İlham Mədətov

İlham Mədətov (tam adı: İlham İsa oğlu Mədətov) — Azərbaycan Turizm və Menecment Universitetinin rektoru.[1] 2009-cu ildə Azərbaycan idmanının inkişafındakı xidmətlərə və dövlət qulluğunda səmərəli fəaliyyətə görə “Tərəqqi” medalı ilə təltif olunub. 2012-ci ildə Azərbaycan Respublikası Milli Olimpiya Komitəsinin yaranmasının 20 illik yubileyi münasibəti ilə və idmanının inkişafında xidmətlərə görə 3-cü dərəcəli "Vətənə xidmətə görə" ordeni ilə təltif olunub.

İlham Mədətov
İlham İsa oğlu Mədətov
İlham Madatov.jpg
Doğum tarixi (68 yaş)
Doğum yeri Yevlax
Azərbaycan Azərbaycan SSR
Vətəndaşlığı SSRİ SSRİAzərbaycan Azərbaycan
Atası İsa Mədətov
Təhsili
Fəaliyyəti Azərbaycan Turizm və Menecment Universitetinin rektoru
Mükafatları "Tərəqqi" medalı — 2009 3-cü dərəcəli "Vətənə xidmətə görə" ordeni — 2012

Mədətov İlham İsa oğlu 13 noyabr 1952 – ci ildə Yevlax şəhərində anadan olmuşdur. 1970-ci ildə Yevlax şəhər 4 nömrəli orta məktəbi qızıl medalla bitirmişdir. Həmin ildə Azərbaycan Dövlət Universitetinin (indiki Bakı Dövlət Universiteti) Şərqşünaslıq fakültəsinin ərəb dili şöbəsinə daxil olmuş, 1976-cı ildə oranı bitirmişdir. İyul 1974 – iyul 1975-ci il dövrdə SSRİ Quraşdırma və Xüsusi Tikinti İşləri Nazirliyi xətti ilə Misir Ərəb Respublikasında tərcüməçi işləmişdir. 1976-ci ilin avqustundan oktyabrındadək Maarif Nazirliyinin təyinatı ilə Yevlax rayon Varvara kəndində orta məktəbdə müəllim işləmişdir. 1976-cı ilin oktybarından 1980-ci ilin sentyabrındadək Yevlax şəhər Komsomol Komitəsində komsomol təşkilatçısı, şöbə müdiri və katib vəzifələrində işləmişdir. 1980-ci ilin sentyabrından 1984-cü ilin avqustuna qədər SSRİ Müdafiə Nazirliyinin xətti ilə Liviyada hərbi xidmətdə olmuş və ərəb dili tərcüməçisi işləmişdir. 1984-cü ilin sentyabrından 1988-ci ilin avqust ayına qədər Yevlax şəhər Partiya Komitəsində təlimatçı və şöbə müdiri vəzifələrində çalışmışdır. 1988-ci ilin sentyabrından 1991-ci ilin iyul ayına qədər Moskvada Sov.İKP MK İctimai Elmlər Akademiyasının Ümumdünya siyasəti və beynəlxalq münasibətlər kafedrasının aspirantı olmuşdur. 1991-ci ilin iyununda “Misirin SSRİ və ABŞ ilə münasibətdə siyasəti (1970-1980-ci illər)” mövzusunda dissertasiya müdafiə etmiş, tarix elmlər namizədi adını almışdır. 1991-ci ilin iyulundan dekabr ayındadək müvəqqəti işləməmişdir. 1991-ci ilin dekabr ayından 1995-ci ilin may ayındadək Yevlax şəhər İcra Hakimiyyəti Başçısının humanitar məsələlər üzrə müavini işləmişdir. 1995-ci ilin may ayından Azərbaycan Respublikası Gənclər və İdman Nazirliyinin (2001-ci il apreldən 2006-ci il fevraladək Gənclər,İdman və Turizm) Beynəlxalq əlaqələr idarəsinin rəisi, şöbə müdiri işləmişdir. 2005-2007-ci illərdə Avropa Şurası İdmanın İnkişafı Komitəsinin Buro üzvü seçilmişdir. 2007-ci ildə onun əvəzinə təsis edilmiş Avropa Şurası İdman üzrə Genişlənmiş Hüdudlu Sazişin İdarəetmə Şurasının 2008-2009-cu illər və 2010-2011-ci illər üçün Büro üzvü seçilmişdir. 2001-ci ildən Milli Olimpiya Komitəsinin üzvü seçilmişdir.

Yeni Azərbaycan Partiyasının üzvüdür.

Pekin 2008 XXIX, London 2012 XXX, və Rio de-Janeiro 2016 XXXI Yay Olimpiya Oyunlarında Azərbaycan İdman nümayəndə heyətinin rəhbəri (Şef de Mission) olmuşdur. Bakı 2015 I Avropa Oyunları (2015 Avropa Oyunları)Təşkilat Komitəsinin katibi olmuşdur. 1997-ci ildən başlayaraq Avropa Şurası İdmanın İnkişafı Komitəsi, Gənclər üzrə Hökümətlərarası İdarəetmə Komitəsi iclaslarında, Avropa Şurası İdman nazirlərinin, Gənclər nazirlərinin konfranslarında, Beynəlxalq Olimpiya Komitəsinin, Avropa Olimpiya Komitəsinin Assambleyasının seminarlarında, İslam Əməkdaşlıq Təşkilatının İdman və Gənclər nazirlərinin konfransında və iclaslarında müntəzəm iştirak etmişdir.


İstinadlarRedaktə

[1]

[2]

  1. https://www.youtube.com/watch?v=IaI4t05IVVE
  2. https://www.youtube.com/watch?v=jotPsJXpnoA