İnfant Fransisk Paul

İnfant Fransisk Paul (isp. Carlos María Isidro Benito de Borbón y Borbón-Parma) (10 mart 1794[1][2][3][…]13 avqust 1865[1][2][3], Madrid) – İspaniya kralı IV Karlın ən kiçik oğlu, İspaniya infantı. O eyni zamanda VII Ferdinandın qardaşı, II İzabellanın isə əmisi və qaynatası idi.

Fransisk Paul
Don Francisco de Paula of Bourbon, Infante of Spain (1794-1865) by Vicente Lopez y Portaña.jpg
Şəxsi məlumatlar
Doğum adı Francisco de Paula Antonio de Borbón y Borbón-Parma
Doğum tarixi 10 mart 1794(1794-03-10)[1][2][3][…]
Vəfat tarixi 13 avqust 1865(1865-08-13)[1][2][3] (71 yaşında)
Vəfat yeri
Vəfat səbəbi kolorektal xərçəng
Atası IV Karl
Anası Parmalı Mariya Luiza
Həyat yoldaşları Siciliyalı Luiza Şarlotta
Tereza de Arredondo
Uşaqları Fransisko Asis Burbon
İnfanta Mariya Kristina
İnfanta Amaliya Burbon
Vikianbarın loqosu Vikianbarda əlaqəli mediafayllar

Onun İspaniya sarayındakı mükəmməl təhsili Napoleon Bonapartın bölgəni ələ keçirməklə yarım qaldı. 14 yaşında ikən valideynləri və digər ailə üzvləriylə Fransaya aparıldı və 10 il boyunca Marseldə, daha sonra isə Romada sürgündə yaşadı. 1818-ci ildə qardaşı VII Ferdinandın istəyilə sürgündən geri çağırıldı və infant olaraq nüfuz qazandı. İncəsənət və rəssamlıqla məşğul olan Fransisk Paul ertəsi il bacısı Mariya İzabellanın böyük qızı Siciyalı Şarlotta ilə evləndi.

Qardaşının vəfatından sonra 3 yaşlı qızı İzabella kraliça, dul qalan kraliça Mariya Kristina isə kraliçanın naibəsi elan edildi. Ancaq baldızı olan naibə, Fransisk Paul və xanımını dövlət idarəsindən uzaqlaşdırdı. Ölkədəki liberal qruplara qoşulan Fransisk Paul və xanımı aktiv müxalifətlə məşğul olmağa başladılar. Nəticədə 1838-ci ildə Fransaya qaçmağa məcbur oldular. Mariya Kristinadan sonra vəzifəyə gətirilən General Baldomerin naibliyi dönəmində cütlük ölkəyə geri dönsə də, çox keçmədən ona qarşı da müxalif oldular və yenidən sürgünə göndərildilər.

1843-cü ildə II İzabella naibliyi ləğv edərək müstəqil hakimiyyəti ələ aldı və cütlüyü sürgündən geri çağırdı. Sürgündən döndükdən sonra xanımı Şarlotta böyük oğlu Fransisko Asisi kraliçayla evləndirməyi planlamağa başladı. Ancaq döndükdən bir il sonra Şarlotta vəfat etdi. Buna baxmayaraq plan baş tutdu və Fransisko Asis 1846-cı ilin oktyabrında II İzabella ilə evləndi. Qardaşı qızı olan kraliçanın artıq qaynatası da olan Fransisk Paul sarayda güclü nüfuz sahibi oldu. Dövlət idarəsinə müdaxilə etməsi səbəbilə 1849-cu ildə qısa müddətliyinə yenidən sürgün edildi. 1852-ci ildə kraliçanın icazəsiylə yenidən evləndi və 12 il sonra Madriddə vəfat etdi.

MənbəRedaktə

  • Balansó, Juan. Los diamantes de la Corona. Barcelona: Plaza & Janés, 1999. ISBN 978-8401530302
  • Lozano Matinez, Isabel and Soto de Lanuza, Jose Maria. La colección de música del infante don Francisco de Paula de Borbón. Biblioteca Nacional de España, 2012.
  • Mateos Sainz de Medrano, Ricardo. Los desconocidos infantes de España. Thassalia, 1996. ISBN 8482370545
  • Moral Roncal, Antonio Manuel. El Infante don Francisco de Paula de Borbón: masonería y liberalismo a la sombra del trono.. Investigaciones históricas. Época moderna y contemporánea, 20 (2000), pp. 149–168. ISSN 0210-9425
  • Rubio, Maria José. Reinas de España. La Esfera de los Libros, Madrid, 2009. ISBN 978-84-9734-804-1
  • Smerdou Altolaguirre, Luis. Carlos IV en el exilio . Eunsa. Ediciones Universidad de Navarra, S.A., 2000. ISBN 978-84-31318314

İstinadlarRedaktə

  1. 1 2 3 4 Francisco de Paula Antonio María de. Borbón // Diccionario biográfico español (isp.). Real Academia de la Historia, 2011.
  2. 1 2 3 4 Lundy D. R. Francisco de Paula de Borbón, Duque de Cádiz // The Peerage (ing.).
  3. 1 2 3 4 Spanien, Infant Franz de Paula // CERL Thesaurus (ing.). Consortium of European Research Libraries.