İsa Mustafa oğlu İsmayılzadə (15 mart 1941(1941-03-15)14 iyul 1997(1997-07-14)) — şair, tərcüməçi, publisist, 1969-cu ildən Azərbaycan Yazıçılar İttifaqının üzvü, Azərbaycan SSR Lenin komsomolu mükafatı laureatı (1980).[1]

İsa İsmayılzadə
İsa Mustafa oğlu İsmayılzadə
İsa İsmayılzadə.jpg
Doğum tarixi 15 mart 1941(1941-03-15)
Vəfat tarixi 14 iyul 1997(1997-07-14) (56 yaşında)
Fəaliyyəti tərcüməçi
Mükafatları Azərbaycan SSR LKGİ mükafatı — 1980

HəyatıRedaktə

İsa İsmayılzadə 1941-ci il martın 15-də Gürcüstanın Qarayazı (indiki Qardabani) rayonunda anadan olmuşdur. 1958-1963-cü illərdə burada orta məktəbi bitirdikdən sonra ADU-nun filologiya fakültəsində təhsil almışdır.

Əmək fəaliyyətiRedaktə

1963-1964-cü illərdə Qardabanidə orta məktəbdə müəllim, Azərbaycan Dövlət Televiziya və Radio Verilişləri Komitəsində redaktor, Azərbaycan Sovet Ensiklopediyası Baş redaksiyasında elmi redaktor (1966-1968), "Ədəbiyyat və incəsənət" qəzeti redaksiyasında ədəbi işçi, şöbə müdiri, baş redaktorun müavini, "Ulduz" jurnalı redaksiyasında şöbə müdiri (1968-1981), "Azərbaycan" jurnalı redaksiyasında baş redaktorun müavini vəzifələrində işləmişdir (1981-ci ildən ömrünün sonunadək). Eyni zamanda Azərbaycan Televiziya və Radio Verilişləri Şirkətinin musiqili veriliş baş redaksiyasında (müqavilə ilə) musiqi mətnləri şöbəsinin müdiri kimi fəaliyyət göstərmişdir (1994-cü ildən).

YaradıcılığıRedaktə

Ədəbi fəaliyyətə tələbəlik illərində "Aprel çiçəkləri" (1959) almanaxında və "Azərbaycan gəncləri" qəzetində (19 iyun 1961-ci il) çap etdirdiyi ilk şeri ilə başlamışdır. [1] Öz yaradıcılığında poetik tərcüməyə də xüsusi diqqət vermiş, sosialist ölkələri yazıçılarının Moskvada keçirilən birinci Beynəlxalq simpoziumunda (1977), AsiyaAfrika ölkələri yazıçılarının Yurmalada keçirilən seminar-müşavirəsində (1978) iştirak etmişdir. Şeir və poemaları keçmiş SSRİ xalqlarının dillərinə, habelə bir sıra xarici dillərə tərcümə edilmişdir. 1997-ci il iyulun 14-də vəfat etmişdir.

ƏsərləriRedaktə

  • Ulduzların ad günü. Bakı: Gənclik, 1968, 98 səh.
  • İşıqlı yarpaqlar. Bakı: Gənclik, 1972, 37 səh.
  • Torpaq nəğməsi. Bakı: Gənclik, 1977, 96 səh.
  • Ömrümdən keçən qatar. Bakı: Yazıçı, 1980, 128 səh.
  • Salam, Yer kürəsi. Bakı: Gənclik, 1982, 230 səh.
  • Anamla söhbət. Bakı: Yazıçı, 1985, 131 səh.
  • Yelləncəkdə yellənən külək. Bakı: Gənclik, 1985, 104 səh.
  • Gedim anamdan soruşum. Bakı: Gənclik, 1987, 157 səh.
  • Bir ömürlük gecə (şeirlər və poemalar). Bakı: Yazıçı, 1989, 192 səh.
  • Seçilmiş əsərləri. Bakı: Azərnəşr, 1991, 350 səh.
  • Vurağan, tutağan, yatağan. Bakı: Gənclik, 1992, 24 səh.

