Vikipediya:İnzibatçılar

Vikipediyanın inzibatçı alətləri tez-tez bir süpürgəyə bənzədilir və bu da inzibatçılığın bəzən "süpürmək" kimi təsvir olunmasına səbəb olur. Real dünyadakı bir süpürgəçidə işlədiyi yerin hər otağının açarı ola biləcəyi kimi, inzibatçıların da müəyyən bir rola görə icazələri var. Ancaq digər istifadəçilərdən daha önəmli bir istifadəçi deyillər.

İnzibatçılar, adminlər, sisop (sistem operatoru; ing. sysop, system operator) və ya keçmiş adı ilə idarəçilər — Azərbaycanca Vikipediyada müxtəlif texniki alətləri istifadə etmək hüququ olan redaktorlar. Bu alətlərə istifadəçiləri bloklamaq, tam mühafizə edilmiş səhifələri redaktə etmək, səhifələri mühafizə etmək və mühafizəni ləğv etmək, səhifələri silmək və bərpa etmək, səhifələrin adını heç bir texniki məhdudiyyət olmadan dəyişmək, səhifələrdə versiyaları gizlətmək, səhifələrin tarixçələrini bərpa etmək və birləşdirmək aiddir.

İnzibatçılar müvafiq səsvermədən sonra könüllü olaraq bu məsuliyyəti öz üzərlərinə götürürlər. Vikimedia Fondunun işçisi kimi fəaliyyət göstərmirlər. Müvafiq funksiyalar qeyri-müəyyən müddətə verilsə də, istifadəçi öz iradəsi ilə və ya Meta-da qüvvədə olan qlobal siyasətə uyğun olaraq 2 ildən artıq müddətdə töhfə vermədikdə, inzibatçı hüququ ləğv edilə bilər. Onlardan heç vaxt alətlərindən istifadə etmələri tələb olunmur və iştirak etdikləri mübahisədə üstünlük qazanmaq üçün istifadə etməməlidirlər. İnzibatçı Vikimedia sistem administratorları ("sysadmins") ilə qarışdırılmamalıdır.

Azərbaycanca Vikipediyada hal-hazırda 15 inzibatçı var (inzibatçı hüququ olan istifadəçilərin tam siyahısı).

İnzibatçıların siyahısı

Qrafik

İnzibatçıların fəaliyyət qrafiki

İnzibatçı statusunun verilməsi ilə bağlı səsvermələr

Firuza (müzakirə  • töhfələr)-ya inzibatçı statusunun verilməsi ilə bağlı səsvermə

Səsvermə 27 may – 11 iyun 2024-cü il tarixləri arasında keçirilir (Ümumdünya vaxtı ilə 11 iyun 2024-cü il saat 07:00-da səsvermə dayandırılır)

