Çaykənd kilsəsi

Çaykənd kilsəsi — Çaykənd məbədi Göygöl rayonunda eyni adlı kəndin yaxınlığında, Çaykənd-Göygöl yolunun sağında qeydə alınmışdır.

Çaykənd kilsəsi
Ölkə	Azərbaycan
Şəhər	Göygöl rayonu
Yerləşir	Çaykənd
Aidiyyatı	Alban kilsəsi
Tikilmə tarixi	VI-VII əsrlər

Tarixi

Çaykənd məbədi VI–VIII əsrlərə aid edilmişdir.

Memarlıq xüsusiyyəti

Məbədin bünövrəsi sal qayanın üzərində qurulmuş düzbucaqlı məbədin uzunluğu 11 m, eni 7 m, hündürlüyü təqribən 6 m, divarlarının qalınlığı 0,80 m-dir. Məbədin tağ formalı qapı yeri qorunub qalmışdır. Bu girişin hündürlüyü 1,35 m, eni 0,40 m-dir. Məbədin tağbənd formalı qapı yerinin yaxınlığında kitabə qeydə alınmışdır. A. M. Məmmədov kitabənin üzərində Alban yazısının və xaçların olduğunu qeyd etmişdir. Həmçinin məbədin divarında ibadət zamanı şamları qoymaq üçün xüsusi taxçaların olduğunu qeyd etmişdir.

Məbədin şərq tərəfində düzbucaqlı çərçivədən kənara çıxmayan yarımdairə formalı mehrab apsidası yerləşmişdir. Məbədin şərq divarının ortasında apsidaya açılan pəncərə vardır. Digər pəncərə yeri məbədin cənub divarındadır. Şimal və cənub divarlarında qarşı-qarşıya iki cüt pilyastr ucaldılmışdır. Bunların bir cütü apsida ilə ibadət zalı arasında, digər cütü isə divarların orta hissəsində yerləşmişdir [2, s.99].

Həmçinin bax

• Qırmızı kilsə (Xocavənd)
• Vaquas monastırı
• Calut monastırı

Ədəbiyyat

• Xəlilov M. C., Albaniyanın Xristian Abidələri (IV–X əsrlər). Bakı — 2011, s.341. AFPoliqrAF
• A. M. Məmmədov., Gəncəbasarın Alban Dövrü Xristian abidələri. Bakı — 2000, s. 55. Ağrıdağ