TərcümələriRedaktə

  • Roya İnara. Xirosimada (şeir). Ulduz, 1970, №10, s.28.
  • Mixail Matusovski. Sükut dəqiqəsi (şeir). Azərbaycan, 1972, №8, s.7-8
  • Slutski Boris. Tolstoyun romanı (şeir). Azərbaycan, 1972, №8, s.7.
  • Yevgeni Yevtuşenko. Heç nəyin yarısını istəmirəm dünyada… (şeir). Azərbaycan, 1972, №8, s.6.
  • Baltakis Altimantas. Ürək-Vətən (şeir). Azərbaycan, 1975, №9, s.119.
  • Oljas Süleymanov. Nyu-Yorkda leysan (şeir). Azərbaycan, 1975, №8, s.104.
  • İmant Ziyedonis. Leninlə görüş (şeir). Azərbaycan, 1975, №9, s.121.
  • Konstantin Simonov. Vətən (şeir). Ulduz, 1977, №11, s.8.
  • Draç İvan.Gecə etüdü (şeir). Ədəbiyyat və incəsənət, 1978, 23 sentyabr.
  • Konstantin Simonov. Vətən (şeir). Sovet Gürcüstanı, 1978, 24 oktyabr.
  • Lev Nikolayeviç Tolstoy. N.A.Nekrasova məktublarından (s.153-155); İ.S.Turgenevə məktublarından (s.155.); A.A.Fetə məktublarından (s.155-157). N.S.Leskova məktublarından (s.157); S.T.Semyonova məktublarından (s.157-158); P.V.Zasodimskiyə məktublarından (s.158). Azərbaycan, 1978, №9, s.153-158.
  • İrakli Abaşidze. Ağ hücrədə səs (şeir). Ulduz, 1979, №12, s.15-16.
  • Vladimir Kolomiyets. Lenin (s.110-111); Əsgər ordenləri (s.111-112) (şeir).
  • Körpülər (Ukrayna sovet şairlərinin şerləri). Bakı: Yazıçı, 1979, 172 s.
  • Viktor Korj. Xatirələrin rəngi (s.122-123); Qarşıma çıxanda yeniyetmələr... (s.123-124) (şeir).
  • Körpülər (Ukrayna sovet şairlərinin şerləri). Bakı: Yazıçı, 1979, 172 s.
  • Yevgeni Yevtuşenko. Pəncərə; Başıma nə gəlir gör... (B.Axmadulinaya); Bal;
  • Məzlumluq (şeir). Azərbaycan, 1979, №11, s.87-91.
  • Aleksandr Blok. Dəlisov bir ömür keçir könlümdən...; Ey ucu-bucağı gö­rünməz bahar!..; Pəncərə yuxuda yatırdı onda...; Şəhər tünlüyündən, qovhaqovundan... (şeir); Məktublar... Məktublar (A.Belıya, K.Stanislavskiyə, S.Yeseninə, A.Axmatovaya yazdığı məktublar). Azərbaycan, 1980, №11, s.163-167.
  • Aleksandr Blok. Pən­cərə yuxuda yatırdı onda; Şəhər tünlüyündən... (şeir). Aleksandr Blok. Tale
  • gəmisi (şeirlər və poemalar). Bakı: Yazıçı, 1980, s.44, 67.
  • Aleksandr Fadeyev. Yazıçının məktublarından (R.S.Zemlyaçkaya, A.S.Serafimoviçə, A.M.Qorkiyə, Y.S.Bulqakova, M.F.Rılskiyə,N.P.Oxlopkova, A.F.Fadeyevaya, A.A.Surkova, Səməd Vurğuna yazdığı məktublar). Azərbaycan, 1981, №12, s.103-109.
  • Qriqol Abaşidze. Ədəbiyyat (şeir). Bakı, 1982, 23 iyul.
  • Oleynik Boris. Əks-səda (şeir). Azərbaycan, 1982, №5, s.3-4.
  • Robert Rojdestvenski. Nazim (şeir). Azərbaycan, 1982, №12, s.27-29.
  • Konstantin Simonov. Gözlə qayıdacağam… (şeir). Azərbaycan, 1982, №12, s.24.
