"Şöhrət" ordeni (Azərbaycan)

Azərbaycan Respublikasının ordeni
(Şöhrət ordeni (Azərbaycan) səhifəsindən istiqamətləndirilmişdir)

"Şöhrət" ordeniAzərbaycan Respublikasının ordenlərindən biri.

Şöhrət ordeni

Ölkə Azərbaycan Azərbaycan
Tip orden
Status təqdim olunur
Statistika
Parametrlər 37 mm x 50 mm
Təsis tarixi 10 noyabr 1992
Təltif sayı 860 (17 fevral 2024)
Ardıcıllıq
Yüksək mükafat "Şərəf" ordeni
Aşağı mükafat "Dostluq" ordeni
Vikianbarın loqosu Vikianbarda əlaqəli mediafayllar

Statusu redaktə

1. Azərbaycan Respublikasının "Şöhrət" ordeni Azərbaycan Respublikasının vətəndaşlarına, əcnəbi vətəndaşlara və vətəndaşlığı olmayan şəxslərə aşağıdakılara görə verilir:

  1. iqtisadi, elmi-texniki, sosial-mədəni inkişafda xüsusi xidmətlərinə görə;
  2. sülhün və xalqlar arasında dostluğun möhkəmləndirilməsində və əməkdaşlığın inkişafında xüsusi xidmətlərinə görə;
  3. sənaye, nəqliyyat, rabitə, tikinti sahələrində və xalq təsərrüfatının digər sahələrində görkəmli əmək nəticələrinə görə;

elm, təhsil və səhiyyə sahəsində xüsusi xidmətlərinə görə.

2. "Şöhrət" ordeni döşün sol tərəfinə, Azərbaycan Respublikasının digər orden və medalları olduqda "Şərəf" ordenindən sonra taxılır.

Təsviri redaktə

"Şöhrət" ordeni aypara şəklində, milli ornamentlərlə haşiyələnmiş dəfnə çələngləri içərisində təsvir olunmuş, şüaları yuxarıya səpələnən günəş kompozisiyasından ibarətdir. Kompozisiya qızıl suyuna çəkilmiş gümüşdəndir, üzəri mavi mina ilə örtülmüşdür, qabarit ölçüləri 32 mm x 38 mm-dir. Şüaları qövs şəklində kəsən və dəfnə budaqlarının yuxarı uclarını birləşdirən qızılı rəngli lentin üzərində "Şöhrət" sözü yazılmışdır. Arxa tərəfi hamar səthlidir, ortasında ordenin nömrəsi həkk olunmuşdur. Orden paltara bərkidilmək üçün elementi olan, 27 mm x 47,5 mm ölçüdə göy-ağ çalarlı beşguşəli xara lentə halqa və ilgək vasitəsilə birləşdirilir. Ordenə paltara bərkidilmək üçün elementi olan, üzərində alov simvolu təsvir edilən eyni xara lentdən hazırlanmış 27 mm x 9 mm ölçülü qəlib əlavə olunur.[1][2][3]

1993 1994 – 27 may 2009 3 iyun 2009 – indiyə kimi
     
Lent
 
 
 
2011-ci ildə buraxılmış poçt markası

Poçt markası üzərində redaktə

2011-ci ilin sentyabr ayının 5-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan ordenlərinə həsr olunmuş yeni poçt markaları təqdim edilmişdir. Qiyməti 60 qəpik, tirajı isə 5000 ədəd olan həmin markalardan biri "Şöhrət" ordeninə həsr olunmuşdur.[4][5]

Həmçinin bax redaktə

İstinadlar redaktə

  1. "Azərbaycan Respublikası Prezidentinin İşlər İdarəsinin Prezident Kitabxanası" (PDF). files.preslib.az. 2023-10-27 tarixində arxivləşdirilib (PDF). İstifadə tarixi: 2024-02-22.
  2. "Azərbaycan Respublikasının "Şöhrət" ordeninin statutu və təsvirinin təsdiq edilməsi haqqında". e-qanun.az. 2024-01-24 tarixində arxivləşdirilib. İstifadə tarixi: 2024-02-22.
  3. ""Şöhrət" ordeninin statutunun və təsvirinin təsdiq edilməsi haqqında" Azərbaycan Respublikasının 1993-cü il 6 dekabr tarixli 757 nömrəli Qanununda dəyişikliklər edilməsi barədə". Meclis.gov.az.
  4. "Azərbaycan Respublikasının Ordenləri - Çap növü ofset, təbaşirli, yapışqanlı marka kağızı". www.azermarka.az. (#archive_missing_date) tarixində arxivləşdirilib.
  5. ""Azərbaycan Respublikasının "Şöhrət" ordeninin statutunun və təsvirinin təsdiq edilməsi haqqında" Azərbaycan Respublikasının 1993-cü il 6 dekabr tarixli 757 nömrəli Qanununda dəyişikliklər edilməsi barədə" Azərbaycan Respublikasının 2013-cü il 30 sentyabr tarixli 724-IVQD nömrəli Qanununun tətbiqi haqqında". e-qanun.az. 2024-02-22 tarixində arxivləşdirilib. İstifadə tarixi: 2024-02-22.