İskəndər Paşa

İskəndər Paşa (ö. 3 avqust 1571) — Sultan Süleyman QanuniII Səlim səltənətlərində müxtəlif vəzifələrdə xidmət edən Osmanlı dövlət xadimi, Misir bəylərbəyi.[1]

İskəndər Paşa
Misir bəylərbəyi
fevral 1556 - aprel 1559
Sələfi Dukakinzadə Mehmed Paşa
Xələfi Sofu Əli Paşa
Şəxsi məlumatlar
Vəfat tarixi
Vəfat yeri Maqosa qalası, Osmanlı imperiyası
Dəfn yeri İskəndər Paşa külliyəsi, İstanbul
Uşağı Əhməd Paşa

HəyatıRedaktə

Doğum tarixi və əsli haqqında məlumat yoxdur. Əndəruna alınaraq təlim-tərbiyə edilmiş, ardından bostançıbaşı və qapıçıbaşı olaraq xidmət göstərmişdir. 1555-ci ildə yeniçəri ağası oldu, ardından vəzir rütbəsilə divana daxil oldu. 1556-cı ilin fevralında Misir bəylərbəyliyinə gətirildi və 1559-cu ilin aprelinədək bu vəzifədə qaldı. Ardından Budin, 1564-cü ildə isə Anadolu bəylərbəyi oldu. Sultan Süleyman Qanuninin son səfəri olan Ziqetvar səfəri əsnasında İstanbulda taxt naibi olaraq xidmət etdi.

Sultanın səfər əsnasında ölümünün ardından oğlu Sultan Səlim paytaxta gələnədək bu ölümü gizli saxladı. Bunun mükafatı olaraq yenidən divan vəzirliyinə gətirildi. Nəhayət, 15 may 1570-ci ildə çıxılan və Kipr adasının fəthi ilə nəticələnən səfərə qatıldı. Səfər əsnasında Maqosa qalasının fəthi ilə vəzifələndirildi və qalanın fəthindən 2 gün sonra 3 avqust 1571-ci ildə burada vəfat etdi.

 
İskəndər Paşa və oğlu Əhməd Paşanın məzarı, İskəndər Paşa türbəsi, İstanbul
 
İskəndər Paşa məscidi

Cənazəsi təcili şəkildə paytaxta gətirildi və vaxtilə İstanbulda Memar Sənana inşa etdirdiyi İskəndər Paşa məscidi yaxınlığındakı türbəsinə dəfn edildi.[2] Oğlu Əhməd Paşa da vəzirliyə qədər yüksəlmiş, ölümünün ardından atasının yanına dəfn edilmişdir.

MənbəRedaktə

  • Sicill-i Osmani III, səh. 129

İstinadlarRedaktə

  1. de Groot, Alexander H.; Winkelhane, Gerd; Schwarz, Klaus (1989). "Der osmanische Statthalter Iskender Pascha (gest. 1571) und seine Stiftungen in Agypten und am Bosporus"
  2. Necipoğlu, Gülru (2005). The Age of Sinan: Architectural Culture in the Ottoman Empire