  • Oleq Şestinski. Eşitdim...; Mənim nəslim; Bakıda çinar; Yaddaş; 23 yanvar 1929-cu il; Şəhər; Şəhərə məktub; Mənim həyatım; Düşüncələr; Uzaqdan məktub; Nəhəng, gözəl şəhərlərdə...; Rusiyaya; Mənə bütöv şəhər bağışlayıblar...; Aviasiya leytenantı ilə söhbət; Dünyanın qəribə işləri də var...; Hanı, heykəllər, hanı...; Qırx birinci illə qırx ikinci il...; Monoloqlar; Çirkin qız (şeir).
  • Oleq Şestinksi. Bakıda çinar (şerlər və poemalar). Bakı: Yazıçı, 1982, s.13-41.
  • Bella Axmadulina. Bizim küçəmizdən, illərdən bəri...; Bir gün, qapın döyü­ləndə...; Səsimi apardılar... (şeir). Azərbaycan, 1984, №11, s.138-139.
  • Robert Rojdestvenski. Əsgər Alyoşanın Plovdivdə heykəli (şeir). Azərbaycan, 1985, №5, s.124-125.
  • Yustinas Martsinkyaviçyus. Belə vətən var (şeir). Azərbaycan, 1987, №11, s.10.
  • Samuil Marşak. Saylar (s.14-19); Sirk (s.19-23); Qəfəsə salınmış balalar (s.23-25); Gözəl gün (s.26-29); Dondurma (s.30-33); İlinonikiayı (s.33-36); Vaksa-Klyaska (s.37-41); Huşsuza bax, huşsuza (s.41-43); Durğu işaraləri (s.43-45); Nəzakət dərsi (s.45-47); Top (s.47-48); Hava beşiyi (s.48); Karusel (s.48-49); Göyqurşağı (s.49-50); Dostlar, yoldaşlar (s.50-51); Sentyabrın biri (s.51-53); Meşə bayramı (s.53-54) (şeir). Dünya uşaq ədəbiyyatı kitabxanası. 50 cilddə. 44-cü cild. S.Marşak, K.Çukovski, A.Barto, S.Mixalkov. Şerlər, nağıllar, təmsillər. Bakı: Gənclik, 1989, 384 s.
  • Artur Konan Doyl. Dördlüyün nişanəsi (povest). Azərbaycan, 1991, №5, s.100-171.
  • Konstantin Simonov. Gözlə, qayıdacağam... (şeir). Xəzər, 2004, №3, s. 226-227.
  • Axmadulina Bella Axatovna. Bizim küçəmizdən...; Bir gün qapın döyüləndə...; Səsimi apardılar... (şeir). Dünya ədəbiyyatı seriyası. Rus ədəbiyyatı antologiyası. 2 cilddə. I cild. Bakı: Avrasiya press, 2007, s.207-210.
  • Aleksandr Blok. Pəncərə yuxuda yatırdı onda...; Şəhər tünlüyündən, qovhaqovundan...; Dəlisov bir ömür keçir könlümdən...(şeir). Dünya ədəbiyyatı seriyası. A.A.Blok. Seçilmiş əsərləri. Bakı: Şərq-Qərb, 2007, s.44, 65-66, 94.
  • Konstantin Simonov. Gözlə, qayıdacağam (şeir). Dünya ədə­­biyyatı seriyası. Rus ədəbiyyatı antologiyası. 2 cilddə. I cild. Bakı: Avrasiya press, 2007, s.162-163
  • Oljas Süleymanov. Puşkin meydanında (şeir). Sevgi fəsli. İslam ölkələri şairlərinin şeirləri. Bakı: Çinar-Çap, 2010, s.121-123.[1]

FilmoqrafiyaRedaktə

  1. Qarabağ bülbülləri (film, 1977)
  2. Belə bir şəhər var (film, 1982)
  3. Bəyin oğurlanması (film, 1985)
  4. İntizar (film, 1986)

İstinadlarRedaktə

  1. 1 2 3 Kamal Abdullayev (2018). AZƏRBAYCAN TƏRCÜMƏ ENSİKLOPEDİYASI (PDF). Bakı: MTM-İNNOVATİON. səh. 336-338.