: 2013-06-22.
.
Mənbə
redaktə- Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 277.
- peoples.ru
- Могила на Кунцевском кладбище, уч. 10
Xarici keçidlər
redaktə- Yevgeni Morqunov — IMDb səhifəsi