Yevgeni Nabokix
Yevgeni Alekseyeviç Nabokix (rus. Евгений Алексеевич Набоких; təxəllüsü: Jenya, rus. Женя; 20 sentyabr 1952, Kursk – 6 aprel 2020, Kursk) — Rusiya hərbçisi, polkovnik-leytenant, SSRİ–Əfqanıstan müharibəsinin iştirakçısı, Birinci Qarabağ müharibəsinin Ermənistan tərəfindən iştirakçısı, Xocalı soyqırımının təşkilatçılarından biri.
| Yevgeni Nabokix | |
|---|---|
| rus. Евгений Алексеевич Набоких | |
| Şəxsi məlumatlar | |
| Doğum tarixi | 20 sentyabr 1952 |
| Doğum yeri | |
| Vəfat tarixi | 6 aprel 2020 (67 yaşında) |
| Vəfat yeri | |
| Dəfn yeri | |
| Vətəndaşlığı | |
| Hərbi fəaliyyəti | |
| Rütbəsi | polkovnik-leytenant |
| Döyüşlər | |
Həyatı
redaktəYevgeni Alekseyeviç Nabokix 20 sentyabr 1952-ci ildə SSRİ-nin Kursk şəhərində anadan olmuşdur. O, etnik rus idi. SSRİ–Əfqanıstan müharibəsində kəşfiyyatçı kimi iştirak etmişdir. 1985-ci ildə Azərbaycan SSR-nin Xankəndi şəhərində yerləşən 366-cı motoatıcı alayına taqım komandiri vəzifəsinə göndərilmişdir. Burada erməni qadınla evlənmişdir. Qarabağ hərəkatının ilk günlərində Nabokix qeyri-rəsmi olaraq erməni tərəfini dəstəkləməyə başlamışdır. O, Qarabağı "xristian dünyasının darvazası" hesab edirdi. Kəşfiyyatda xidmət edirdi. Tezliklə batalyon komandiri olmuşdur. Nabokix erməni döyüşçülərini silah və hərbi təlimlərlə təmin edirdi.[1] O, Xocalı soyqırımında iştirak edən hərbi qüvvələrə rəhbərlik etmişdir.[2] 366-cı motoatıcı alayı Azərbaycandan çıxaranda Nabokix burada qalmışdır. Ailəsi ilə birlikdə Xankəndidə yaşayırdı. Ağdərənin işğalından sonra ailəsi ilə birlikdə Kursk şəhərinə qayıtmışdır.[1] 6 aprel 2020-ci ildə vəfat etmişdir. 8 apreldə Kursk şəhərində dəfn edilmişdir.[3]
İstinadlar
redaktə- ↑ 1 2 Узел, Кавказский. "Евгений Набоких : "Карабах - это ворота христианского мира"". Кавказский Узел. 2022-08-18 tarixində arxivləşdirilib. İstifadə tarixi: 2023-10-03.
- ↑ "Niyə Xocalı qətliamı üçün 26 fevral seçildi?". Axar.Az. 27 fev 2023. 2023-05-07 tarixində arxivləşdirilib. İstifadə tarixi: 2023-10-03.
- ↑ "Умер один из убийц азербайджанцев в Ходжалы". Armiya.Az. 2020-04-14 tarixində arxivləşdirilib. İstifadə tarixi: 2023-10-03.