İqor Protti
İqor Protti (it. Igor Protti; 24 sentyabr 1967[1], Rimini, Emiliya-Romanya) — İtaliyalı keçmiş peşəkar futbolçu. Hücumçu mövqeyində oynayıb.
| İqor Protti | |
|---|---|
 | |
| Ümumi məlumatlar | |
| Doğum tarixi | 24 sentyabr 1967[1] (57 yaş) |
| Doğum yeri |
|
| Vətəndaşlığı | |
| Boyu | 171 sm |
| Çəkisi | 63 kq |
| Mövqeyi | hücumçu |
 Vikianbarda əlaqəli mediafayllar | |
Karyerası
redaktəO, karyerasının çox hissəsini B Seriyası və C Seriyası klublarında keçirib.
İqor Protti karyerasına 1983-cü ildə "Rimini" komandasında başlayıb. 27 may 1984-cü ildə "Rimini" klubu ilə 16 yaşında C1 seriyasında peşəkar futbolçu kimi debüt etdi. Ancaq burada cəmi 7 oyunda meydana çıxır.
1985-ci ildə "Livorno" klubuna transfer edilir. 3 il "Livorno" klubunun formasını geyinən futbolçu, meydana çıxdığı 75 oyunda 12 dəfə fərqlənir.
1988-ci ildə "Virtus Bergamo Alzano" klubuna keçir və burada meydana çıxdığı 30 oyunda rəqib qapılarına 10 dəfə yol tapır.
1989-cu ildə futbolçunun 3 il çəkəcək "Messina" karyerası başlayır.[2] "Messina" klubunda 105 oyunda meydana çıxır və çempionat oyunlarında 31 qol vurur.[3][4]
1992-ci ildə "Bari" klubuna transfer olunur. 1994-cü ildə "Bari" klubu ilə karyerasında ilk dəfə A Seriyasında debüt edir. "Napoli" klubuna qarşı oyunda A Seriyasında ilk qolunu, "Latsio" klubuna qarşı oyunda isə ilk het-trikini edir.[3] 1995–96 mövsümundə, Cüzeppe Sinyori ilə birlikdə İtaliya A Seriyasının bombardiri olur.[5] "Bari" klubunda 112 çempionat oyununda meydana çıxır və 46 qol vurur.
1996-cı ildə "Latsio" klubuna keçir. "Latsio"da 27 çempionat oyununda meydana çıxır və 7 qol vurur.
1997-ci ildə "Napoli" klubuna keçir və meydana çıxdığı 27 oyunda 4 dəfə fərqlənir.
1998-ci ildə qısamüddətli qoşulduğu "Latsio" klubunda 2 oyun keçirdikdən sonra, B Seriyasında yarışan "Reccana" klubuna keçir. Burada meydana çıxdığı 24 oyunda 8 qol vurur.
1999-cu ildə, C1 Seriyasında yarışan "Livorno" klubuna keçir. Tezliklə o bu klubun tarixinə düşəcək oyunçuya çevrilir.[6] Klubda ilk mövsümundə 11 qol vurur. Daha sonra "Livorno"nun kapitanı oldu.[3] "Livorno" klubu C1 Seriyasının 2001–02 mövsümündə çempion olur və B Seriyasına yüksəlir.[3] İqor Protti isə, C1 Seriyasında mövsümun bombardiri olur. Növbəti mövsüm İqor Protti B Seriyasının bombardiri olur.[3] Daha sonra o, 2003–04 mövsümündə gözəl oyunu ilə, "Livorno"nun A Seriyasına yüksəlməsinə kömək edir. 2005-ci ildə futbolçu karyerasını "Livorno"da bitirir. İqor Protii "Livorno"ya ikinci gəlişində 192 çempionat oyununda meydana çıxır və 108 qol vurur.
Uğurları
redaktəKomanda
redaktəLatsio
- İtaliya Superkuboku: 1998
Livorno
- C1 seriyası: 2001–02
Fərdi
redaktə- Serie A bombardiri: 1995–96 (24 qol, Cüzeppe Sinyori ilə birlikdə)[7]
- B seriyasının bombardiri: 2002–03 (23 qol)[8]
- C1 seriyasının bombardiri: 2000–01 (20 qol), 2001–02 (27 qol)
İstinadlar
redaktə- ↑ 1 2 Igor Protti // FBref (çd.).
- ↑ Gianluca Sasso. "Igor Protti: "Non ho rimpianti, vi svelo i miei gol più belli"". ilgiornaledigitale.it (italyan). 1 noyabr 2014. 27 aprel 2015 tarixində orijinalından arxivləşdirilib. İstifadə tarixi: 16 fevral 2023.
- ↑ 1 2 3 4 5 "Eroi di Provincia: Igor Protti, Zar di Bari e Re di Livorno". dalepepe.it (italyan). 24 fevral 2015. 20 aprel 2015 tarixində orijinalından arxivləşdirilib. İstifadə tarixi: 16 fevral 2023.
- ↑ "Igor Protti". tuttocalciatori.net (italyan). 2023-02-16 tarixində arxivləşdirilib. İstifadə tarixi: 16 fevral 2023.
- ↑ Giuseppe Balenzano. "Una doppietta di Protti stende l'Inter". solobarinews.it (italyan). 14 yanvar 2010. 2023-02-16 tarixində arxivləşdirilib. İstifadə tarixi: 16 fevral 2023.
- ↑ Massimiliano Cappello. "AdTech Ad Che fine ha fatto? Protti, lo Zar di Bari e Re di Livorno che si dedica al turismo". calciomercato.com (italyan). 26 yanvar 2015. 2023-02-16 tarixində arxivləşdirilib. İstifadə tarixi: 16 fevral 2023.
- ↑ Roberto Di Maggio; Igor Kramarsic; Alberto Novello. "Italy - Serie A Top Scorers". RSSSF (ingilis). 11 iyun 2015. 31 oktyabr 2015 tarixində arxivləşdirilib. İstifadə tarixi: 17 fevral 2023.
- ↑ "Italy - Serie B Top Scorers". RSSSF (ingilis). 2023-02-17 tarixində arxivləşdirilib. İstifadə tarixi: 17 fevral 2023.