İctimai TV (Azərbaycan)

Azərbaycanın dövlət kanalı

İctimai Televiziya və Radio Yayımları ŞirkətiAzərbaycanın informasiya-əyləncə telekanallarından biri. Verilişləri bütün Azərbaycan ərazisində, 24 saat ərzində azərbaycan dilində aparılır. Həmçinin ingilisrus dillərində Carçı informasiya verilişi də yayılırdı. Hal-hazırda İTV Xəbər informasiya proqramı yalnız Azərbaycan dilində yayımlanır. Mənzil qərargahı Bakı şəhərindədir və Avropa Yayım İttifaqının üzvüdür.

İctimai TV
İctimai Televiziya və Radio Yayımları Şirkəti
Loqonun şəkli
1 yanvar 2021-ci ildən istifadə olunan loqotip
Ölkə Azərbaycan Azərbaycan
Yayım ərazisi Azerspace-1 və Eutelsat Hotbird 13D peyklərinin əhatə dairələri
Dil Azərbaycan dili
Baş qərargah Abbas Mirzə Şərifzadə küçəsi 241, Bakı
Yaranma tarixi 29 avqust 2005
Sahibi Azərbaycan dövləti
Rəhbərlik Balakişi Qasımov
Keçmiş adları AzTV 2
Şüar Bizə sarı gəlin!
Qardaş kanallar İctimai Radio
Sayt itv.az
Vikianbarın loqosu Vikianbarda əlaqəli mediafayllar

Tarixçə redaktə

İctimai Televiziya və Radio Yayımları Şirkəti əsasən reklam və dövlət ödənişləri ilə maliyyələşdirilir. İctimai Televiziya və Radio Yayımları Şirkətinin yaradılmasına dair 2004-cü il yanvar qanunu, 2010-cu ilin yanvar ayından televiziya lisenziyası haqlarından maliyyələşdirmə təmin etdi, lakin 2024-cü ildən etibarən bu qanunun bu hissəsi hələ tətbiq edilmir.

İctimai Televiziya və Radio Yayımları Şirkəti "İctimai televiziya və radio yayımı haqqında" Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 5 noyabr 2004-cü il tarixli Fərmanına əsasən yaradılmışdır. Həmin Fərmana əsasən Azərbaycan dövlət televiziyasının 2-ci kanalı və Azərbaycan dövlət radiosunun 1-ci kanalı bütün əmlakı və avadanlığı ilə birlikdə İctimai Televiziya və Radio Yayımının Yayım Şurasına İctimai Televiziya və Radio Yayımları Şirkətinin yaradılması üçün verilmişdir. İctimai Televiziya və Radio Yayımları Şirkətinin fəaliyyəti "İctimai Televiziya və Radio yayımı haqqında" Azərbaycan Respublikasının Qanunu ilə tənzimlənir.

İctimai Televiziya və Radio Yayımları Şirkətinin Yayım Şurası 9 üzvdən ibarətdir. İctimai Televiziya və Radio Yayımları Şirkətinin Yayım Şurasının sədri Cahangir Məmmədlidir. Baş direktor isə ictimai yayımçının yaradıcılıq və işgüzar fəaliyyətini əlaqələndirən, bu qanunla onun səlahiyyətinə aid edilmiş məsələlər üzrə qərarlar qəbul edən, bütövlükdə yayım fəaliyyətinin təşkilinə cavabdeh olan vəzifəli şəxsdir və Yayım Şurası tərəfindən 4 il müddətinə seçilir. 2005-ci il aprelin 16-da Yayım Şurasının 9 üzvünün 6 səsini qazanan İsmayıl Ömərov İctimai Televiziya və Radio Yayımları Şirkətinə Baş direktor seçilmişdir.

2005-ci il 29 avqust saat 17:00-da tarixində İTRYŞ-nin açılış mərasimi keçirilmişdir. İctimai Televiziya 2007-ci il 5 iyul tarixindən etibarən Avropa Yayım Birliyi (EBU)-nin üzvü seçilmişdir və 2008-ci ilin may ayından etibarən Avroviziya Mahnı Müsabiqəsini yayımlanır. 2008-ci ildə isə Azərbaycan Avroviziya Mahnı Müsabiqəsində Samir və Elnur duetiylə, "Day after Day" mahnısıyla təmsil olunmuşdur.

Eldar QasımovNigar Camalın ifa etdikləri "Running Scared" mahnısı ilə 2011 Avroviziya Mahnı Müsabiqəsində qələbə qazanmasından sonra 2012-ci ildə ilk dəfə Azərbaycanın ev sahibliyi etdiyi 2012 Avroviziya Mahnı Müsabiqəsi İctimai Televiziya tərəfindən yayımlanmışdır. Müsabiqə paytaxt Bakı şəhərində yerləşən, Bakı Kristal Zalında keçirilmişdir. Müsabiqənin yarımfinalları 2012-ci ilin 22 və 24 may, final isə 26 may tarixində baş tutmuşdur.

