Zagrebačka banka
Zagrebačka banka (Zaqrebaçka banka, Zaqreb bankı) — Xorvatiyanın ən böyük bankı. UniCredit Maliyyə Korporasiyasının törəmə bankı. 1989-cu ildə tam özəlləşdirilən ilk Xorvatiya bankı və listinqlə birjaya (Zaqreb fond birjası, 1995-ci il) çıxan ilk Xorvatiya bankı. CROBEX adlı Xorvatiyanın əsas fond indeksinə daxil olan 25 şirkətdən biri.[3]
| Zagrebačka banka | |
|---|---|
 | |
| Ümumi məlumatlar | |
| Tipi | səhmdar cəmiyyəti |
| Sənaye | bankçılıq, maliyyə xidmətləri |
| Təsis tarixi | 1914 |
| Baş qərargahın yeri | Zaqreb |
| İqtisadi göstəriciləri | |
| Birjada listinqi | Zaqreb fond birjası |
| Ümumi kapital | 18.178 milyon xorvatiya kunası[1] |
| Ümumi aktivlər | 123.724 milyon xorvatiya kunası[1] |
| Struktur | |
| İşçi sayı | 4,037 (2014)[2] |
| Ana şirkət | UniCredit |
| zaba.hr | |
Bank 1914-cü ildə Zaqreb hakimiyyəti tərəfindən Gradska štedionica (şəhər əmanət bankı) adı ilə təsis edilmişdir. Bankın əsas vəzifəsi ilk öncə şəhər ictimai müəssisə və təşkilatlarını maliyyələşdirmək idi. Yarandığı gündən iki il sonra bank şəhərdə tramvay şəbəkəsi tikən Zaqreb Tramvay Şirkətini (ZET) maliyyələşdirməyə, eləcə də digər infrastruktur layihələrini kreditlərlə dəstəkləməyə başladı.
İkinci Dünya Müharibəsindən sonra bankın adı Gradska štedionica Zagreb (Zaqreb Şəhəri Əmanət Bankı) oldu. 1977-ci ildə bir sıra yenidən qurulmadan sonra bank müəssisələrə kredit verməyə yönəlmiş Zaqrebačka banka və fiziki şəxslərə maliyyə xidmətləri göstərən Gradska štedionica bölündü. 1980-ci ildə onlar yenidən birləşdilər, lakin artıq Zagrebačka banka adı altında. Bank YSFR dövlətinə məxsus olmayan ilk səhmdar bank oldu.
2002-ci ildə Zagrebačka banka İtaliyanın UniCredit maliyyə korporasiyası tərəfindən alındı. Hal-hazırda ölkənin ən böyük bankıdır, ölkənin bank xidmətləri sektorunun 25%-nə sahibdir. Bank xidmətlərindən 80.000 hüquqi şəxs və 1.1 milyondan çox fiziki şəxs yararlanır.
İstinadlar
redaktə- ↑ 1 2 "Annual Report 2013" (PDF). Zagrebačka banka. 15 April 2014 tarixində orijinalından (PDF) arxivləşdirilib. İstifadə tarixi: 14 April 2014.
- ↑ "Konzum je prešišao Zagrebački holding: Ima 11.886 zaposlenih". tportal.hr (xorvat). 22 May 2015. 24 December 2015 tarixində arxivləşdirilib. İstifadə tarixi: 23 December 2015.
- ↑ "Сайт Загребской фондовой биржи". 2013-02-18 tarixində orijinalından arxivləşdirilib. İstifadə tarixi: 2020-05-10.