İlqar Abdulov

İlqar Abdulov
İlqar Abdulov
Şəxsi məlumatlar
Tam adı	İlqar Abdulov
Vətəndaşlığı	Azərbaycan
Doğum tarixi	12 mart 1981 (43 yaş)
Doğum yeri	Bakı, Azərbaycan SSR, SSRİ;
Boyu	175 sm. (5 ft 6 in)
İdman növü	Güləş
Karyera illəri	1995—2008

İlqar Abdulov (12 mart 1981) — Azərbaycanı təmsil edən yunan-roma güləşçisi.^[1]

Karyerası

İlqar Abdulov 1999-2002-ci illərdə yeniyetmələr və gənclər arasında baş tutan Dünya və Avropa Çempionatlarında mübarizə aparsa da heç birində uğura imza ata bilmədi.^[2] 2000-ci ildə isə Yaponiyada tələbələr arasında Dünya Çempionatını dördüncü pillədə başa vurdu.^[2]

2005-ci ildə Varna şəhərində (Bolqarıstan) Avropa Çempionatınında beşinci pillənin sahibi olan İlqar Abdulov Budapeşt şəhərində (Macarıstan) Dünya Çempionatını 8-ci pillədə başa vurdu.^[2]

2006-ci ildə 1. Qızıl Qran-Pri beynəlxalq turnirinin qalibi olan İlqar Abdulov həmin il Dünya Çempionatında uğursuz çıxış elədi və turniri 30-cu pillədə başa vurdu.^[2] 2007-ci ildə də İlqar Abdulov Avropa və Dünya Çempionatlarında uğursuz mübarizə apardı.^[2]

2008-ci ildə isə İlqar Abdulov bir sıra uğurlara imza ata bildi.^[2] Apreldə Finlandiyanın Tampere şəhərində Avropa Çempionatını onuncu pillədə başa vuran İlqar Abdulov mayda İtaliyanın Roma şəhərində Dünya Olimpiya Təsnifat Turnirini gümüş medalla başa vurdu və olimpiya lisenziyasına sahib oldu.^[2] Olimpiadadan əvvəl isə o, iyunda Qızıl Qran-Pri beynəlxalq turnirinin qalibi oldu.^[2]

Avqustda İlqar Abdulov Azərbaycanı olimpiada da təmsil elədi.^[2] İlqar Abdulov olimpiadanın 1/16 final mərhələsində Türkiyə nümayəndəsi Şərəf Tüfəng ilə üz-üzə gəldi.^[3] Gərgin idman mübarizəsi şəraitində baş tutan görüşdə İlqar Abdulov birinci hissədə rəqibinə 2:1 hesabı ilə qalib gəldi.^[3] Növbəti hissə 1:1 hesabı ilə başa çatsa da, qaydalara əsasən son xalı ilə İlqar Abdulov qazandığına görə görüşün qalibi oldu və olimpiadanın 1/8 final mərhələsinə adladı.^[3] Bu mərhələdə onun rəqibi 2000-ci il Sidney Olimpiadasının qalibi Rusiya nümayəndəsi Varteres Samurqaşev oldu.^[3] Həmin görüşün birinci hissəsində İlqar Abdulov rəqibinə təmiz məğlub oldu.^[3] Rəqibi final görüşünə vəsiqə qazanmadığına görə İlqar Abdulov təsəlliverici qrupda da mübarizə aparmadı və olimpiadanı 12-ci pillədə başa vurdu.^[3] 2008-ci ildə idmanla vidalaşdı.^[2]

Nəticələri

Sıra	İl	Yarış	Ev sahibi	Nəticə
1	1999	Yeniyetmələrin Dünya Çempionatı	Danimarka	6.
2	2000	Tələbələrin Dünya Çempionatı	Slovakiya	4.
3	2001	Gənclərin Dünya Çempionatı	Özbəkistan	6.
4	2002	Gənclərin Avropa Çempionatı	Yuqoslaviya	24.
5	2003	Gənclərin Dünya Çempionatı	Türkiyə	6.
6	2005	Avropa Çempionatı	Bolqarıstan	5.
7	2005	Dünya Çempionatı	Macarıstan	8.
8	2006	Qızıl Qran-Pri	Azərbaycan	1.
9	2006	Dünya Çempionatı	Çin	30.
10	2007	Avropa Çempionatı	Bolqarıstan	12.
11	2007	Dünya Çempionatı	Azərbaycan	17.
12	2008	Avropa Çempionatı	Finlandiya	10.
13		Dünya Olimpiya Təsnifat Turniri	İtaliya	2.
14		Qızıl Qran-Pri	Azərbaycan	1.
15		Olimpiya Oyunları	Çin	12.

İstinadlar

↑ Olympedia.org. "İlqar ABDULOV". www.olympedia.org (ingilis). 2022-08-30. 2022-06-10 tarixində arxivləşdirilib. İstifadə tarixi: 30.08.2022.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ International Wrestling Database. "ILGAR ABDULOV". www.iat.uni-leipzig.de (ingilis). 2022-08-04. İstifadə tarixi: 02.08.2022.
↑ ¹ ² ³ ⁴ ⁵ ⁶ Olympedia.org. "2008 Summer Olympics / Wrestling / Middleweight (74 Kilograms) / Greco-Roman / Men". www.olympedia.org (ingilis). 2022-08-30. 2022-05-15 tarixində arxivləşdirilib. İstifadə tarixi: 30.08.2022.

[:PR-1] Olympedia.org. "İlqar ABDULOV". www.olympedia.org (ingilis). 2022-08-30. 2022-06-10 tarixində arxivləşdirilib. İstifadə tarixi: 30.08.2022.

[:PRO-2] ¹ ² ³ ⁴ ⁵ ⁶ ⁷ ⁸ ⁹ ¹⁰ International Wrestling Database. "ILGAR ABDULOV". www.iat.uni-leipzig.de (ingilis). 2022-08-04. İstifadə tarixi: 02.08.2022.

[:RES-3] ¹ ² ³ ⁴ ⁵ ⁶ Olympedia.org. "2008 Summer Olympics / Wrestling / Middleweight (74 Kilograms) / Greco-Roman / Men". www.olympedia.org (ingilis). 2022-08-30. 2022-05-15 tarixində arxivləşdirilib. İstifadə tarixi: 30.08.2022.

[1]

[2]

[3]