İlanbalıqları

İlanbalıqları (lat. Petromyzontidae) — heyvanlar aləminin xordalılar tipinin hiperoartiyalar sinfinin i̇lanbalığıkimilər dəstəsinə aid heyvan cinsi.

İlanbalıqları
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holozoa Ranqsız: Filozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Tipüstü: Sonağızlılar Tip: Xordalılar Klad: Olfactores Yarımtip: Onurğalılar İnfratip: Çənəsizlər Sinifüstü: Cyclostomi Sinif: Hiperoartiyalar Dəstə: İlanbalığıkimilər Fəsilə: İlanbalıqları
Beynəlxalq elmi adı
Petromyzontidae Risso, 1827[…]
Şəkil axtarışı ITIS   159697 NCBI   7746 EOL   1904 FW   91456

İlanbalıqları Cənub və Şimal yarımkürələrin mülayim, şirin sularında və Şimal Buzlu okeanın hövzəsində yaşayır.

Bel üzgəci yaxşı inkişaf etmişdir. Udlaq boşluğu ilə burun boşluğu arasında əlaqə yoxdur. Başının arxa hissəsinin hər tərəfində 7 qəlsəmə deşiyi yerləşir. Ağzı dəyirmi olub, sorucu cihaz şəklindədir və buynuz maddəsindən əmələ gələn çoxlu miqdarda dişiciklərə malikdir. Dişciklər üst və alt çənə lövhəcikləri, ağız qıfı və dil üzərində yerləşir. İnkişaf metamorfoz yolu ilə gedir; kürüdən qumeşən adlanan sürfə çıxır. Sürfə ağzı dəyirmi olmur və dişləri yoxdur. Qəlsəmə dəlikləri içəridə bilavasitə udlağa açılır. Gözləri dəri altında yerləşir. Üzgəcləri inkişaf etmiş olur. İlanbalıqları fəsiləsinə 10-a qədər cins və 40-a yaxın növ daxildir. Azərbaycanda bu fəsilənin ancaq Caspiomyzon cinsi yaşayır.

Təsnifatı

Geotrilər (Geotriinae) yarımfəsiləsi

• Geotria cinsi

Mordasilər (Mordaciinae) yarımfəsiləsi

• Mordacia cinsi

İlanbalığılar (Petromyzontinae) yarımfəsiləsi

• Xəzər ilanbalığıları (Caspiomyzon)
• Entosphenus cinsi
• Eudontomyzon cinsi
• Ichthyomyzon cinsi
• Lampetra cinsi
• Lethenteron cinsi
• Petromyzon cinsi
• Tetrapleurodon cinsi