Zirehlilər dəstəsi

Zirehlilər dəstəsi (lat. Dinoflagellata ) — Qamçılılar sinfinə aid olan dəstə.

Zirehlilər dəstəsi
Elmi təsnifat
XƏTA: parent və rang parametrlərini doldurmaq lazımdır. ???: Zirehlilər dəstəsi
Beynəlxalq elmi adı
Dinoflagellata
Vikinövlərdə sistematika Şəkil axtarışı

Haqqında

Zirehlilər, əsasən dənizlərdə yaşayırlar. Bədənləri sellülozadan təşkil olunmuş ikitaylı zirehə malikdir. Dəstənin əksər növlərində sarı-qonur, az hallarda yaşıl xromotoforlar vardır ki, bunlar holofit qidalanmanı təmin edir. Zirehlilər içərisində animal üsulla qidalanan formalar da vardır. Bunlara isti dənizlərdə yayılan gecə işıqcası adlanan zirehli qamçılını misal göstərmək olar. Gecə işıqcası bir qamçılı, iri kürə şəklində formada olub, diametri 2mm -ə qədərdir. Yayın axırlarında onlar külli miqdarda çoxalırlar. Gecə işıqcası növü dəstənin digər nümayəndələri kimi dənizdə xüsusi işıq saçmaq qabiliyyətinə malikdir. Gecələr suyun üst- səthində mavi, ağ, sarımtıl rəngli işıq saçırlar. Bu sitoplazmada olan yağabənzər damlaların oksidləşməsi nəticəsində baş verir. Müxtəlif heyvanlara xas olan belə işıq buraxmaq xassəsi biolüminesseniya (yunanca bios – həyat, latınca, lumen – işıq deməkdir) adlanır. Dənizlərdə yaşayan bəzi meduzalar, xərçəngkimilər, molyuskalar, balıqlar və.s quruda isə bəzi həşarat növləri bu xüsusiyyətə malikdirlər.

Mənbə

B. İ. Ağayev, Z. A. Zeynalova. Onurğasızlar zoologiyası. Bakı , "Təhsil" 2008 , 568 səh

Həmçinin bax

• Evqlenakimilər dəstəsi
• Qamçılılar

Xarici keçidlər

• Dinoflagellata
• Динофлагелляты