Yusif Bağırzadə

hüquqşünas, siyasətçi

Yusif Qəzənfər oğlu Bağırzadə (19 fevral 1961(1961-02-19), Kirovabad) — hüquqşünas, politoloq, Azərbaycan Milli Məclisinin I çağırışı deputatı, Mərkəzi Seçki Komissiyasının üzvü (2003–2006).

Yusif Bağırzadə
Yusif Bağırzadə.jpg
bayraqAzərbaycan Milli İstiqlal Partiyasının sədribayraq
10 iyul 2010 — 27 oktyabr 2015
Sələfi Fuad Muxtarov
Xələfi Arzuxan Əlizadə
bayraqAzərbaycan Respublikası Mərkəzi Seçki Komissiyasının üzvübayraq
13 iyun 2003 — 7 fevral 2006
bayraqAzərbaycan Respublikasının Milli Məclisi I çağırış deputatıbayraq
12 noyabr 1995 — 5 noyabr 2000
Şəxsi məlumatlar
Partiya Bitərəf (-1998)
Azərbaycan Demokrat Partiyası (1998-2003)
Azərbaycan Milli İstiqlal Partiyası (2010-2015)
Təhsili
  • Özbəkistan Milli Universiteti[d]
Doğum tarixi 19 fevral 1961(1961-02-19) (60 yaş)
Doğum yeri

HəyatıRedaktə

Yusif Bağırzadə 1961-ci il fevralın 19-da Gəncə şəhərində anadan olmuşdur. Daşkənd Dövlət Universitetinin hüquq fakültəsini bitirmişdir. Rus, özbək və fransız dillərini bilir.

Siyasi fəaliyyətiRedaktə

1995-ci il noyabrın 12-də 33 saylı Birinci Nizami (Gəncə) seçki dairəsindən deputat seçilmişdir. Milli Məclisin Hüquq siyasəti və dövlət quruculuğu məsələləri komissiyası sədrinin müavini olmuşdur.

1998-ci ildə Yusif Bağırzadə Rəsul Quliyevin Azərbaycan Demokrat Partiyasının həmsədri seçilməsindən sonra Azərbaycan Demokrat Partiyasına üzv olmuşdur.

2003-cü il prezident seçkilərindən öncə yenidən təşkil olunan Mərkəzi Seçki Komissiyasının tərkibinə parlamentdənkənar siyasi partiyaların da iştirakının təmini səbəbi ilə Azərbaycan Demokrat Partiyası, Azərbaycan Liberal Partiyası, Azərbaycan Milli İstiqlal PartiyasıMüsavat Partiyası tərəfindən üzvlər irəli sürülmüşdür. Azərbaycan Demokrat Partiyası əsas üzvlüyə Yusif Bağırzadə təqdim olunmuşdur. 13 iyun 2003-cü ildə təqdim olunan üzvlər təsdiqlənmiş və Yusif Bağırzadə Mərkəzi Seçki Komissiyasının üzvü seçilmişdir.[1] 2005-ci il seçkilərindən sonra səlahiyyətləri sona çatsa da yeni tərkib 7 fevral 2006-ci ildə seçilmişdir.[2]

Daha sonra Yusif Bağırzadə bitərəf olaraq siyasətə davam etmişdir.

2010-cu il aprelin 9-da Azərbaycan Milli İstiqlal Partiyasına üzv qəbul olunub. Yusif Bağırzadə AMİP-ə üzv olmaq üçün Siyasi Şuraya özü müraciət etmişdir. Sabiq deputatın partiyaya qəbulu haqda qərar Siyasi Şuranın iclasında yekdilliklə çıxarılıb.

2010-cu ilin 10 iyul tarixində Azərbaycan Milli İstiqlal Partiyasının X Qurultayında Yusif Bağırzadə partiya sədri seçilmişdir.[3] 27 oktyabr 2015-ci il tarixində parlament seçkilərinə 5 gün qalmış sədr postundan və partiyadan istefa verən Yusif Bağırzadə siyasətdən getdiyini elan etmişdir.

AiləsiRedaktə

Evlidir, 1 övladı var

MənbəRedaktə