Ülfət Kərimov
Ülfət Ələkbər oğlu Kərimov (23 fevral 1971, Kəlbəcər – 27 mart 1993, Ağdaban, Kəlbəcər rayonu) — Birinci Qarabağ müharibəsi iştirakçısı, kəşfiyyatçı.[1][2]
| Ülfət Kərimov | |
|---|---|
| Ülfət Ələkbər oğlu Kərimov | |
 | |
| Şəxsi məlumatlar | |
| Doğum tarixi | 23 fevral 1971 |
| Doğum yeri | |
| Vəfat tarixi | 27 mart 1993 (22 yaşında) |
| Vəfat yeri | |
| Vətəndaşlığı | |
| Atası | Ələkbər Kərimov |
| Anası | Fatma Kərimova |
| Hərbi fəaliyyəti | |
| Mənsubiyyəti |
 Azərbaycan Ordusu |
| Xidmət illəri | 1992–1993 |
| Rütbəsi |
 Baş çavuş |
| Təltifləri |
 |
Həyatı redaktə
Ülfət Kərimov 1971-ci il fevralın 23-də Kəlbəcər şəhərində anadan olmuşdur. Orta təhsilini başa vurduqdan sonra hərbi xidmətə çağırılmış və qayıtdıqdan sonra Azərbaycan Neft-Kimya Akademiyasına daxil olmuşdur.
Birinci Qarabağ müharibəsində iştirakı redaktə
1992-ci ilin sentyabrında təhsilini yarımcıq qoyaraq Qarabağ müharibəsinə könüllü olaraq yollanmışdır.
Ağdaban döyüşü redaktə
Kəşfiyyatçı kimi xidmət edən Ülfət Kərimov, 1993-cü ilin mart ayının 27-də Kəlbəcər rayonunun Ağdaban kəndi istiqamətində kənd əhalisinin kəndi tərk edə bilməsi üçün ermənilərlə qeyri-bərabər döyüşə girmişdir. Kənd əhalisinin sağ-salamat kəndi tərk etməsinə nail olsa da, özü Aşıq Şəmşirin məzarının yaxınlığında döyüşən zaman şəhid olmuşdur.[3] Təkcə son döyüşündə Erməni Silahlı Qüvvələrinin 2 tank, 1 BMP və 1 Uralını məhv etmişdir.[1]
Döyüşlərdəki nailiyyətləri redaktə
Birinci motoatıcı briqadasının komandirinin verdiyi 287 saylı, 9 oktyabr 1992-ci il tarixli arayışında göstərilir:[1]
|
Böyük serjant Kərimov Ülfət Ələkbər oğlu 5 sentyabr 1992-ci il tarixdə Ağdərə rayonunun Qozlu kəndi uğrunda gedən döyüşlərdə düşmənə məxsus bir ədəd tank (T-72), bir ədəd PDM-i, bir ədəd «PK» pulemyotunu, üç ədəd «RPQ-7»-ni qənimət kimi ələ keçirmiş və 60 qulduru məhv etmişdir. | 
|
2 oktyabr 1992-ci il tarixində Laçın rayonunun Hoçaz dağında Ülfət Kərimov 2 ədəd tank, 2 ədəd "PDM-2", 2 AQS-17, 2 ədəd minaatan (120 mm.-lik) ələ keçirmiş və 3 ədəd tankı məhv etmişdir.[1]
Təltif və mükafatları redaktə
(1993) — "Azərbaycan Bayrağı" ordeni.[2]
.svg){kind=small}
Milli Qəhrəman fəxri adına layiq görülməsi təklifi redaktə
Birinci dəfə, 1992-ci ilin 23 noyabrında, hərbi hissə komandirinin, hərbi hissənin zabitlərinin verdikləri təqdimata əsaslanan N saylı hərbi hissəsinin komandiri polkovnik-leytenant R. A. Cəfərov Azərbaycan Respublikasının müdafiəsində göstərdiyi misilsiz qəhrəmanlıq nümunələrini nəzərə alaraq Ülfət Ələkbər oğlu Kərimovun Azərbaycanın Milli Qəhrəmanı fəxri adı ilə təltif olunmasını təklif edib.[1]
İkinci dəfə ölümündən sonra Ülfət Kərimovun Milli Qəhrəman fəxri adı ilə təltif olunmasını təklif edilsə də, sözügedən mükafatla təltif olunması baş tutmayıb.[1]
İstinadlar redaktə
- ↑ 1 2 3 4 5 6 "Dağlarla ÜLFƏT bağladı ÜLFƏT"-Məhəmməd NƏRİMANOĞLU yazır. [ölü keçid]
- ↑ 1 2 Yüzlərlə erməni əsgərini gəbərdən ÜLFƏT KƏRİMOV
- ↑ "Hərbi şəhidlərin siyahısı". 2022-07-07 tarixində arxivləşdirilib. İstifadə tarixi: 2018-05-14.