2013-cü il aprelindən etibarən əməkdar incəsənət xadimi Cəmil Quliyev İctimai Televiziya və Radio Yayımları Şirkətinin baş direktoru təyin olunub. 2013-cü il mayın 27-dən 28-nə keçən gecə saat 00:00-dan etibarən İctimai Televiziyanın rebrendinqi Respublika günündə (indiki Müstəqillik günündə) həyata keçirilib. İctimai Televiziyanın üçüncü loqosunda da əvvəlki kimi Azərbaycan bayrağının rəngləri öz əksini tapmışdı. Lakin budəfəki loqo üzərində "İTV" sözü daha aydın və anlaşıqlı formadadır. Loqo ekranın sağ yuxarı küncündə üfüqi istiqamətdə yerləşirdi.

Həmin il "Carçı" informasiya proqramının tərtibatı və studiyası yenilənib.

4 avqust 2014-cü il saat 17:00-da tarixində 16:9 (geniş ekran) formatlı yayıma keçmişdir.

2015-ci il avqustun 28-də Azərbaycan Dövlət Filarmoniyasında İctimai Televiziya və Radio Yayımları Şirkətinin 10 yaşı münasibətilə keçirilən yubiley tədbirində Milli Məclis sədrinin birinci müavini Ziyafət Əsgərov, Milli Məclis sədrinin müavini Bahar Muradova, mədəniyyət və turizm nazirinin birinci müavini Vaqif Əliyev, digər dövlət və hökumət nümayəndələri, millət vəkilləri, mədəniyyət və incəsənət xadimləri iştirak edirdi.

1 iyun 2018-ci ildən etibarən İctimaİ Televiziya və Radio Yayımları Şirkətinin baş direktoru Balakişi Qasımov rəhbərlik edir.

2018-ci il avqustun 29-da İctimai Televiziya və Radio Yayımları Şirkətinin 13 illik yubileyi qeyd edilib. Həmin gündən etibarən dünyaca məşhur "Jeopardy!" verilişinin lisenziyası əsasında "61!", sentyabr ayından etibarən "Breyn rinq", oktyabr ayından etibarən isə "Brainest" verilişinin lisenziyası əsasında "Əlaçı" və "Nə? Harada? Nə Zaman?" intellektual oyunları efirə çıxır.

İctimai Televiziya 2018-ci ildən etibarən sosial şəbəkələrdə çox aktivdir. 2020-ci il sentyabr-dekabr aylarında televiziyanın Youtube portalı 150 milyondan çox baxış yığıb. 2021-ci ilin mayında 22 milyondan çox baxış yığıb. Tətil mövsümü olmasına baxmayaraq, aylıq 10–20 milyon arası izləyici sayı ilə indi də birincilik İTV-də qorunub-saxlanılır.

2018-ci il dekabrın 31-dən 2019-cu il yanvarın 1-nə keçən gecə saat 00:00-dan etibarən İctimai Televiziyanın rebrendinqi yeni ilin ilk saniyəsində həyata keçirilmişdir. Tamaşaçılar İctimai Televiziyanın sağ üst küncündə sarı rəngli loqo görməyə başlamışdılar. İctimai Televiziya tamamilə yenilənmiş siması və təzə loqosu ilə, eləcə də ən sevilən verilişləri, eksklüziv yayımları ilə yeni mövsümünə start verib. Bununla da İctimai Televiziya və Radio Yayımları Şirkəti, həmçinin İctimai Televiziyanın tamaşaçıları 2019-cu ili yeni format və sima ilə qarşılayıb.

2019-cu il sentyabrın 16-dan etibarən İctimai Televiziya və Radio Yayımları Şirkəti mövsümə bəzi yeniliklərlə start verib.

Bundan başqa İTV Azərbaycanda ilk dəfə 3D prime-time layihə də təqdim edir.

2020-ci il avqustun 29-da İctimai Televiziya və Radio Yayımları Şirkətinin 15 illik yubileyi qeyd edilib.

Azərbaycan Ordusunun Ermənistan Silahlı Qüvvələrinin genişmiqyaslı hərbi təxribatlarına qarşı başlatdığı əks-hücum əməliyyatı ilə əlaqədar İctimai Televiziyanın proqram şəbəkəsi dəyişdirilib. Bütün efir siyasəti müharibə dövrünün reallıqlarından köklənib.

2020-ci il dekabrın 31-dən 2021-ci il yanvarın 1-nə keçən gecə saat 00:00-dan etibarən İctimai Televiziyanın rebrendinqi yeni ilin ilk saniyəsində həyata keçirilmişdir. Tamaşaçılar İctimai Televiziyanın sağ üst küncündə sarı rəngli loqo görməyə davam edir. İctimai Televiziya tamamilə yenilənmiş siması və təzə loqosu ilə qarşılayıb.