Lehinə

1.  Lehinə: İstifadəçinin müzakirələrdə neytral mövqeyi və yetkin fikirləri bir inzibatçı üçün önəmli amillərdən biridir. Düşünürəm ki, az-vikinin neytral, mədəni və təcrübəli inzibatçılara ehtiyacı var. İstifadəçi uzun müddətdir layihəyə töhfə verir və aktivdir. Həmçinin müzakirələrdə aktiv iştirak edir. Niyə də yox?— Turkmen ^müzakirə 07:00, 27 may 2024 (UTC) (Səsvermə hüququ var. Yoxladı: Gadir.)
2.  Lehinə: İstifadəçinin töhfələri təqdirəlayiqdir. Dəstəkləyirəm! Uğurlar! — Patriot (müzakirə) 07:23, 27 may 2024 (UTC) (Səsvermə hüququ var. Yoxladı: Gadir.)
3.  Lehinə: Obyektiv və neytral istifadəçidir. İllərdir çox yaxşı fəaliyyət göstərir. Tam dəstəkləyirəm. — Rəcəb Yaxşı (müzakirə) 07:27, 27 may 2024 (UTC) (Səsvermə hüququ var. Yoxladı: Gadir.)
4.  Lehinə: Məndə uğurlar arzulayıram. Aktiv istifadəçidir. — Vusalsuvarov1996 (müzakirə) 10:54, 27 may 2024 (UTC) (Səsvermə hüququ var. Yoxladı: Gadir.)
5.  Lehinə: Təcrübəli və dəyərli istifadəçidir. İnzibatçı kimi də uğurlu olacağını düşünürəm. Uğurlar ! — Nicat^{49   ⋠müzakirə⋡} 17:16, 27 may 2024 (UTC) (Səsvermə hüququ var. Yoxladı: Gadir.)
6.  Lehinə: Rəylərdə, müzakirələrdə müstəqil fikirlidir. Bu baxımdan idarəçi olmağa layiqdir. — Araz Yaquboglu (müzakirə) 07:18, 28 may 2024 (UTC) (Səsvermə hüququ var. Yoxladı: Gadir.)
7.  Lehinə: vikinin oflayn və onlayn işlərindən demək olar ki, heç vaxt geri qalmamağa çalışır. təcrübəsi var, inzibatçı olmağı haqq edən istidadəçidir. Atakhanli (müzakirə) 10:19, 28 may 2024 (UTC) (Səsvermə hüququ var. Yoxladı: Gadir.)
8.  Lehinə: Uğurlar! Hörmətlə, Gadir^müzakirə 12:33, 28 may 2024 (UTC) (Səsvermə hüququ var. Yoxladı: Gadir.)
9.  Lehinə: İnzibatçı olmağı və Azərbaycanca vikipediyanı xaricdə təmsil edən xanım inzibatçı kimi qəzetlərə müsahibə verməyi tam tamına haqq edir :) — Sura Shukurlu (müzakirə) 13:52, 29 may 2024 (UTC) (Səsvermə hüququ var. Yoxladı: Gadir.)
10.  Lehinə: Vikipediyada gender bərabərsizliyi ən ciddi problemlərdən biri kimi ön plana çıxır. Sevindirici haldır ki, xanım inzibatçıların və ya inzibatçı namizədlərinin sayının artması sözügedən problemin həllində böyük rol oynamaqdadır. Firuza xanıma uğurlar arzu edirəm. — Kholat Syakhl (müzakirə) 15:15, 29 may 2024 (UTC) (Səsvermə hüququ var. Yoxladı: Gadir.)
11.  Lehinə: Uğurlar! — C Mirəli2001 (müzakirə) 15:39, 2 iyun 2024 (UTC) (Səsvermə hüququ var. Yoxladı: Gadir.)
12.  Lehinə: Uğurlar. Eminn (müzakirə) 14:51, 9 iyun 2024 (UTC) (Səsvermə hüququ var. Yoxladı: Gadir.)
13.  Lehinə: Uğurlar arzulayıram — Toghrul R (m) 09:57, 10 iyun 2024 (UTC) (Səsvermə hüququ var. Yoxladı: Gadir.)

     Lehinə:Fortius-94 (Müzakirə) 11:33, 10 iyun 2024 (UTC) (Səsvermə hüququ yoxdur. Yoxladı: Turkmen.)

