İbrahim Rəisi
Bu məqalədə bəzi məlumatlarının mənbəsi göstərilməmişdir. |
Seyid İbrahim Rəisi (fars. سید ابراهیم رئیسی; 14 dekabr 1960, Məşhəd) — İran İslam Respublikasının 8-ci prezidenti
| İbrahim Rəisi | |
|---|---|
| fars. ابراهیم رئیسی | |
 | |
Vəzifədədir | |
| 3 avqust 2021-ci ildən | |
| Əvvəlki | Həsən Ruhani |
| Şəxsi məlumatlar | |
| Doğum adı | Ebrahim Raisol-Sadati |
| Doğum tarixi | 14 dekabr 1960 (63 yaş) |
| Doğum yeri | |
| Təhsili |
|
| Fəaliyyəti | qazı, fəqih |
| Uşağı | 3 |
| Dini | On iki imam şiəliyi[1] |
| raisi.ir | |
 Vikianbarda əlaqəli mediafayllar | |
Həyatı redaktə
Seyid İbrahim Rəisi olaraq tanınan Seyid İbrahim Rəisus-sadat 14 dekabr 1960-cı ildə Məşhədin Noğan məhəlləsində dünyaya göz açmışdır. Rəisi ibtidai məktəbi bitirdikdən sonra Qum elmi hövzəsində təhsilə başlamışdır. O, həmçinin, Şəhid Mütəhhəri adına universitetdə fiqh və fakültəsinin doktoranturasını da bitirmişdir. 20 yaşında Kərəc şəhərində vəzifəsində çalışan Rəisi, Həmədan şəhərində də eyni postda fəaliyyət göstərmişdir. 25 yaşında Tehrana köçərək, paytaxtın baş müstəntiqinin əvəzi olaraq fəaliyyətinə davam etmişdir. O 1988-ci ildə İranda siyasi və ideoloji məsələlərə görə həbs olunanların işilə bağlı təşkil olunmuş 4 nəfərlik heyətin üzvü olmuşdur.
Ayətullah Seyid Əli Xameneinin rəhbərliyə başlaması ilə Seyid İbrahim Rəisi, Tehranın baş prokuroru olaraq təyin olunmuşdur. Rəisi, 1994-cü ildə ölkənin müfəttişlik təşkilatının müdiri olaraq seçilmiş və 10 il boyunca bu vəzifəsində qalmışdır. 2004-cü ildən 2014-cü ilədək ölkənin ədliyyə qüvvəsinin birinci müavini və 2014–2015-ci illərdə isə ölkənin baş prokuroru postunda fəaliyyət göstərmişdir. O 2015-ci ildən etibarən, ölkənin Ali Dini Rəhbəri tərəfindən ruhanilərə özəl məhkəmənin rəhbəri olaraq təyin olunmuşdur. 2006-cı ildən etibarən Cənubi Xorasan şəhərinin Xobreqan məclisində olan nümayəndəsidir. O Mübariz Ruhanilər Cəmiyyətinin də üzvü olmaqla yanaşı, Xobreqan məclisinin əsas idarə heyətində yer alır.
Prezident seçkiləri redaktə
18 iyun 2021-ci ildə İran İslam Respublikasında keçirilən 13-cü Prezident seçkilərinin ilk rəsmi nəticələrinə görə mühafizəkar namizəd Rəisi 29 milyon səsdən 17 milyon 900 minini qazanaraq seçkidə qələbə qazanmışdır.[2]
İstinadlar redaktə
- ↑ https://raisi.ir/page/biography.
- ↑ İbrahim Rəisi İranın yeni Prezidenti seçildi Arxivləşdirilib 2021-06-20 at the Wayback Machine İstifadə tarixi: 20. iyun 2021
