Zakir Fərəcov
Zakir Fərəc oğlu Fərəcov (3 fevral 1954, Qazıdərə, Laçın rayonu) — Sumqayıt şəhər İcra Hakimiyyətinin başçısı.
| Zakir Fərəcov | |
|---|---|
 | |
Vəzifədədir | |
| 2 sentyabr 2015-ci ildən | |
| Əvvəlki | Eldar Əzizov |
| 11 avqust 2005 – 2 sentyabr 2015 | |
| Əvvəlki | Mirzə Novruzov |
| Sonrakı | İradə Gülməmmədova |
Sumqayıt bələdiyyəsinin 1-ci sədri | |
| 12 dekabr 1999 – 24 dekabr 2004 | |
| Əvvəlki | Vəzifə yaradıldı. |
| Sonrakı | Əbülfəz Babayev |
| Şəxsi məlumatlar | |
| Doğum tarixi | 3 fevral 1954 (70 yaş) |
| Doğum yeri | |
| Təhsili | |
|
|
|
| Təltifləri |
   |
Həyatı redaktə
Zakir Fərəcov 1954-cü ildə fevral ayının 3-də Laçın rayonunun Qazıdərə kəndində anadan olmuşdur. 1961–1971-ci illərdə orta ümumtəhsil məktəbində təhsil almışdır. Əmək fəaliyyətini 1971-ci ildə Sumqayıt Superfosfat zavodunda fəhlə kimi başlamışdır. 1971-ci ilin yanvar ayında Sumqayıt şəhəri Mənzil Kommunal Təsərrufatı İstehsalat birliyində texnik kimi işə başlamışdır. 1972-ci ilin noyabr ayından 1974-cü ilin noyabr ayınadək Murmansk vilayətinin Severomorsk şəhərində keçmiş Sovet Ordusunda həqiqi hərbi xitmətdə olmuşdur. 1975-ci ildə D. Bünyadzadə adına Xalq Təsərrufatı İnstitutunun "Sənaye İqtisadiyyatı" fakültəsisin axşam şöbəsinə daxil olmuş, 1980-ci ildə həmin institutu bitirmişdir. 1978-ci ildə Sumqayıt şəhəri Mənzil Kommunal Təsərrufatı Birliyində şöbə rəisi, 1981-ci ildə baş direktorun müavini, 1988-ci ildə Mənzil Kommunal İstehsalat birliyinə baş direktor təyin olunmuşdur.
Ailəlidir, 4 qızı, 1 oğlu, 11 nəvəsi var. Nazim Fərəcovun qardaşıdır.
Siyasi fəaliyyəti redaktə
23 dekabr 1999-cu il tarixində keçirilən bələdiyyə seçkilərində iştirak etmiş və Sumqayıt bələdiyyəsinin üzvü seçilmişdir. 2000-ci ildə bələdiyyənin keçirilən iclasında sədr seçilmişdir.
2005–2015-ci illərdə isə Abşeron Rayon İcra Hakimiyyətinin başçısı vəzifəsində çalışmışdır.
Azərbaycan Respublikası Prezidentinin 2 sentyabr 2015-ci il tarixili Sərəncamına əsasən ilə Sumqayıt şəhər İcra Hakimiyyətinin başçısı təyin olunmuşdur.
Mükafatları redaktə
- Azərbaycan Respublikası Prezidentinin 26 dekabr 2012-ci il tarixli 2625 saylı Sərəncamına əsasən Abşeron rayonunun yaradılmasının 50 illiyi münasibətilə və rayonun sosial-iqtisadi inkişafındakı xidmətlərinə görə "Şöhrət" ordeni ilə təltif olunub.[1]
- Azərbaycan Respublikası Prezidentinin 4 oktyabr 2016-cı il tarixili Sərəncamına əsasən Sumqayıt şəhərinin sosial və iqtisadi inkişafındakı xidmətlərinə görə 2-ci dərəcəli "Vətənə xidmətə görə" ordeni ilə təltif olunub.
- Azərbaycan Respublikası Prezidentinin 3 fevral 2024-cü il tarixili Sərəncamına əsasən Azərbaycan Respublikasının ictimai-siyasi həyatında fəal iştirakına görə 1-ci dərəcəli "Əmək" ordeni ilə təltif olunub.[2]
- Türkiyə Cümhuriyyətinin Ankara şəhərində fəaliyyət göstərən Türk Dünyası Araşdırmaları Beynəlxalq Elmlər Akademiyası tərəfindən anadan olmasının 70 illiyi, eyni zamanda Türk Dünyası Dövlətçiliyinə və Mədəniyyətinə göstərdiyi böyük xidmətlərə görə İlin Ziyalısı" Fəxri adına layiq görülüb və "Avropa Şərəf Ordeni" ilə təltif edilib.[3]
Mənbə redaktə
- "İcra hakimiyyətinin başçısı" (az.). Sumqayıt şəhər İcra Hakimiyyəti. Archived from the original on 2015-10-29. İstifadə tarixi: 2015-11-1..
İstinadlar redaktə
- ↑ "Sumqayıtın yeni icra başçısı kimdir? — Fəhləlikdən başladı…". 2015-09-05 tarixində orijinalından arxivləşdirilib. İstifadə tarixi: 2015-09-03.
- ↑ "Z. F. Fərəcovun 1-ci dərəcəli "Əmək" ordeni ilə təltif edilməsi haqqında Azərbaycan Respublikası Prezidentinin Sərəncamı". 2024-02-03 tarixində arxivləşdirilib. İstifadə tarixi: 2024-02-03.
- ↑ NModern. "Zakir Fərəcov "Avropa Şərəf Ordeni" ilə təltif edilib". sumqayit-ih.gov.az (az.). İstifadə tarixi: 2024-04-02.