Üç üz (film, 2018)

Üç üz (fars. Se rokh – سه رخ) — Cəfər Pənahinin 2018-ci ildə çəkdiyi dram janrında filmdir. Filmdə iranlı üç qadının taleyindən bəhs edilir.

Üç üz
fars. سه رخ
Üç üz.jpg
Filmin posteri
Janr Dram
Rejissor Cəfər Pənahi
Prodüser
Ssenari müəllifi Cəfər Pənahi
Nadir Saevar
Baş rollarda Behnaz Cəfəri
Cəfər Pənahi
Mərziyyə Rezayi
Maidə Erteğayi
Operator Amin Cəfəri
İstehsalçı Jafar Panahi Film Production
İlk baxış tarixi 12 may 2018
Rəng rəngli
Vaxt 100 dəqiqə
Ölkə İran
Dil azərbaycanca
farsca
IMDb ID 8269552

Filmin mövzusuRedaktə

Məhdud büdcə ilə çəkilmiş bu minimalist filmdə baş rollarda Behnaz Nəcəfi, Mərziyə Rezayi və rejissorun özü çəkilib. Film əsasən aktrisa olmaq istədiyi üçün ailəsinin təzyiqləri ilə üzləşən gənc bir qızın həyat hekayəsindən bəhs edir. Ümumilikdə isə filmdə üç iranlı aktrisanın həyatından bəhs edilir. Onlardan biri İslam İnqilabından sonra kinodan getməyə məcbur olan aktrisa, ikincisi müasir populyar aktrisa, digəri isə aktyorluq məktəbinin tələbəsidir[1]. Filmdə İran qadınlarının, xüsusilə də aktrisaların qarşılaşdığı sosial və peşəkar problemlər göstərilir[2].

MükafatlandırılmasıRedaktə

Cəfər Pənahiyə siyasi fikirlərinə görə İranda iyirmi illik kino çəkmək qadağan olunub bundan başqa o həm də ölkəni tərk edə bilməz. Lakin bütün bunlara baxmayaraq qadağa dövründə o dörd film ərsəyə gətirib və bu filmlərdən sonuncusu məhz Üç üz filmidir.

İrandan çıxmasına qadağa qoyulmuş kino-rejissor Cəfər Pənahinin yeni filminin Kann kinofestivalındakı premyerasına aktyor heyəti və övladları qatılıblar. Film gurultulu alqışlarla qarşılanıb və dolu zalda bir oturacaq dissident resjissor üçün boş saxlanıb. Üç üz filmi 71-ci Kann kinofestivalında ən yaxşı ssenari nominasiyasında qalib gəlib[3].

İstinadlarRedaktə

Xarici keçidlərRedaktə

Həmçinin baxRedaktə