Zemfira Şahbazova

Zemfira Şahbazova (7 iyul 1947, Göyçay rayonu)- Professor filoloq alim, filologiya elmləri doktoru.

Zemfira Şahbazova
Zemfira Əsgər qızı Şahbazova
Doğum tarixi	7 iyul 1947(1947-07-07) (77 yaş)
Doğum yeri	Göyçay rayonu, Azərbaycan SSR, SSRİ
Vətəndaşlığı	Azərbaycan
Elm sahəsi	filologiya
Təhsili	BDU

Həyat və Fəaliyyəti

1Zemfira Şahbazova 1947-ci ildə Göyçay şəhərində anadan olub. O 1970-ci ildə Bakı Dövlət Universitetinin Filologiya fakültəsinin, Azərbaycan dili və ədəbiyyatı” ixtisası üzrə bitirib. 1973 ildə Bakı Dövlət Universitetinin “Azərbaycan dilçiliyi“ kafedrasında çalışıb. Həmin il “Müasir Azərbaycan dilində ara söz və ara söz birlikləri” mövzusunda dissertasiya müdafiə edərək filologiya ü.f.d., 2012 ildə “Azərbaycan dilində əvəzliklər” mövzusunda dissertasiya müdafiə edərək filologiya elmləri doktoru elmi dərəcəsi, 2015 ildə professor əvəzi, 2018 ildə isə professor elmi adı alıb. 2008 ildən Dövlət İmtahan Mərkəzində (keçmiş Tələbə Qəbulu üzrə Dövlət Komissiyası) “Azərbaycan dili və ədəbiyyatı” fənni üzrə ekspert kimi fəaliyyət göstərir. Alim 2015 ildən Ali Attestasiya Komissiyasının filologiya elmləri üzrə ekspertidir. O, 150-dən çox elmi məqalə və 11 kitabın, eləcə də tədris proqramlarının müəllifidir. Onun “Ədəbiyyat nəzəriyyəsi (test tapşırıqları)” (2009), “Azərbaycan dili (VII sinif üçün test toplusu)” (2010), “Orfoqrafiya və orfoepiya lüğəti” (2012), “Azərbaycan dili (test toplusu)” (2013), həmmüəlliflərlə birgə yazdığı “Azərbaycan dili” (2016) kitabları Azərbaycan dilini öyrənənlər üçün dəyərli mənbədir. Zemfira Şahbazova Türkiyə, Rusiya, Bosniya və Herseqovina, Polşa və digər ölkələrdə təşkil edilmiş beynəlxalq qurultaylarda türkologiyanın müxtəlif problemlərinə həsr olunmuş məruzələrlə çıxış edib. Həmin məqalələrdə türkoloji dilçiliyin müxtəlif problemləri əks olunub.

Əsərləri

1. “Azərbaycan dilində əvəzliyin sintaksisi”. Bakı, “Ulu”, 180 s.;

1. “Azərbaycan dilində əvəzliyin morfologiyası”. Bakı, “Ulu”, 120 s.;

1. “Əvəzliyin qrammatikası”. Bakı, 2008, “Ulu”, 240 s.