Yusif Cəfərov (aktyor)

(Yusif Cəfərov səhifəsindən istiqamətləndirilmişdir)

Yusif Cəfərov (25 oktyabr 1970) – Gəncə Dövlət Dram Teatrında aktyor. Fəxri mədəniyyət işçisi. "Qızıl Dərviş" mükafatçısıdır. Teatr Xadimləri İttiffaqının üzvüdür.[Mənbə göstərin]

YUSİF CƏFƏROV
Cəfərov Yusif Faiq oğlu
Yusif Cəfərov.jpg
Doğum tarixi (50 yaş)
Doğum yeri Gəncə
Fəaliyyəti Aktyor
Commons-logo.svg Vikianbarda əlaqəli mediafayllar

HəyatıRedaktə

Yusif Cəfərov 1970-ci ildə Gəncə şəhərində anadan olub. 1987-ci ildə orta məktəbi bitirib. Həmin ildən də Gəncə Dövlət Kukla teatrında aktyor kimi fəaliyyətə başlayıb. 1991-ci ildə Gəncə Dövlət Nizami Poeziya teatrının direktoru A.Əliyevin dəvətindən sonra Gəncə Dövlət Nizami Poeziya teatrına köçürülmüşdür. 1994-cü ildə "Qalxan-R" şəxsi təlükəsizlik mərkəzinin "Təlükəsizlik xidməti" kursunu bitirmişdir. 1995-ci ildən eyni zamanda Gəncə Dövlət Dram teatrında da fəaliyyət göstərmişdir. İşlədiyi müddət ərzində Nizami Poeziya teatrında oynadığı rollar aşağıdakılardır:

"Bəhram şah"da Bəhram şah, "Gül və Zəhər"də I Loğman, "Məhəbbət əfsanəsi"ndə Şapur " Xeyir və Şər"də Şər, "Tıxac" – tamada "Yeddi məhbusun şikayəti" I məhbus, "Dərd yükü"- oğul, "Qapı"- əsgər, B.Vahabzadə və Z.Yaqubun şerləri əsasında Pərvanə Qurbanova- nın səhnələşdirdiyi "Yaddan çıxmaz Qarabağ" – aparıcı Volterin "Sadiq və ya Tale" povestinin motivləri əsasında Fərman Rzayevin səhnələşdirdiyi " Əlmanə" tamaşasında Baş Kahin və s.

