Çöl qartalı (lat. Aquila nipalensis) — qartal cinsinə aid heyvan növü. Azərbaycanda təhlükədə olan quşlar siyahısına daxil edilmişdir.[1]
- Status. Azərbaycanda sayı azalan nadir, köçəri növdür.
- Yayılması. Köçmə zamanı Xəzərin sahilində və respublikanın başqa aran rayonlarında təsadüf edilir. Dunay çayının aşağı axarında, Qazaxıstanın şimalında və Sibirin cənub-qərbində yuvalayır. Afrikada və başqa isti ölkələrdə qışlayır.
- Yaşayış yeri. Açıq sahələrdə yaşayır. Xam torpaqların istifadə edilməsi çöl qartalının yaşayış yerlərini azaldır.
- Təbiətdə sayı. Dəqiq məlumat yoxdur. Adətən 250 – 300 km məsafədə 2 - 3 çöl qartalına təsadüf olunur.
- Çoxalması. Azərbaycanda yuvalamır.
- Rəqibi, düşməni, xəstəliyi. Məlum deyil.
- Sayının dəyişilmə səbəbləri. Uzun müddət insan tərəfindən təqib edilməsi, xam torpaqların əkin sahələrinə çevrilməsi, gəmiricilərə qarşı kimyəvi mübarizə üsulunun tətbiq edilməsi çöl qartalının sayını azaldır.
- Qorunması üçün zəruri tədbirlər. Növün qorunmasını daha geniş təbliğ etmək, köçmə zamanı gəmiricilərə qarşı kimyəvi mübarizəni məhdudlaşdırmaq lazımdır.
| ?Çöl qartalı |
|---|
| Aquila nipalensis |
 |
|
|
|
Aquila nipalensis (Hodgson, 1833) |
|
Aquila rapax nipalensis |
|
|
 |
Az qayğı tələb edənlər Least Concern (IUCN 3.1)Least Concern: 22696038 |
|
