İlqar Fəti-zadə

İlqar Fəti oğlu Fəti-zadə (30 sentyabr 1956, Kirovabad – 14 aprel 2022, Bakı) — Azərbaycan Respublikası maliyyə nazirinin birinci müavini.

İlqar Fəti-zadə
Azərbaycan Respublikasının maliyyə nazirinin birinci müavini
23 sentyabr 1999 – 14 aprel 2022
Nazir	Əvəz Ələkbərov (1999-2006) Samir Şərifov (2006-)
Əvvəlki	Səfər Hüseynov
Azərbaycan Respublikası Dövlət Sosial Müdafiə Fondu Sədrinin I müavini
Dekabr 1992 – 1999
Azərbaycan Respublikasının Maliyyə Nazirinin müavinin
Aprel 1992 – Dekabr 1992
Şəxsi məlumatlar
Doğum tarixi	30 sentyabr 1956(1956-09-30)
Doğum yeri	Kirovabad, Azərbaycan SSR, SSRİ
Vəfat tarixi	14 aprel 2022(2022-04-14) (65 yaşında)
Vəfat yeri	Bakı, Azərbaycan
Təhsili	Azərbaycan Dövlət İqtisad Universiteti
Fəaliyyəti	siyasətçi

Həyatı

İlqar Fətizadə 1956-cı il sentyabr ayının 30-da anadan olmuşdur. 1978-ci ildə D. Bünyadzadə adına Azərbaycan Xalq Təsərrüfatı İnstitutunu malliyyə-statistika ixtisası üzrə bitirmişdir. 1978–1980-ci illərdə hərbi xidmətdə olmuşdur.

1980–1984-cü illərdə Azərbaycan SSR Maliyyə Nazirliyində baş iqtisadçı, şöbə rəisi vəzifələrində işləmişdir. 1988-ci ildə Maliyyə Nazirliyinin Dövlət Orqanlarının Maliyyələşdirilməsi İdarəsinin rəisi vəzifəsinə təyin olunmuşdur.

1992-ci ilin aprel ayında Maliyyə nazirinin müavini, dekabr ayında isə Dövlət Sosial Müdafiə Fondu sədrinin birinci müavini vəzifəsinə təyin olunmuşdur. 1999-cu ildən Maliyyə nazirinin birinci müavinidir.

14 aprel 2022-ci ildə vəfat etmişdir.

Ailəli idi. Bir övladı var.

Xarici keçidlər

• İlqar Fəti oğlu Fəti-zadə — Azərbaycan Respublikasının Maliyyə nazirinin I müavini Arxivləşdirilib 2017-04-25 at the Wayback Machine