Gəncə Dövlət Dram teatrında işlədiyi müddətdə çoxlu sayda, əsasən baş rolların ifaçısı olmuşdur: R.Toma "Tələ"- Daniel, "Nəsrəd- din"də- Nəsrəddin, "Bəxtsiz cavan"da- Fəhrad, "Qana-qan"da- Dəllək, "Mahnı dağlarda qaldı" da- Rəhman, "Oqtay Eloğlu" da- Şəkinski, "Məhəbbətin qənimi" - Həkim, " Varlı qadın" - Oğul, "Gözəlçələr"- müştəri, "Dan yeri söküləndə" -Barbaryan, "20 ildən sonra" - Səfir, "Sabir" - Mirzə Cəlil, "Şəhrizadın oyunu" -Şah Şəhriyar, Tuncer Cücenoğlunun "Matruşka" - Kişi və s. Aydın Murovdağlının, eyni adlı poeması əsasında "Alın yazısı" ədəbi bədii kompazisiyasını səhnələşdirmişdir. Bir çox tamaşaların musiqi və video tərtibatçısı olmuşdur. 2011 ci ilin may ayında Gəncə Dövlət Dram teatrınin tarixində ilk dəfə olaraq teatrın xarici ölkələrdə keçirilən Beynəlxalq Teatr festivalında iştirakını təşkil etmişdir. Bu ilk xarici səfər Türkiyə Cümhuriyyəti Giresun Bələdiyyəsinin keçirdiyi 34- cü Beynəlxalq "AK SU" teatr festivalı olmuşdu.2013-cü il də Teatrın, Türkiyənin Konya şəhərində keçirilən Türkdilli Dövlətlərin "Bin nefes bir ses" Uluslararası 6-cı teatr festivalına,elə həmin ildə Ukraynanın Dneprodzerjinski şəhərində keçirilən "Klassiklər bu gün"adlı festivallarda iştirakının təşkilatçısı olmuşdur. 2014-cü ildə BMT-nin xətti ilə teatrın ABŞ-ın Nyu-York şəhərinə qastrol səfərini təşkil etmişdir. 2015-ci ildə yenidən Giresunda (Türkiyədə) keçirilən " 21.Fevzi Bayazi" Teatr günlərində, və Bulancak şəhərindəki Teatr festivalında Gəncə teatrının iştirakının təşkilatçısı olmuşdur.Gəncə şəhərində Kəpəz tv - nin dublyaj studiyasının rəhbəri və səs rejissoru işləmişdir. 2015 ci ildə Gəncə tarixində ilk dəfə "İtən ömür" adlı qısametrajlı bədii film çəkmişdir. 2016- cı ilin mart ayında Azərbaycanın Mədəniyyət və Turizm nazirliyinin təsis etdiyi " Fəxri mədəniyyət işçisi" döş nişanı ilə təltif olunmuşdur. 2016 -cı ilin aprel ayında T. C - nin Konya şəhərində keçirilən " 9 BİN NEFES BİR SES ", 2017- ci ildə Türkiyənin Merzifon şəhərində keçirilən beynəlxalq teatr festivallarının təşkilatçısıdır. 2017- ci ildə T.C Merzifon və Giresun şəhərlərində keçirilən Beynəlxalq teatr festivallarında Moskva Perova Dövlət Dram teatrının, 2018- ci ildə Giresunda keçirilən Beynəlxalq Teatr festivalında Özbəkistan Respublikasının Daşkənd Dövlət Dram teatrının, 2018 ci ildə Gürcüstanın Özürgeti şəhərində keçirilən Nodar Dumbadze beynəlxalq teatr festivalında Gəncə Dövlət Dram teatrının və Moskva "U Nikitiskix vorot" Dövlət Dram teatrının iştirakının təşkilatçısıdır. 2018 ci ilin sentyabr ayında İstanbul Maltepe bələdiyyəsinin keçirdiyi "Sahna hayatdır" adlı festivalda teatrın "Matruşka" tamaşası ilə iştirakını və Gürcüstanın Özurgeti teatrının iştirakının təşkilatçısı olmuşdur. 2019 cu ilin aprel ayında Türkiyənin Adana və Konya şəhərlərində keçirilən Devlet tiyatroları festivallarında, may ayında isə Ukraynanın Kamenskoe və Xerson şəhərlərində keçirilən festivallarda Gəncə teatrının "Hellados" tamaşası ilə, İstanbul Maltepe Belediyye teatrının "Dəli" tamaşası ilə, Gürcüstanın Çokaturi teatrının "Nostradamus" tamaşası ilə iştiraklarının təşkilatçısı olmuşdur. 2019 cu ilin 11-15 sentyabr tarixlərində T.C İstanbul /Maltepe festivalına "Festivala müşahidəçi və nəzarətçi" kimi dəvət almış, Gürcüstanın Özürgeti Dövlət dram teatrını, Özbəkistan Kaşkaderya Müzikal Dövlət teatrlarını festivala dəvət etmiş və Gəncə Dövlət Dram teatrının rejissoru Elşad Əhmədovun festivalda "Juri" üzvü kimi iştirakının təşkilatçısı olmuşdur. Elə həmin festivalda 7 ölkənin ( Azərbaycan, Türkiyə, Rumıniya, KKTC, Ukrayna,Gürcüstan, Özbəkistan) iştirakı ilə yaradılmış " Avroasiya teatrları ittifaqı"nın Azərbaycan üzrə ilk və yeganə təmsilçisi seçilmişdir. Gəncə Dövlət Dram Teatrının tarixini elektronlaşdırmış və tamaşalarının Youtube kanalında yayımlanmasını təşkil etmişdir. Bir neçə filmlərdə və seriallarda çəkilmişdir.

Ailəlidir. Beş övladı və dörd nəvəsi var

Həmçinin baxRedaktə

Xarici keçidlərRedaktə