Zeynal Məmmədli
Məmmədli Zeynal Əsgər oğlu (5 may 1953, Güllübulaq, Amasiya rayonu) — tanınmış media eksperti, TV və radio jurnalistikası kafedrasının baş müəllimi
| Zeynal Məmmədli | |
|---|---|
| Məmmədli Zeynal Əsgər oğlu | |
| Doğum tarixi | |
| Doğum yeri | Güllübulaq, Amasiya |
Həyatı
redaktəZeynal Məmmədli 1953-cü il may ayının 5-də[1] Qərbi Azərbaycanda Qarsa yaxın Güllübulaq kəndində dünyaya göz açıb. 5-6 yaşından Bakıda yaşayır. Uşaqlığı Bakı ilə bağlıdır[2].
1970-ci ildə orta məktəbi bitirib. 1970-1976-cı illərdə BDU-da və MDU-da jurnalistika təhsili alaraq, TV və radioda ədəbi işçi, jurnalist ixtisasına yiyələnib[3].
1976-1981-ci illərdə Azərbaycan (SSR) Dövlət Teleradio Komitəsində kiçik redaktor, redaktor, böyük redaktor vəzifələrində çalışıb.
1981-ci ildən (31 ildir) Bakı Dövlət Universitetinin jurnalistika fakültəsinin müəllimi, tanınmış media eksperti Zeynal Məmmədli BDU-dan öz ərizəsi ilə işdən azad olunub[4].
1992-2008-ci illərdə „Azadlıq", „PressFakt" və digər qəzetlərdə məsləhətçi-redaktor, „İnternyus" təşkilatında prodüser, Niderland Jurnalistika Kurslarında təlimçi-müəllim vəzifələrində çalışıb.
1981-ci ildən TV və radio jurnalistikası kafedrasında çalışır.
1986-cı ildən TV və radio jurnalistikası kafedrasınin baş müəllimidir. "MassMediada yaradıcı menecment" sahəsində tədqiqat aparır.
«Qızıl qələm», "Həsən bəy Zərdabi" və eləcə də ayrı-ayrı xarici təşkilatların jurnalist mükafatlarına layiq görülüb.
Evlidir, 2 uşağı var.
BEYNƏLXALQ SEMİNAR, SİMPOZİUM VƏ KONFRANSLARDA İŞTİRAKI
redaktə- 2006,avqust, İstanbul, Türkiyə; Media müxtəlifliyi üzrə beynəlxalq seminar
- 2008,avqust, Novxanı, Azərbaycan; Peşəkar jurnalistlər üçün Avropa Şurası və İnternyusun təşkil etdiyi təlim-seminar
- 2008, oktyabr, Amsterdam, Hollandiya; „Vətəndaş jurnalistikası" üzrə təlim-seminarlar
Seçilmiş əsərləri
redaktə- Azərbaycan mediası və vətəndaş cəmiyyəti bu gün
- KİV-də anonim qaynaqlardan istifadə özəllikləri
- Özəl radiolarımız: proqram menyüsünə aktual baxış
- Mediada qarayaxma (diffamasiya) gerçəkləri
- Xəbərlərin menecmenti
Həmçinin bax
redaktə- ↑ "Zeynal Məmmədli: "Uşaqlarla dalaşanda həmişə döyülürdüm" – UŞAQLIQDAN REPORTAJ". 2013-02-24 tarixində arxivləşdirilib. İstifadə tarixi: 2013-01-09.
- ↑ "Zeynal Məmmədli: "Uşaqlarla dalaşanda həmişə döyülürdüm" – UŞAQLIQDAN REPORTAJ". 2013-02-24 tarixində arxivləşdirilib. İstifadə tarixi: 2013-01-09.
- ↑ "Məmmədli Zeynal Əsgər oğlu". 2012-07-10 tarixində arxivləşdirilib. İstifadə tarixi: 2013-01-11.
- ↑ "Zeynal Məmmədli BDU-dan getdi". 2016-03-05 tarixində orijinalından arxivləşdirilib. İstifadə tarixi: 2013-01-09.