Zakir Bəhmənov
Zakir Yusif oğlu Bəhmənov (8 iyun 1962, Toxluca, Göyçə mahalı – 25 aprel 1994, Baş Qərvənd, Ağdam rayonu) — Azərbaycan Silahlı Qüvvələrinə könüllü qoşulmuşdur. 1994-cü ildə Ağdam uğrunda gedən döyüşlərdə şəhid olmuşdur.
| Zakir Bəhmənov | |
|---|---|
| Zakir Yusif oğlu Bəhmənov | |
 | |
| Şəxsi məlumatlar | |
| Doğum tarixi | |
| Doğum yeri | Toxluca, Göyçə, Azərbaycan |
| Vəfat tarixi | (31 yaşında) |
| Vəfat yeri | Baş Qərvənd, Ağdam, Azərbaycan |
| Vəfat səbəbi | Şəhid |
| Dəfn yeri | İkinci Fəxri Xiyaban |
| Vətəndaşlığı |
 SSRİ→ Azərbaycan |
| Hərbi fəaliyyəti | |
| Mənsubiyyəti |
 A.R. Silahlı Qüvvələri |
Həyatı redaktə
Bəhmənov Zakir Yusif oğlu 1962-ci ilin iyunun 8-də Göyçə mahalının Çəmbərək (Krasnoselsk) rayonunun Toxluca kəndində anadan olmuşdur. Orta təhsilini Toxluca kənd orta məktəbində almışdır. 1979-cu ildə məktəbi bitirdikdən sonra hərbi xidmətə çağırılmışdır. 1980-1982-ci illərdə sovet ordusunda xidmət etmişdir. Ordudan qayıdanda öz doğma yurdu Toxlucaya gəlmişdir. 1988-ci ildə öz doğma kəndindən qovulduqdan sora Bakı şəhərində məskunlaşmışdır. Həmin ildən Sabunçu rayon Yusif Qasımov adına Nəqliyyat Mexanikləşdirmə İdarəsində sürücü vəzifəsində işləmişdir. Əməksevərliyi və bacarığı ilə kollektiv arasında rəğbət və hörmət qazanmışdır. 1993-cü ilin noyabrında torpaqlarımızı erməni təcavüzündən qorumaq üçün 190 saylı Sabunçu batalyonunun tərkibində könüllü olaraq Ağdam bölgəsindəki döyüşə getmişdir. Güllücə, İlxıçı, Cavahirdaş kəndləri uğrunda gedən döyüşlərdə fəal iştirak etmişdir. Döyüşlərə hər zaman ağılla girməsi, qorxmazlığı onu digər yoldaşlarından fərqləndirmiş və hörmət qazandırmışdır. Dönməzliyi və qətiyyəti onu cəsur döyüşçü kimi tanıtmışdır.
Elə həmin bölgədə 1994-ci il 25 aprel tarixində Ağdam rayonu Baş Qərvənd kəndi ətrafındakı döyüşdə amansız düşmən gülləsinə tuş gələrək şəhid olmuşdur. Aprelin 27-də Bakıya gətirilmiş və İkinci Fəxri Xiyabanda dəfn olunmuşdur. Evli idi. Bir oğlu və bir qızı var.
Hazırda Bakı şəhəri üzrə Təhsil İdarəsinin tabeliyindəki Sabunçu rayonu 68 nömrəli tam orta məktəb onun adını daşıyır.