Yokohama Sahil Mühafizəsi Muzeyi

Yokohama Sahil Mühafizəsi Muzeyi
Yokohama Sahil Mühafizəsi Muzeyi
Əsası qoyulub	10 dekabr 2004
Açılış tarixi	10 dekabr 2004
Ölkə	Yaponiya;
Yerləşir	Şinko[d]
	35°27′15″ şm. e. 139°38′39″ ş. u.HGYO
	kaiho.mlit.go.jp/03kanku…; jcgmuseum.jp
	Vikianbarda əlaqəli mediafayllar

Yokohama Sahil Mühafizəsi Muzeyi (海上保安資料館横浜館, Kayco Hoan Şiryokan Yokohama^?) – Yaponiyanın Kanaqava prefekturasının Yokohama şəhərində yerləşən. Muzey Yaponiyanın sahil mühafizə tarixinə həsr olunmuşdur.

Tarixi

Muzey 10 dekabr 2004-cü ildə açılmışdır.^[1]

Xüsusiyyətlər

Muzey Yaponiya Sahil Mühafizə Xidmətinin fəaliyyətinə həsr olunmuşdur.^[2] Muzeyin əsas görməli eksponatı 2001-ci ilin dekabrında Amami-Oşima döyüşü zamanı sahil mühafizə xidməti tərəfindən ələ keçirilmiş, Şimali Koreyaya məxsus olan casus gəmisidir.^[2] Burada "Casus gəmisi" sərgisi yaradılmışdır.^[2] Gəmidən çıxarılmış bir çox material muzeydə sərgilənməkdədir: Yaponiya istehsalı mobil telefon, koreyaca–ingiliscə lüğət, tüfənglər, pulemyotlar, partlayıcı maddələr, polad dəbilqələr, dalğıclıq ləvazimatları və Kaqoşima prefekturasının sahil xəritələri.^[2] Gəmidə tapılmış və Şimali Koreya lideri Kim İr Senin təsviri olan etiket sancağı da muzey eksponatları arasındadır.^[2] Gəmi yarasız vəziyyətdə olsa da, ziyarətçilər gəmi ilə yaxından tanış ola bilərlər.^[2]

Muzeyin son hissəsi Yaponiya Sahil Mühafizə Xidməti tərəfindən istifadə olunan gəmi və təyyarələrə həsr olunmuşdur.^[2] Burada personalın təlimləri və vəzifələri haqqında məlumat verilir.^[2]