Ölüm və qız (film)

"Ölüm və qız" (ing. Death And The Maiden) — rejissor Roman Polanskinin filmi.

Ölüm və qız
ing. Death And The Maiden
Janr	triller
Əsas mövzu	qisas[d]
Rejissor	Roman Polanski
Prodüserlər	Tom Maunt Coş Kreymer
Əsərin müəllifi	Ariel Dorfman
Ssenari müəllifləri	Rafael İqlesias Ariel Dorfman
Baş rollarda	Siqurni Uiver Ben Kinqsli Stüart Vilson
Operator	Tonino Delli Kolli
Bəstəkar	Voysex Kilar
İstehsalçılar	Capitol Films A Mount / Kramer Production Channel Four Films Flach Films Canal+ TF1 Films Production Fine Line Features
Distribütor	MOKEP[d], Netflix
İlk baxış tarixi	23 dekabr 1994
Filmin növü	bədii film
Müddət	103 dəqiqə
Büdcə	12 milyon $
Gəlir	3,103,716 $
Ölkələr	ABŞ Birləşmiş Krallıq Fransa
Dil	ingilis dili
İl	1994
Texniki məlumatlar	Dolby Stereo Digital
Rəng	rəngli
Çəkiliş yeri	Çili
IMDb	ID0109579

Məzmun

Paulina Eskobar evdar qadındır və əri ilə Cənubi Amerika ölkələrinin birində yaşayır. Onun əri Herardo Eskobar tanınmış vəkil, siyasətçi və insan hüquqları üzrə komitənin sədridir. Bir dəfə gecə qasırğası zamanı Herardo avtomobil qəzasına düşür. Onu evə qonşusu Roberto Miranda gətirir.

Paulina bu qonşu-cinayətkarı tanıyır. O, faşist rejimi vaxtı Paulinaya gənc müxalifətçi qız olarkən işgəncə vermiş, onu döymüş və zorlamışdı. Artıq həmin rejimin devrilməyindən 5 il keçib. Baş vermiş hadisələr isə daha əvvəl olub. Lakin Paulina heç nəyi unutmayıb və ona verilmiş əzabların əvəzində intiqam almaq istəyir.

Roberto Mirandanın avtomobilini qaçırıb qayalıqdan aşağı atan Paulina evə qayıdır. O, artıq uzanıb yatmış Mirandaya tapança ilə zərbə endirib onu huşsuz vəziyyətə gətirir. Sonra əl-qolunu bağlayıb həmin hadisəni boynuna almağı tələb edir. Herardo Eskobar Mirandanı azad etməyə cəhd etsə də, Paulina bunun qarşısını alır.

Paulina Roberto Mirandanı sorğu-sual edir. Özününsə hər şey yadındadır. Ona təcavüz olunan vaxt klassik musiqi ifa olunurdu. O, təcavüzkarın üzünü görə bilməmişdi. Çünki gözlərini bağlamışdılar. Lakin Paulina öz zülmkarının səsini, bütün sözlərini, hətta iyini də xatırlayır. Bunlar hamısı Roberto Mirandaya çox bənzəyir. Lakin o, hər şeyi inkar edir və həmin vaxt İspaniya klinikasında işlədiyini deyir. Paulina inanmır və olanları etiraf etməsə, onu öldürəcəyi ilə hədələyir. Herardo Eskobar Mirandaya təklif edir ki, Paulinanın ondan əl çəkməsi üçün videokamera qarşısında yalançı etiraf eləsin. Buna baxmayaraq, Paulina bu yalanın da üstünü açır. Nəhayət, Paulina Mirandanı qayalıqdan itələməyə çox yaxın olduqda o, hər şeyi boynuna alır.

Filmin əvvəli və sonu eynidir: Paulina və Herardo konsert zalında əyləşib diqqətlə Şubertin "Ölüm və qız" klassik kvartetinə qulaq asırlar.

Film haqqında

• Film Ariel Dorfmanın pyesi əsasında çəkilmişdir.
• Filmdə Frans Şubertin "Ölüm və qız" əsəri səslənir.

Filmin heyəti

Film üzərində işləyənlər

Əsərin müəllifi : Ariel Dorfman

Ssenari müəllifləri : Rafael İqlesias, Ariel Dorfman

Rejissor : Roman Polanski

Operator : Tonino Delli Kolli

Bəstəkar : Voysex Kilar

Prodüserlər : Tom Maunt, Coş Kreymer

Musiqisindən istifadə edilmiş bəstəkar : Frans Şubert

Rollarda

Siqurni Uiver – Paulina Eskobar

Ben Kinqsli – Roberto Miranda

Stüart Vilson – Herardo Eskobar

Kristia Mova – Mirandanın arvadı

Conatan Veqa – Mirandanın oğlu

Rodolfe Veqa – Mirandanın oğlu

Cilberto Kortes – simli kvartet ifaçısı

Xorxe Kruz – simli kvartet ifaçısı

Karlos Moreno – simli kvartet ifaçısı

Eduardo Valensuela – simli kvartet ifaçısı

Serxio Orteqa Alvarado – simli kvartetin impresariosu

Xarici keçidlər

• Death and the Maiden — Internet Movie Database saytında

• Death and the Maiden TCM Movie Database saytında
• Death and the Maiden AllMovie saytında
• Death and the Maiden Rotten Tomatoes saytında  (ing.)
• Filmin musiqisi sayt YouTube