Əleyhinə

1.  Əleyhinə: Firuzəni xeyli vaxtdır ki tanıyıram və töhfələrindən çox razıyam. Amma mən inzibatçılığa status kimi yox texniki alət kimi yanaşıram. Məncə inzibatçı olacaq şəxs ilk öncə ən azından patrul və ya rolbaker olmalıdır, vandalizmlə mübarizədə aktiv iştirak etməlidir. Amma gördüyüm qədərilə Firuzə bu prosesdə aktiv deyil. Heç vaxt patrul və ya rolbaker olmayıb, vandalizmlə mübarizədə iştirak etmir. İnzibatçıların loqosunun süpürgə olması da bunun imtiyaz yox sadəcə bir alət olduğunu deyir. Yəni layihəni təmizləmək üçün süpürgəni götürmək. 2017-ci ildə bir nəfəri yaxşı məqalələr yazırdı deyə inzibatçı seçdilər, həmin istifadəçi inzibatçı alətlərindən ümumiyyətlə istifadə etmədi. Sadəcə adı oldu ki inzibatçıdır. Nemoralis (müzakirə) 17:26, 29 may 2024 (UTC) (Səsvermə hüququ var. Yoxladı: Gadir.)
2.  Əleyhinə: Əvvəl fikrim müsbət idi. Lakin yuxarıda göstərilən fikirlərlə tanış olduqdan sonra istifadəçinin fəliyyətinə nəzər yetirdim və fikrimi dəyişdim. Şəxsin özünə qarşı heç bir iradım yoxdur. Amma sırf gender bərabərliyi qorunsun deyə inzibatçı seçilməyinin əleyhinəyəm. Yuxarıda qeyd edildiyi kimi inzibati istiqamətdə verilən töhvədir, təəssüf ki, namizədin fəaliyyətində bu hallara rast gəlmədim. Yaxşı məqalə yaradan və yaxud istifadəçi kimi Vikipediyaya töhvə verən çoxdur. Bu göstəricilərlə bir neçə nəfər inzibatçılığa namizəd ola bilər. — Tarixi Nadir (müzakirə) 10:32, 30 may 2024 (UTC) (Səsvermə hüququ var. Yoxladı: Gadir.)
3.  Əleyhinə: mənim Firuza-nın töhfələri ilə bağlı heç bir iradım yoxdur. Firuza neçə illərdir ki, AzViki üçün gözəl məqalələr yaradır. Amma mənə görə inzibatçılıq üçün vacib məqamlar vandalizmlə mübarizə, vacib müzakirələrdə iştirak (məsələn, hansısa bloklamaya münasibət), silmə prosesinə maraq və s. kimi şeylər olub. Məsələn, bu yaxınlarda Gadir-ə inzibatçı seçilməsi səs verməyimə səbəb bu idi, vacib müzakirələrdə iştirak edir, texniki işlərə maraq göstərir. Amma Firuza-da bu istiqamətdə fəaliyyət müşahidə etməmişəm. Sırf gender bərabərliyi və tədbirlərdə iştirak məsələsinə görə inzibatçı statusu verməyi isə tamamilə yanlış hesab edirəm. Vikipediya parlament deyil. Mən düşünürəm ki, inzibatçı funksiyası həqiqətən istifadə olunacağı təqdirdə bir istifadəçiyə verilməlidir, başqa bir məqsədlə yox. Hörmətlə, — Kosmik Ozan ^utora! 11:16, 10 iyun 2024 (UTC) (Səsvermə hüququ var. Yoxladı: Gadir.)

Bitərəf

1.  Bitərəf: @Firuza idarəçi seçilməyə layiqdir. 10 ildən çoxdu fəaliyyət göstərir. Təcrübəsi yerindədir. Onlayn fəaliyyətdən savayı oflayn rejimində də bir sıra tədbirlərdə olub. Fərd olaraq hüquq sahəsində güclü təhsil aldığını bilirəm. Layihədə hüquq üzrə də bir sıra sanballı məqalələri var. Tərəfsiz və neytral istifadəçi olaraq tanıyıram. İstifadəçi olaraq hörmət bəsləyirəm. Uğurlar arzu edirəm və seçiləcəyinə inanıram. Bununla belə sırf öz baxışlarım lehinə səs verməyimə maneə olur. Ata və qızın eyni layihədə idarəçi olub, eyni səlahiyyətlərə sahib olmasını düzgün hesab etmirəm. Hər nə qədər idarəçi postu seçim yolu ilə müəyyən edilsə belə, öz dəyərlərim açısından lehinə səs verə bilmərəm təəsüf. Amma buradan da uğurlar arzu edirəm və idarəçi seçiləcəyinə inanıram. Grenzsoldat 19:24, 28 may 2024 (UTC) (Səsvermə hüququ var. Yoxladı: Gadir.)
2.  Bitərəf: Moses :) 05:59, 10 iyun 2024 (UTC) (Səsvermə hüququ var. Yoxladı: Gadir.)
3.  Bitərəf: — Bikar ^müzakirə 11:04, 10 iyun 2024 (UTC) (Səsvermə hüququ var. Yoxladı: Gadir.)

