Avstriya–Yaponiya münasibətləri
Bu səhifədə iş davam etməkdədir. |
Avstriya–Yaponiya münasibətləri (yap. 日本とオーストリアの関係) – Avstriya ilə Yaponiya arasındakı mövcud ikitərəfli əlaqələr.
Avstriya–Yaponiya münasibətləri | |||||
---|---|---|---|---|---|
|
|||||
Vikianbarda əlaqəli mediafayllar |
Tarixi
Yaponiyada olmuş ilk avstriyalı şəxs 1629-cu ildə Kristof Karl Fernberqer olmuşdur. O, hollandların Yaponiyadakı ticarət mərkəzi olan Hiradonu ziyarət etmişdir.
18 oktyabr 1869-cu ildə Tokioda Anton fon Pets tərəfindən Yaponiya ilə dostluq, ticarət və dənizçilik müqaviləsi imzalanmışdır. Bu, Avstriya ilə Yaponiya arasında diplomatik əlaqələrin başlanğıcı qəbul olunur. 1873-cü ildə Yaponiya hökuməti tərəfindən Avropaya göndərilmiş İvakura missiyası Vyanada keçirilmiş dünya sərgisində iştirak etmişdir.
1907-ci ildə Avstriya–Macarıstanın Tokiodakı nümayəndəliyi səfirlik statusuna qaldırılmış və Yaponiya Vyanaya səfir təyin etmişdir. 1914-cü ildə Birinci Dünya müharibəsinin başlaması səbəbilə ölkələr arasındakı diplomatik əlaqələr kəsilmişdir.
1935-ci ildə Mitsui Takaharu tərəfindən Tokioda Yapon–Avstriyalı İcmasının əsası qoyulmuşdur. İkinci Dünya müharibəsi zamanı Avstriya Almaniya tərəfindən ilhaq olduğu üçün ölkələr arasındakı diplomatik əlaqələr növbəti dəfə kəsilsə də, 1953-cü ildə bərpa olunmuşdur. 1955-ci ildə Yaponiya Avstriyanın tərəfsizliyini tanıyan ilk ölkə olmuşdur. 1957-ci ildə Tokio və Avstriyadakı nümayəndəliklər səfirlik statusuna qaldırılmışdır.
1965-ci ildə Vyanada Yaponşünaslıq İnstitutunun əsası qoyulmuşdur. 1999-cu ildə Avstriya prezidenti Tomas Klestil Yaponiyaya səfər etmişdir. 2002-ci ildə Yaponiya imperatoru Akihito Avstriyada rəsmi səfərdə olmuşdur. 2009-cu ildə ölkələr arasındakı diplomatik əlaqələrin 140 illiyi qeyd olunmuş, Avstriya prezidenti Haynz Fişer Yaponiyaya səfər etmişdir.