Çayqaraqoyunlu

Çayqaraqoyunlu — Azərbaycan Respublikasının Şəki rayonunun Turan qəsəbə inzibati ərazi dairəsində qəsəbə.

Çayqaraqoyunlu
40°50′19″ şm. e. 47°14′09″ ş. u.
Ölkə	Azərbaycan
Rayon	Şəki rayonu
Tarixi və coğrafiyası
Saat qurşağı	UTC+04:00
Əhalisi
Əhalisi	1.705 nəfər
Rəsmi dili	Azərbaycan dili
Rəqəmsal identifikatorlar
Poçt indeksi	AZ5539
Çayqaraqoyunlu

Tarixi

İncəçayın sahilində, dağətəyi düzənlikdədir. Etnotoponimdir. Vaxtilə bu kəndin yaxınlığında "Dağ Qaraqoyunlu" adını daşıyan başqa bir kənd də mövcud idi.

Vaxtilə bu ərazidə maldarlıqla məşğul olan qaraqoyunlu tayfasının səkkiz yatağı olmuşdur. 19-cu əsrin ortalarında qaraqoyunlular bu yataqlarda yaşayış məntəqələrinin əsasını qoymuşlar.

"Çay" və "qaraqoyunlu" komponentlərindən düzəlmiş toponim "çay kənarındakı Qaraqoyunlu kəndi" mənasındadır.

Əhalisi

Kəndin əhalisi 1705 nəfər təşkil edir ki, onun da 832 nəfəri kişi, 873 nəfəri isə qadındır.

Kənddəki yer adları

Bulaqlar

• Kamil bulağı
• Qarağac suyu

Dağlar

• Sarı dağ
• Uzun dağ

Dərələr

• Ayı su içən dərə
• Böyük dərə
• Qaraqoyunlu dərəsi
• Yavulqan dərəsi
• Hürüqaçan dərəsi
• Əyri dərə
• Narlıca dərəsi
• Ölü dərə

Qayalar

• Səs verən qaya / Səsli qaya

Təpələr

• Quzğun təpə
• Qulaqlı təpə
• Şiş təpə

Düzlər

• Bayan düzü
• Böyük taxta düzü

Nüylər

• İydəli nüy
• Palıdlı nüy