Şərhlər

Müzakirə səhifəmdə də qeyd etdiyim kimi, inzibatçı olmaq barədə düşünməmişdim. Amma əgər icma məni inzibatçı kimi görmək istəyirsə və təbii ki, daha bir inzibatçıya ehtiyac varsa, etiraz etmərəm. İstənilən halda mövqeyimdə dəyişiklik olmayacaq. İnzibatçı kimi aşağıdakı sahələrdə fəaliyyətimi genişləndirməli olacam deyə düşünürəm:

1. Sırf Vikipediya ilə bağlı məqalələrin redaktəsinə, yeni qaydaların qəbul edilməsinə və mövcud qaydaların təkmilləşdirilməsinə ehtiyac olduğunu, bu səbəbdən də qeyd edilən sahədə töhfə verməli olduğumu düşünürəm;
2. Maşın tərcüməsi və müəlliflik hüququ pozuntusu olan, xüsusən də oxunaqlı və anlaşıqlı olmayan məqalələrin yayılması hallarının qarşısını almaq üçün hazırda bu hallarla mübarizə aparan inzibatçılarla birlikdə iş bölgüsü aparıb effektiv şəkildə müvafiq prosesə qoşulmaq istəyərdim;
3. VikiBahar layihəsində Azərbaycanla bağlı yaradılmalı olan məqalələrin siyahısına və məzmununa əlavə və dəyişikliklər edilməli olduğunu düşünürəm. Bu məsələdə fikir mübadiləsi aparmaq istəyərdim;
4. Müzakirələrə daha da aktiv olmalı və texniki alətlərdən daha çox istifadə etməliyəm. Xüsusilə, botlarla işləməyi öyrənmək və tətbiq etmək istəyərdim.

Ola bilər ki, sadaladığım bəzi fəaliyyətləri inzibatçı olmadan da həyata keçirmək mümkündür. Seçilsəm də, seçilməsəm də, bu səsvermə Vikipediyadakı fəaliyyətimə sadəcə müsbət təsir edə bilər; namizədliyimi təqdim etməyiniz belə bunun üçün yetərlidir.

Səsvermədə iştirak edən və fikir bildirən hər kəsə təşəkkür edirəm! Təşəbbüs göstərdiyi üçün @Turkmenə ayrıca minnətdaram! Hörmətlə, — Firuza (müzakirə) 12:22, 28 may 2024 (UTC)

Yekunlaşdırma

• Səs verənlər — 20
  • Etibarsız səs sayı — 1
  • Etibarlı səs sayı — 19
    • Lehinə — 13
    • Əleyhinə — 3
    • Bitərəf — 3

Yekun nəticə: Y Səsvermənin nəticələri Vikipediya:İnzibatçıların və bürokratların seçilməsi qaydalarına əsasən hesablanmış və bu qaydalara uyğun olaraq Firuza (müzakirə  • töhfələr)-ya latın əlifbalı Azərbaycan dilində olan vikipediyanın inzibatçısı statusu verilmişdir — Toghrul R (m) 06:37, 11 iyun 2024 (UTC)

Həmçinin bax

• İnzibatçılara müraciət
• İnzibatçıların iş bölgüsü
• İnzibatçıların və bürokratların seçilməsi qaydaları
• İnzibatçılığa namizədlik üçün təlimatlar
• Bürokratlar
• Arxiv

Xarici keçidlər

• İnzibatçıların əsas fəaliyyət statistikası