İslam Hacıyev

İslam Hacıyev
İslam Hacıyev
Göyçay Rayon Zəhmətkeş Deputatları Soveti İcraiyyə Komitəsinin sədri
Ağdam Rayon Zəhmətkeş Deputatları Soveti İcraiyyə Komitəsinin sədri
	1931 – ?
Azərbaycan SSR xalq daxili işlər komissarının müavini
	1929 – 19??
Komissar	Stepan Yemelyanov
Şamaxı Qəza Soveti İcraiyyə Komitəsinin sədri
Şamxor Qəza Soveti İcraiyyə Komitəsinin sədri
Şəxsi məlumatlar
Doğum tarixi	1899
Doğum yeri	Şuşa, Şuşa qəzası, Yelizavetpol quberniyası, Rusiya imperiyası;
Vəfat tarixi	1938
Partiya	Sovet İttifaqı Kommunist Partiyası (1917–);
Fəaliyyəti	siyasətçi
Təltifləri

İslam Abdulla oğlu Hacıyev (1899, Şuşa – 1938) — Azərbaycan və sovet dövlət xadimi, Azərbaycan SSR xalq daxili işlər komissarının müavini.

Həyatı

İslam Hacıyev 1889-cu ildə Şuşa qəzasının Şuşa şəhərində doğulmuşdur. 1904-cü ildən Bakıda neft mədənlərində işləmişdir.^[1]

1918–1919-cu illər Bakıda Qırmızı Qvardiya və Həştərxanda Dəmir Polk tərkibində əks-inqilabçılara qarşı vuruşmuşdur.

Siyasi fəaliyyəti

İslam Hacıyev 1917-ci ilin may ayından etibarən Sovet İttifaqı Kommunist Partiyasının üzvü olmuşdur.

İslam Hacıyev Bakıda fəhləlik etdiyi dövrdə inqilabi hərəkata qoşulmuşdur.^[1]

Aprel işğalından sonra İslam Hacıyev Şuşa Qəza Milis İdarəsinin rəisi olmuşdur. İslam Hacıyev Şamxor və Şamaxı qəza icraiyyə komitələrinin sədri olmuşdur. 1929–1930-cu illərdə o, xalq daxili işlər komissarının müavini, Qarabağ Mahal İcraiyyə Komitəsinin sədr müavini olmuşdur. İslam Hacıyev 1931–1935-ci illərdə Ağdam Rayon İcraiyyə Komitəsinin sədri, Azərbaycan Yol-Nəqliyyat İdarəsinin rəisi, Göyçay Rayon İcraiyyə Komitəsinin sədri və s. kimi məsul vəzifələrdə çalışmışdır.^[1]

İslam Hacıyev Azərbaycan Kommunist Partiyası Mərkəzi Nəzarət Komitəsinin üzvü, Zaqafqaziya SFSR Mərkəzi İcraiyyə Komitəsinin, Azərbaycan SSR Mərkəzi İcraiyyə Komitəsinin üzvü olmuşdur.^[1]

Mükafatları

İslam Hacıyev Azərbaycan SSR-in "Qırmızı əmək bayrağı" ordeni ilə təltif olunmuşdur.

İstinadlar

↑ ¹ ² ³ ⁴ Һаҹыјев Ислам Абдулла оғлу // Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 153.

[:0-1] ¹ ² ³ ⁴ Һаҹыјев Ислам Абдулла оғлу // Азәрбајҹан Совет Енсиклопедијасы: [10 ҹилддә]. X ҹилд: Фрост—Шүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 153.

[1]