Çernobıl likvidatorları

Çernobıl likvidatorları və ya sadəcə likvidator (ukr. ліквідатор, belar. ліквідатар, rus. ликвида́тор) — Çernobıl faciəsinin nəticələrini aradan qaldırmaq üçün çağırılan mülki və hərbi heyət. Bir çox likvidator Sovet hökuməti və mətbuat tərəfindən qəhrəmanlar kimi təriflənsələr də, bəziləri illərdir ki, rəsmi olaraq tanınmırlar.

Sovet hərbi nişanı (solda) və likvidatorlara verilən medal.

Termin və iştirakçılar

Termin Sovet rəsmiləri tərifindən "учасник ліквідації наслідків аварії на Чорнобильській АЕС" (azərb. Çernobıl AES-də qəzanın nəticələrinin aradan qaldırılmasında iştirakçı‎) ifadəsindən yaranmışdır.

Çernobıl faciəsinin idarəetmə heyətində müxtəlif peşə sahibləri iştirak etmişdir:

• Reaktorların heyəti
• Dərhal reaktor qəzasına cavab verən yanğınsöndürənlər
• Sovet Silahlı Qüvvələrinin Mülki Müdafiə Qoşunları
• Daxili Qoşunlar və polislər
• Hərbi, mülki tibbi və sanitariya heyəti
• Fövqəladə halların idarə olunmasının bütün mərhələlərində iştirak edən müxtəlif mülki alimlər, mühəndislər və işçilər
• Media və incəsənət sənətkarları

Həmçinin bax

• Eldar Sultanov