Çobankənd

Çobankənd — Azərbaycan Respublikasının Gədəbəy rayonunun Çobankənd kənd inzibati ərazi dairəsində kənd.

Çobankənd
40°34′23″ şm. e. 45°34′25″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	1.307 m
Saat qurşağı	UTC+04:00
Çobankənd

Tarixi

Çobankənd kəndi Novosaratovka-Novoivanovka yolunun üstündə yerləşir. Kənd ümumilikdə üç hissədən ibarətdir. Novoivanovka, Yenikənd, Arabaçı və Şahdağ kəndi ilə sərhəddir.

Toponimikası

Dağətəyi ərazidədir. Yerli əhalinin məlumatına görə, inqilabdan əvvəl Novoivanovka kəndində şəxsi təsərrüfatlarda çobanlıq edənlərə 1925-ci ildə Alağac adlanan bu yerdə torpaq sahəsi verilmişdi. 1925-1926-cı illərdə bir neçə çoban öz ailələri ilə birlikdə burada məskunlaşaraq kəndin əsasını qoydular. Ona görə də kənd Çobankənd adlandırılmışdır.

Mədəniyyəti

• Kənddə 1 məktəb və 1 kitabxana fəaliyyət göstərir.

Əhalisi

Əhalisi maldarlıq-qoyunculuq və qaramal saxlamaqla, eləcə də əkinçiliklə (kartofçuluq) məşğuldur. Maldarlıq yaylaq və qışlaq prinsipi ilə həyata keçirilir. Kənd əhalisi Oğuz Türkmən boyu olan Eymur boyundandırlar. 2009-cu ilin siyahıyaalınmasına əsasən kənddə 1482 nəfər əhali yaşayır.

İqtisadiyyatı

• Əhalinin əsas məşğuliyyətini kənd təsərrüfatı-əkinçilik, maldarlıq və heyvandarlıq təşkil edir.

Tanınmış şəxsləri

• Amin Rzayev — İkinci Qarabağ müharibəsi şəhidi.

Həmçinin bax

• Gədəbəy rayonu

Xarici keçidlər

• Azərbaycan Respublikası Gədəbəy Rayon İcra Hakimiyyəti