İnarə Quliyeva
İnarə Quliyeva (4 yanvar 1950, Moskva) — Rusiyanın tanınmış teatr və kino aktrisası, Rusiyanın Əməkdar Artisti (1994)
| İnarə Quliyeva | |
|---|---|
| rus. Гулиева, Инара Александровна azərb. İnarə Aleksnadrovna Quliyeva | |
| Doğum tarixi | |
| Doğum yeri | Moskva, SSRİ |
| Vətəndaşlığı |
 SSRİ Rusiya |
| Fəaliyyəti | Aktrisa |
| Fəaliyyət illəri | 1972-ci ildən bu günə kimi |
| Mükafatları |
    |
| IMDb | ID1202818 |
Həyatı redaktə
İnara Aleksnadrovna Quliyeva 1950-ci il yanvarın 4-də Moskvada anadan olub. Atası azərbaycanlı, anası rus idi. Atası Bakıda yaşayıb, zabit kimi fəaliyyət göstərib. Bakıda xeyli qohumları olsa da, babası ilə nənəsi boşandıqdan sonra aktrisanın azərbaycanlı qohumları ilə əlaqəsi kəsilmişdir. 1972-ci ildə Rus teatral incəsənət akademiyasını (GİTİS) bitirib. 1994-cü ildən Rusiyanın əməkdar artistidir.
İnara Quliyeva Moskva operetta teatrının solisti olub. 1978-ci ildə "müsiqili teatr rejissoru” ixtisasını alan İ.Quliyeva bu gün rus telekanallarında bir sıra məşhur verilişlərin müəllifidir. İnara Quliyeva çoxlu sayda musiqili teatr tamaşalarının quruluşunu verib.
O, bir sıra bədii filimlərdə çəkilib. Sovet İttifaqında populyar film olan "Dövlət sərhəddi”, "Sönən ulduzların işığı” kimi filmlərdə yaddaqalan obrazlar yaradıb.
Azərbaycanın bir neçə bədii filmlərindən rol alıb. İlk dəfə onu Azərbaycana filmə çəkilməyə yaxın dostu Oqtay Mirqasımov dəvət etmişdir. Rejissor onu Rəşid Behbudov haqqında ekranlaşdırdığı “1001-ci qastrol” filmində İradə roluna çəkilməyə dəvət edib. İnarə Quliyeva "Qaynana”da Afət rolunda, və "Alma almaya bənzər” filmində müəllimə rolu ilə tamaşaçıların yaddaşında qalıb.[1][2]
İnara Quliyeva operatta tamaşalarında çoxsaylı rollar oynayıb.Sonuncu quruluş verdiyi operatta Ştrausun "Qaraçı baron” klassik operettasıdır. Hazırda teatr məktəbində həm də dərs deyir.
Rusiya televiziyasında bir sıra musiqili verilişlərin müəllifidir. Hazırda ölkənin müxtəlif teatrlarında rejissorluqla məşğuldur və hal-hazırda Moskva Operetta teatrında fəaliyyətini uğurla davam etdirir.[3]
Opera artisti Vitali Mişle ilə evlidir.
Filmoqrafiya redaktə
- Gün hələ qabaqdadır (film 1970) Nataşa
- 1001-ci qastrol (film, 1974)(tammetrajlı bədii film) - İradə
- Alma almaya bənzər (film, 1975)(tammetrajlı bədii film)-rol: Aişə
- Dədə Qorqud (film, 1975) - Selcan
- Qraf Lüksemburq (film-tamaşa 1975) Nini
- Qızlar qalmaqalı (film-tamaşa 1975) Lukerya
- Günlərin bir günü... (film, 1976) Sənubər
- Yeddi qaçırılan bəylər (film 1976) Malikə Usmanova
- Şir evdən getdi (film, 1977) Kenquru
- Espanyola və ya Lope de Veqadan işarə... (film-tamaşa 1977)
- Fənd (film, 1978)
- Qayınana (film, 1978) - Afət / Zərifə
- Medallara aparan yol (film 1980) Sveta Sergeyeva
- Dövlət sərhədi (Şərq hüdudları, 3-cü film) (film 1982) Olqa
- Operetta bayramı (film-tamaşa 1982) Eva
- Kəndimin insanları (film 1983) Xaltac
- Min birinci söz (sənədli film, 1997)
İstinadlar redaktə
- ↑ Bakıdan üz döndərən, övladı olmayan, dostlarını itirən - “Qayınana”nın Afətindən maraqlı faktlar[ölü keçid]
- ↑ “Qaynana”nın Afəti ilə musahibə
- ↑ Təranə Hacıyeva. ""Qayınana"nın "Afət"i: İnara Quliyeva" (az.). Parafr.az. 10.09.2018. İstifadə tarixi: 2018-09-11.[ölü keçid]
Mənbə redaktə
- İnarə Quliyeva
- [1] “Qaynana”ya qan udduran Afət: "Damarlarımda 4 xalqın qanı axır"