Üsamə bin Laden
Üsamə bin Laden (tam adı: Üsamə bin Məhəmməd bin Avad bin Laden, ərəb. أسامة بن محمد بن عوض بن لادن; d. 10 mart 1957, Ər-Riyad, Səudiyyə Ərəbistanı – ö. 2 may 2012, Abbottabad kompleksi, Abbottabad, Pakistan) — müxtəlif beynəlxalq təşkilatlar və ölkələr tərəfindən terror təşkilatı olaraq tanınan İslam təşkilatı Əl-Qaidənin qurucularından biri və ilk rəhbəri. 1994-cu ildə vətəndaşlıqdan çıxarılıb apatrid olana qədər Səudiyyə Ərəbistanı vətəndaşı olmuşdur. Üsamə bin Laden "Bin Laden" nəslinin tanınmış nümayəndəsidir.
| Üsamə bin Laden Üsamə bin Məhəmməd bin Avad bin Laden | |||||||
|---|---|---|---|---|---|---|---|
| ərəb. أسامة بن محمد بن عوض بن لادن | |||||||
 Üsamə bin Laden 1997-ci ildə. | |||||||
|
|||||||
| Sələfi | vəzifə təsis edilib. | ||||||
| Xələfi | Ayman əl-Zəvvari | ||||||
| Şəxsi məlumatlar | |||||||
| Doğum tarixi | 10 mart 1957 | ||||||
| Doğum yeri | Ər-Riyad, Səudiyyə Ərəbistanı | ||||||
| Vəfat tarixi | 2 may 2012 (55 yaşında) | ||||||
| Vəfat yeri | Abbottabad kompleksi, Abbottabad, Pakistan | ||||||
| Dəfn yeri | |||||||
| Vətəndaşlığı |
Səudiyyə Ərəbistanı (1957-1994) Apatrid (1994-2012) |
||||||
| Milliyyəti | Səudi Ərəbistanlı | ||||||
| Həyat yoldaşları |
Nəcvə xanım (1974-2001) Xədicə Şərif (1983-1990-cı illər) Xeyriyyə Sabar (1985-2011) Siham Sabər (1987-2011) Əməl əs-Səda (2000-2011) |
||||||
| Uşaqları | Abdullah, Səad, Ömər, Həmzə, Əbdürrəhman, Əmir, Osman, Məhəmməd, Fatimə, İman, Laden, Rukiyə, Nur, Əli, Səfiyə, Ayşə, Məryəm, Süməyyə, Asiyə, İbrahim, Zeynəb, Hüseyn | ||||||
| Hərbi xidmət | |||||||
| Rütbəsi | əmir | ||||||
| Rəhbərlik edib | "Əl-Qaidə" terror təşkilatı | ||||||
| Döyüşlər |
SSRİ-Əfqanıstan müharibəsi Caci döyüşü Terrorizmlə Mübarizə Əfqanıstan müharibəsi Tora-Bora döyüşü Vəziristan müharibəsi |
||||||
 Vikianbarda əlaqəli mediafayllar | |||||||
Nəslinin şəcərəsi Yəməndə yaşayan Kinda çarlığına qədər uzanan Üsamə bin Laden Ər-Riyadda anadan olmuşdur. 1979-cu ildə Pakistana üz tutmuş və Əfqanıstanda SSRİ-yə qarşı döyüşən mücahid qüvvələrinə daxil olmuşdur. 1988-ci ildə Əl-Qaidə terror təşkilatını yaradan ən tanınmış şəxslərdən biri olmuşdur. 1992-ci ildə Səudiyyə Ərəbistandan xaric edildi və Sudanda yaşamağa başladı. Amerika Birləşmiş Ştatlarının təzyiqi səbəbi ilə 1996-cı ildə Sudandan Əfqanıstana gedərək burada təşkilatı gücləndirməyə başladı. Körfəz müharibəsində müsəlmanların ən müqəddəs məkanlarından ikisinin mövcud olduğu Səudiyyə Ərəbistanına Amerika döyüşçüləri yeridildiyini görən Üsamə bin Laden bu hərəkətlə İslam dininə təhqir edildiyini və bunun qisasının alınacağını bildirdi. Tanınmış mücahidlərlə birlikdə Yaxın Şərqdə Amerika Birləşmiş Ştatlarının əleyhinə qruplar təşkil etməyə başladı. 1998-ci ildə Amerika Birləşmiş Ştatları konsulluqlarına Dar əs Salam və Nayrobidə bomba ilə yüklənmiş yük maşınları ilə təşkil edilən hücumlardan sonra Federal Təhqiqat Bürosu tərəfindən ən çox axtarılan on şəxs (ing. FBI Ten Most Wanted Fugitives) və ən çox axtarılan terroristlər (ing. Most Wanted Terrorists) siyahılarına daxil edilmişdir. 2011-ci ildə baş verən 11 sentyabr hücumlarından sonra başlayan Terrorizmlə Mübarizə əhatəsində ən çox axtarılan şəxslərin siyahısına daxil edilmişdir. Pakistanın Abbottabad şəhərində yerləşən bir kompleksdə yaşadığı aşkar edilən Üsamə bin Laden 2 may 2012-ci il tarixində Amerika xüsusi qüvvələri tərəfindən təşkil edilən gizli əməliyyatın nəticəsində qətlə yetirilmişdir.
HəyatıRedaktə
Üsamə bin Məhəmməd bin Avad bin Laden 1998-ci ildə verdiyi müsahibəsində 10 mart 1957-ci ildə anadan olduğunu, doğum yerinin isə Səudiyyə Ərəbistanının paytaxtı olan Ər-Riyad olduğunu bildirmişdir. Atası Yəmənin Hədramaut ərazisində anadan olan, Ciddiyə köçəndən sonra tikinti işləri ilə məşğul olaraq milyonçuya çevrilən və hal-hazırda "Səudiyyə Bin Laden Qrupu" adı ilə fəaliyyət göstərən şirkətin yaradıcısı Məhəmməd bin Avad bin Laden, anası isə Məhəmməd bin Ladenin onuncu həyat yoldaşı olan Həmidə əl-Attas (sözügedən dövrdəki adı ilə Aliyə xanım) idi. 1999-cu ildə verdiyi müsahibədə "aslan" mənasını verən adının Məhəmmədin sahəbələrindən biri olan Üsamə bin Zeyddən təsirlənərək verildiyini bildirmişdir.
Üsamə bin Laden 2012-ci ilin 2 may tarixində gizlənildiyi aşkar edilən Abbottabaddakı kompleksində Amerika xüsusi təyinatlı qüvvələrin hücumu nəticəsində qətlə yetirilmişdir.