İbrahim Məmmədov (milli qəhrəman)

İbrahim İsmayıl oğlu Məmmədov (20 dekabr 1958, Naxçıvan16 fevral 1994, Kəlbəcər rayonu) — Azərbaycanın Milli Qəhrəmanı; Qarabağ müharibəsi şəhidi.

İbrahim Məmmədov
İbrahim İsmayıl oğlu Məmmədov
Şəxsi məlumatlar
Doğum tarixi 20 dekabr 1958(1958-12-20)
Doğum yeri
Vəfat tarixi 16 fevral 1994(1994-02-16) (35 yaşında)
Vəfat yeri
Dəfn yeri
  • Naxçıvan Şəhidlər Xiyabanı[d]
Milliyyəti Azərbaycanlı
Atası İsmayıl Məmmədov
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Rütbə Leytenant
Döyüşlər Qarabağ müharibəsi
 • Kəlbəcər döyüşləri
Təltifləri "Qızıl Ulduz" medalı — 1994

Həyatı redaktə

İbrahim İsmayıl oğlu Məmmədov 20 dekabr 1958-ci ildə Naxçıvan şəhərində anadan olmuşdur. 1976-cı ildə Naxçıvan şəhər 3 saylı məktəbi bitirmişdir. 1977–1979-cu illərdə hərbi xidmətdə olur. İbrahim xidmət edərkən PDM-də tuşlayıcı-operator ixtisasına yiyələnir. 1988-ci ildə Bakı Dövlət Universitetinin tarix fakültəsinə daxil olur, 1993-cü ildə təhsilini başa vurur. 1990-cı il 20 Yanvar hadisəsinin dünyaya çatdırılmasında çox böyük işlər görmüşdür.

Ailəsi redaktə

Ailəli idi, iki övladı yadigar qalıb.

Döyüşlərdə iştirakı redaktə

İbrahim Məmmədov 1993-cü ildə Milli Ordu sıralarına yazılır və döyüşlərdə iştirak etməyə başlayır. Tezliklə Kəlbəcərə yollanır. 1994-cü il 16 fevral Kəlbəcər rayonunda qızğın döyüşlər gedirdi. İbrahim bu döyüşdə ermənilərin 3 tankını və xeyli canlı qüvvəsini məhv etdi. İbrahim döyüşün qaynar nöqtələrindən birində idi, burada snayper gülləsi onu yaralayır cəsur döyüşçü bu yaradan da həlak olur.

Naxçıvan şəhərinin Şəhidlər xiyabanında dəfn edilmişdir.

Təltif və mükafatları redaktə

Azərbaycan Respublikası prezidentinin 20 iyun 1994-cü il tarixli 156 saylı fərmanı ilə Məmmədov İbrahim İsmayıl oğluna ölümündən sonra "Azərbaycanın Milli Qəhrəmanı" adı verilmişdir.[1]

Ədəbiyyat redaktə

İstinadlar redaktə

  1. "İbrahim İsmayıl oğlu Məmmədova "Azərbaycanın Milli Qəhrəmanı" adı verilməsi haqqında Azərbaycan Respublikası Prezidenti Heydər Əliyevin 20 iyun 1994-cü il tarixli 156 nömrəli fərmanı". www.e-qanun.az (Normativ hüquqi aktların vahid internet elektron bazası) (az.)). 20.06.1994. 2012-07-09 tarixində arxivləşdirilib. İstifadə tarixi: 20.06.1994.