2021-ci il oktyabrın 8-dən etibarən "Səs Azərbaycan" (The Voice) televiziya şousunun premyerası olub: "Dörd aya yaxın müddət ərzində tamaşaçılar son dərəcə maraqlı və yüksək keyfiyyətlə istehsal olunan dünyaca məşhur televiziya formatının yerli lisenziyalı versiyasını izləyə bilirlər. Həmçinin, dekabr ayında İctimai Televiziya musiqisevərlərə 2021-ci il Avroviziya Uşaq Mahnı Yarışmasının (Junior Eurovision 2021) növbəti şousunu təqdim edib.

2022-ci il yanvarın 28-də "Azerspace-1" peykində HD yayım formatına keçib.

2023-cü il sentyabrın 23-də İctimai Televiziyanın "YouTube" kanalında izləyici sayı 1 milyon oldu.

Verilişlər redaktə

Şirkət 24 saat ərzində Azərbaycan Respublikasının bütün ərazisində yayımlanır.

Həftəlik yayımın ümumi həcmi 168 saat (100%) təşkil edir.

Ümumi efir vaxtının 65 faizini ölkədə istehsal olunan proqramlar, 30 faizini xaricdə istehsal olunan proqramlar, 5 faizini şəxsi istehsal proqramları təşkil edir.

İctimai Televiziya və Radio Yayımları Şirkətinin yayım dilinin 80%-ini dövlət dili olan azərbaycan dili, 20%-inin isə əcnəbi dillər təşkil edirdi.

Milli Televiziya və Radio Şurasının 22 avqust 2005-ci il tarixli qərarı ilə İctimai Televiziya və Radio Yayımları Şirkətinə televiziya yayımı üçün xüsusi razılıq (lisenziya) verilmişdir.

İctimai HD redaktə

2012-ci ilin may ayında Bakı şəhərində HD yayıma başlayan kanal. İctimai TV-də eyni zamanda yayımlanan proqramlar yayımlanırdı. Özünəməxsus loqosu yox idi. Yalnız rəqəmsal yayımdan izləmək mümkün idi. 2012-ci ilin avqust ayının sonunda yayımı dayandırılmışdır. 16 oktyabr 2017-ci ildən etibarən 5 ildən sonra yenidən HD yayımına qayıtdı və özünəməxsus loqosu çıxdı.

Filmoqrafiya redaktə

  1. Sənədli Detektiv (2006–2014) (İctimai Televiziya)
  2. Azərbaycan həftəsi (veriliş, 2007) (İctimai Televiziya)
  3. Azərbaycan palitrası (veriliş, 2005) (İctimai Televiziya)
  4. Azərbaycanlılar (veriliş, 2005–2013) (İctimai Televiziya)
  5. Babadağ (film, 2006) (İctimai Televiziya)
  6. Balqabaq (film, 2007) (İctimai Televiziya)
  7. Bura Vətəndir (İctimai Televiziya)
  8. Bir kəndin nağılı (veriliş)
  9. Bir mahnının tarixçəsi (veriliş, 2006) (İctimai Televiziya)
  10. Böyük türk (film, 2007) (İctimai Televiziya)
  11. Bu səs Qədirin səsidir (film, 2007) (İctimai Televiziya)
  12. Bura vətəndir (film, 2006) (İctimai Televiziya)
  13. Carçı (film, 2005) (İctimai Televiziya)
  14. Cavad xan (film, 2007) (İctimai Televiziya)
  15. Dalan (film, 2012) (Carçı Film)
  16. Dəbdən dəbə (veriliş, 2006) (İctimai Televiziya)
  17. Əşrəf Hüseynov. Yaşamaq yanmaqdır… (veriliş, 2007) (İctimai Televiziya)
  18. Film media (veriliş, 2005) (İctimai Televiziya)
  19. Kliplər (İctimai Televiziya)
  20. Qovğalı kəndinin gecələri (film, 2008)
  21. Maestro Niyazi (film, 2007) (İctimai Televiziya)
  22. Muğamat var olan yerdə… (film, 2009) (İctimai Televiziya)
  23. Papaq (film, 2007) (İctimai Televiziya)
  24. Səhərə inan...'' (film, 2011) (Carçı Film)
  25. Sovqat (film, 2009) (Carçı Film)
  26. Yaşadım ki, yaşadam (film, 2008) (İctimai Televiziya)
  27. Yoxlama (film, 2006)
  28. Yuxu yaddaşı (film, 2008)
  29. Oxşarabad (film, 2018)
  30. Şoubiznesin sonu (film, 2019)
  31. Oxşarabad 2: Korifeylər (film, 2019)
  32. Kəndinizə qayıdın (film, 2020)
  33. Sən demə (film, 2020)
  34. Həmrəylik günü (film, 2021)

İstinadlar redaktə

Xarici keçidlər redaktə