Çaqama

Çaqama (茶釜) və ya sadəcə kama – Yaponiya çay mərasimlərində istifadə olunan çaydan. Çay hazırlamaq üçün istifadə olunur.

XV əsrə aid çaqama.

Tarixi

Dəmir çaydanlar qədim dövlərdən etibarən Yaponiyada istifadə olunur. Muromoçi dövründə (1333–1538) çay mərasimi mədəniyyətinin inkişafı ilə əlaqədar olaraq dəmir çaydanlar xalq incəsənəti işləri, eləcə də, funksional əşyalar olmuşdur.

Yaponiyada iki region çaqama istehsalına görə tanınmışdır: Aşiya və Tenmyo. Aşiya çaydanlarının səthi hamara və zərif dekorasiyaya malikdir. Tenmyo çaydanlarının səthi qabadır və sadə görünüşü var. Çay mərasimi rituallarının yaradıcısı olan Sen no Rikyuya görə çaydan ən vacib çay ləvazimatıdır.

Xüsusiyyətlər

Çaqama tökmə dəmirdən hazırlanmış böyük çaydandır. Çaydan əridilmiş dəmirin gil və qumdan hazırlanmış qəlibə tökülməsi ilə hazırlanır. Böyük çaydanlar noyabr-aprel aylarında iroridə metal tripodların üzərində qızdırılır. Kiçik çaydanlar isə may-oktyabr aylarında furonun üzərində isidilir.

Çaqamaların çoxu dairəvi formada olsa da, müxtəlif forma və üslublarda olan çaqamalar mövcuddur. "Dolu" çaydanı qabarıq səthə, "bulud əjdahası" çaydanı isə dar və silindrik formaya malikdir. Çaqamanın iki kiçik "qulağı" olur ki, bu "qulaqlara" keçirilmiş dairəvi qulplarla çaydanı götürmək olar. Çaydanın hamar qapağının üstündə kiçik metal çıxıntı var.

Ədəbiyyat

• Perkins, Dorothy. Encyclopedia of Japan: Japanese History and Culture, from Abacus to Zori. Roundtable Press. 1991. səh. 174. ISBN 0-8160-1934-7. İstifadə tarixi: 12 sentyabr 2024.

Xarici keçidlər

• Vikianbarda Çaqama ilə əlaqəli mediafayllar var.