Zəngçiçəyinəoxşar azineuma

Zəngçiçəyinəoxşar azineuma
Zəngçiçəyinəoxşar azineuma
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Klad: Asterids Klad: Campanulids Dəstə: Astraçiçəklilər Fəsilə: Zəngçiçəyikimilər Yarımfəsilə: Campanuloideae Cins: Azineuma Növ: Zəngçiçəyinəoxşar azineuma
Beynəlxalq elmi adı
	Asyneuma campanuloides Bornm., 1921;
NCBI	361369

Zəngçiçəyinəoxşar azineuma (lat. Asyneuma campanuloides) — bitkilər aləminin astraçiçəklilər dəstəsinin zəngçiçəyikimilər fəsiləsinin azineuma cinsinə aid bitki növü. IUCN Qırmızı Siyahısına görə növün kateqoriyası və statusu "Təhlükə həddinə yaxın olanlar"a aiddir. Azərbaycanın nadir növüdür.

Qısa morfoloji təsviri

Çoxillik ot bitkisidir. Gövdəsi 50-70 sm hündürlükdədir. Yarpaqları noxudvari və ya mişardişlidir, 5-8 sm uzunluqda, 2-4 sm enindədir. Aşağı yarpaqları yumurtavari və küt, digərləri oturaqdır. Çiçəkqrupu sünbülvari, topaşəkilli göy-bənövşəyi çiçəklərdən ibarətdir. Kasacığı çılpaq, ensiz tərs -konus formalı,şırımlıdır. Tacı dərin kəsilmiş, xətti, aşağı əyilən dilimlidir. Sütuncuğu 3 erkəkciklidir. Qutucuğu uzunsov, yuxarı hissəsində xırda grcüklərə açılandır.

Bioloji, ekoloji və fitosenoloji xüsusiyyətləri

Çiçəkləmə iyul-avqust, meyvəvermə iyul-senytabr aylarına təsadüf edir. Subalp və yuxarı meşə qurşağının dağ çəmənlərində, meşələrdə və tarlalarda rast gəlinir.

Yayılması

Böyük Qafqazın Quba sahəsi, şərq və qərb hissələri, Kiçik Qafqazın şimal və mərkəzi hissələr, Naxçıvanın dağlıq hissəsidir.

Sayı və tendensiyası

Populyasiyasının təbii bərpasında mənfi təsirlərin dəyişilməsindən asılılığı müşahidə olunur, azalma tendensiyasına meyillidir.

Məhdudlaşdırıcı amillər

Antropogen amillər, otarılma, tapdalanma və iqlim amillərinə həssaslıqdır.

Mühafizə tədbirləri

Populyasiyanın nəzarətə götürülməsi, mütəmadi monitorinqlərin aparılması tələb olunur.

Sinonimləri

Homotipik sinonimləri

Campanula marschalliana Boiss.
Phyteuma campanuloides M.Bieb. ex Sims
Phyteuma sibthorpianum var. campanuloides (M.Bieb. ex Sims) Steud.
Podanthum campanuloides (M.Bieb. ex Sims) Boiss.

Heterotipik sinonimləri

Asyneuma campanuloides var. gracile Manden. & Kuth.
Phyteuma campanuloides var. amplexifolium K.Koch
Phyteuma campanuloides var. petiolatum Regel