Yunis Səfərov
(Yunis Səfərov (professor) səhifəsindən istiqamətləndirilmişdir)
Səfərov Yunis Baxşəli oğlu (15 may 1926, Şərur rayonu, Naxçıvan MSSR – 27 mart 1994, Naxçıvan) – həkim-baytar, pedaqoq, baytarlıq elmləri doktoru (1964), professor (1964).[1]
| Yunis Səfərov | |
|---|---|
| Yunis Baxşəli oğlu Səfərov | |
 | |
| Doğum tarixi | |
| Doğum yeri | Şərur rayonunun Xanlıqlar kəndi |
| Vəfat tarixi | (67 yaşında) |
| Vəfat yeri | Naxçıvan şəhəri |
| Atası | Baxşəli |
| Təhsili | |
| Fəaliyyəti | alim |
| Elmi dərəcəsi |
|
| Mükafatları |
 |
Həyatı redaktə
1926-cı ildə Şərur rayonunun Xanlıqlar kəndində anadan olub. 1950-ci ildə Azərbaycan Kənd Təsərrüfatı İnstitutunun (indiki Kənd Təsərrüfatı Akademiyası) baytarlıq fakültəsini, 1953-cü ildə isə keçmiş Ümumittifaq Eksperimental Baytarlıq İnstitutunun (Moskva) aspiranturasını bitirmişdir.[1]
Elmi-təşkilati fəaliyyəti redaktə
- 1964-1971-ci illərdə Kənd Təsərrüfatı İnstitutunda baytarlıq fakültəsinin dekanı olub.
- 1971-1977-ci illərdə Epizootologiya və Mikrobiologiya kafedrasının müdiri olub.
- 1977-1994-cü illərdə Naxçıvan Dövlət Universitetində Zoologiya kafedrasının müdiri işləmişdir.
- Elmi tədqiqatlarının əsasını heyvanlarda, xüsusilə qoyunlarda, habelə xəzdərili heyvanlarda (qunduzlar) və quşlarda yoluxucu xəstəliklərin(enterotoksemiya, bruselyoz) öyrənilməsi, onlara qarşı müalicə-profilaktika və peyvənd materiallarının (vaksinlər) hazırlanması təşkil edir.
- Yunanıstanda keçirilən Beynəlxalq mikrobiologiya konqresinin vitse-prezidenti seçilmişdir. Elmi kadrlar hazırlanmasında xidməti var.[1]
Elmi əsərləri redaktə
200-dən çox elmi əsərin, o cümlədən 4 monoqrafiyanın, 14 dərslik və tədris-metodiki vəsaitin müəllifidir. Bir neçə müəlliflik şəhadətnaməsi almışdır.[1]
Mükafatları redaktə
“Şərəf nişanı” ordeni ilə təltif olunmuşdur.[1]
İstinadlar redaktə
- ↑ 1 2 3 4 5 Naxçıvan Ensiklopediyası. II cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 260-261. ISBN 5-8066-1468-9.