İnqrid Narqanq
İnqrid Narqanq (alm. Alice Ingrid Annemarie Nargang; d. 17 aprel 1929, Çernovtsı – 10 may 2019, Şerdinq[d], Yuxarı Avstriya[d]) — avstriyalı vəkil, hakim və müasir tarixçi. 1964-cü ildən 1993-cü ilə qədər Engelharzell bölgə məhkəməsinin rəhbəri olmuşdur. Avstriya məhkəmə sistemində kənd bölgə məhkəməsinə rəhbərlik edən ilk qadın idi[1].
| İnqrid Narqanq | |
|---|---|
| alm. Alice Ingrid Annemarie Nargang | |
 | |
| Doğum tarixi | 17 aprel 1929 |
| Doğum yeri | |
| Vəfat tarixi | 10 may 2019 (90 yaşında) |
| Vəfat yeri | |
| Fəaliyyəti | hakim |
 Vikianbarda əlaqəli mediafayllar | |
Bioqrafiyası
redaktəAlisa İnqrid Annemari Narqanq 17 aprel 1929-cu ildə Rumıniyanın Çernovtsı şəhərində anadan olmuşdur. O, bir Köhnə Avstriya məmur ailəsindən gəldi. Onun ulu babası klassik filoloq və orta məktəb direktoru Stefan Volff olmuşdur. Babası isə vəkil idi. Ailə Çernovtsıda yaşayırdı. onun böyüyüb boya başa çatdığı ərazi Birinci Dünya müharibəsinin sonuna qədər Avstriya monarxiyasının tacına mənsub olmuş, sonra Rumıniya Krallığına verilmiş və hazırda qismən Ukraynada (Çernovtsı daxil olmaqla) yerləşir. Atası iki yaşında ikən ailəni tərk etmişdir. O, anası və nənəsi tərəfindən böyüdülmüşdür.
1940-cı ilin yayında Narqanqın on bir yaşı olanda, alman mənşəli vətəndaşların Almaniyaya köçürülməsi başladılır. Narqanq anası və nənəsi ilə birlikdə əvvəl Aşağı Sileziyaya, daha sonra Yuxarı Sileziyaya köçür. İkinci Dünya müharibəsinin sonlarına yaxın Sovet qoşunları Sileziyaya yaxınlaşdıqda onlar Yuxarı Avstriyaya qaçırlar[2].
"Sürgünlər" və "etnik almanlar" deyilən bir ailədən olan Narqanq, 1945-ci ilin payızında Qmundendəki orta məktəbdə oxumağa başlayır. 1948-ci ildə məzun olduqdan sonra İnsbrukda hüquq təhsilinə yiyələnir. 1952-ci ildə hüquq doktoru dərəcəsini alır. Bir il məhkəmə işində çalışır və iqtisadiyyat təhsili almağa qərar verir. 1959-cu ildə sosial və iqtisadi elmlərdə doktorluq dissertasiyasını müdafiə edir. Bu müddət ərzində Narqanq artıq Linzdə təcrübəçi vəkil kimi işə başlayır və vəkillik imtahanından keçir. Sonradan Linz magistraturasında vəkil işləyir. 1963-cü ildə Narqanq hakim olur. 1964-cü ildən 1993-cü ildə təqaüdə çıxana qədər Narqanq Engelharzzell Rayon Məhkəməsinə rəhbərlik edir. Avstriya kənd bölgə məhkəməsinə rəhbərlik edən ilk qadın olur.
Müasir bir tarixçi olaraq Narqanq Bukovinya almanlarının tarixini və İkinci Dünya müharibəsindən sonra Yuxarı Avstriyadakı qaçqınların vəziyyətini araşdırır. Linzdəki Bukovin almanları bölgə komandasının qurucularından biri olur.
Sonrakı illərdə Narqanq Engelharzzell, Linz və Vyanada yaşayır.
10 may 2019-cu il tarixində Şerdinqdə dünyasını dəyişir.
İstinadlar
redaktə- ↑ "Land Oberösterreich - Landeskorrespondenz Nr. 249 vom 26. Oktober 2005". web.archive.org. 2019-06-02. Archived from the original on 2019-06-02. İstifadə tarixi: 2020-03-22.
- ↑ Trauer um die Frau Rat