Zaur Kabisov
Zaur Kabisov[1] (oset. Къæбысты Зауыр, 27 iyul 1936 – 9 sentyabr 2014) — Osetiyalı yazıçı, jurnalist, publisist, osetin dilində ilk elmi-fantastik romanın müəllifi[2].
| Zaur Kabisov | |
|---|---|
| Doğum tarixi | 27 iyul 1936 |
| Vəfat tarixi | 9 sentyabr 2014 (78 yaşında) |
| Fəaliyyəti | yazıçı |
Bioqrafiyası
redaktəZaur Kabisov kəndli ailəsində anadan olmuşdur. İbtidai məktəbi doğma kəndində, orta məktəbi isə Cava rayonu Kemult orta məktəbində bitirib. 1956-cı ildə Tsxinvali (Cənubi Osetiyanın paytaxtı) şəhərindəki Cənubi Osetiya Dövlət Pedaqoji İnstitutunun Filologiya fakültəsi, Osetiya şöbəsinə daxil olur. İnstitutu bitirdikdən sonra on iki il Cənubi Osetiya Muxtar Vilayətinin Leninqorsk rayonunda məktəb müəllimi olaraq çalışır. 1973-cü ildə Tsxinvali şəhərinə köçür və "Soveton İrıston" ("Sovet Osetiyası") vilayət qəzetinin redaksiyasında əvvəlcə tərcüməçi olaraq çalışır, lakin qısa müddət sonra müxbir olur. 1975-1992-ci illərdə "İriston" ("Osetiya") nəşriyyatında redaktor, 1992-2014 -cü illərdə Cənubi Osetiya Respublikası Yazıçılar Birliyinin orqanı olan "Fidiuaq" jurnalının məsul katib olaraq fəaliyyət göstərir.
1976-cı ildən SSRİ Yazıçılar Birliyinin üzvü, sonradan isə Cənubi Osetiya Birliyinin üzvü olur. Yazmağa hələ orta məktəb şagirdi ikən olarkən başlayır. Osetin dilində nəsr əsərlərini yazır. Əvvəlcə əsərlərini Fidiuaq jurnalında, Soveton İrıston qəzetində, gənc yazıçıların ümumi kolleksiyalarında nəşr edilir. İlk kitabında nəşr olunan "Dolayı yolda" hekayəsi 1965-ci ildə İriston nəşriyyatında nəşr edilmişdir, o vaxtdan bəri Kabisovun osetin dilində on bir kitabı, o cümlədən beş romanı nəşr edilmişdir.
Zaur Kabisov osetin yazıçıları arasında fantastik bir roman ("Fustag maimuli") yazan ilk şəxs olur[3]. Yazıcı Son meymun, Qara bulaq, Çiydəki otlar, Lənətlənmiş ev, Kiçik hədiyyə, Ürəkyin zəngi, Hər kəs üçün yaşa, Çaparox keçidində, Lira, Sosonun mahnısı kimi romanlarını yazmışdır.
Cənubi Osetiya Respublikasının Əməkdar Mədəniyyət işçisi adına layiq görülmüşdür.
Evlidir, üç övladı və dörd nəvəsi var idi. 2014-cü il 9 sentyabrda vəfat etmişdir.
Mənbə
redaktə- Отрывок из романа «Черный родник» (rus.)
- Роман «Последняя обезьяна» (rus.)
- Къæбысты Зауыримæ интервью (rus.)
İstinadlar
redaktə- ↑ "Zaur Kabisov". 2022-08-17 tarixində arxivləşdirilib. İstifadə tarixi: 2021-10-18.
- ↑ Къæбысты Зауыр. Фæстаг маймули. Фантастикон роман. Рауагъдад «Ирыстон», Цхинвал, 1977. Тираж 2000 экз.
- ↑ Мамсыраты Дæбе. Эльдорадо. Фантастикон повесть. Рауагъдад «Ир», Орджоникидзе, 1981