Şəmkir FK

Şəmkir — eyni adlı şəhəri təmsil edən futbol klubudur.

Şəmkir FK
Klubun tam adı	Şəmkir Futbol Klubu
Ölkə	Azərbaycan
Ləqəb(lər)	"Şəmkirlilər", "Qərblilər"
Rəng(lər)	qırmızı-ağ
Yaranma tarixi	1954
Bağlama tarixi	2017
Stadionu	Şəmkir Olimpiya İdman Kompleksinin stadionu
Tutumu	2 000
Baş məşqçisi	Firdovsi Əhmədov
Liqa	Region Liqası
Ev forması Səfər forması

Barri Taun ilə səfər matçı. Azər Məmmədov

Tarixi

Klub bir vaxtlar aktiv olmuş vebsəhifəsinə əsasən 1954-cü ildə Şəmkirdə yaranmışdır. Müxtəlif vaxtlarda 9 dəfə futbol üzrə Azərbaycan çempionatının elitasında iştirak etmişdir. İki dəfə qızıl, iki dəfə gümüş, bir dəfə də bürünc medal qazanmışdır.

Futbol üzrə Azərbaycan Kubokunun finalında 2 dəfə oynamışdır.

Çempionlar Liqasında təsnifat mərhələsini adlayan ilk Azərbaycan klubu olan "Şəmkir" Latviyanın ən titullu klubu "Skonto"nu Bakıda 4:1 hesabı ilə məğlubiyyətə uğratmışdı. 2001/2002 mövsümü yarımçıq dayandırılan zaman Şəmkir FK 1-ci pillədə idi və 3-cü çempionluğuna çox yaxınlaşmışdı.

Barri Taun ilə səfər matçı. İsmayıl Məmmədov

2003/2004 mövsümünün çempionu Neftçini məğlub edən yeganə komanda məhz Şəmkir FK olmuşdur (3:1). 2004/2005 mövsümünü 11-ci yerdə (18 klub arasında) bitirməsinə baxmayaraq, mövsümlərarası fasilədə maliyyə çatışmazlığı ucbatından fəaliyyətini dayandırmışdır.

Bərpa olunmuş "Şəmkir"in oyunu

2009-cu ilin sonlarında Pekin Olimpiadasının bürünc mükafatçısı Mövlud Mirəliyevin təşəbbüsü ilə 4 illik fasilədən sonra yenidən bərpa olunmuş və komandanın baş məşqçisi postuna vaxtilə bu klubun şərəfini qorumuş sabiq müdafiəçi Faiq Cabbarov təyin olunmuşdur. 2010/2011 mövsümünün gedişində Anar Kələntərov baş məşqçi təyin olundu və klub I divizionda mövsümün sonunda 9-cu pillədə qərarlaşdı.

Klubun rəngləri

Qırmızı

Ağ

2010/2011 dirçəliş mövsümü

4 illik fasilədən sonra, 19 avqust 2009-cu ildə klub yenidən bərpa olunmuşdur. Klub mövsüm ərzində 30 futbolçunun xidmətindən istifadə etmiş və turnir cədvəlini 9-cu pillədə başa vurmuşdur. Aktivində 5 qələbə, 7 heç-heçə və 14 məğlubiyyət olan "Şəmkir" FK mövsümü 22 xalla bitirmişdir.

2013/2014 mövsümü

Bu mövsümda klubun heyəti dəyişdi. Anar Kələntərovun yerinə baş məşqçi Ruslan Abbasov oldu. Kluba yeni gənc və perspektivli oyunçular gəldi.

2013/2014 mövsümü. Oyun öncəsi

"Şəmkir" Futbol Klubunun heyəti. 2013/2014 mövsümü

2014/2015 mövsümü

Bir sıra uğursuzluqdan sonra Ruslan Abbasov istefaya göndərildi. Kluba sponsor tapıldı, yeni baş məşqçi və oyunçular gəldi. 2015-ci ilin yanvar ayından etibarən komandanın yeni baş məşqçisi Kamran Əlibabayev təyin olundu.

Heyəti

2014/2015 mövsümü üçün heyəti (1 mart 2015)

Nömrə Ölkə Mövqeyi Futbolçu 16 GK Zaur Abbasov 88 GK Yaməddin Əliyev 4 DF Orxan Məmmədov (Kapitan) 5 DF Elvin Hacıyev 6 DF Əfqan Pirquliyev 7 MF Pərvin Paşayev 8 MF Ramil Allahverdiyev 9 MF Rövşən Əmiraslanov 10 MF Orxan Müzəffərli 11 FW Bəxtiyar Məsiməliyev 14 MF Vüqar İbrahimov 15 MF Elnur Şiriyev 17 FW Mahir İbrahimov 20 FW Azər Məmmədov 22 MF Qeyrət Qənbərov 25 MF Qərib İbrahimov 57 MF Anar Rzayev 66 DF Üvi Qaçaylı 73 DF Məhəmməd Hüseynov 92 MF Cavid Mirzəyev 99 MF Elmin İsmayılzadə

Komandanın keçmişində əməyi olanlar

Keçmişindəki məşhur futbolçular

• Rauf Mehdiyev
• Hüseyn Məhəmmədov
• Mehman Yunusov
• Nizami Ocaqverdiyev
• Xəqani Məmmədov
• Xaliq Mərdanov
• Faiq Cabbarov
• Əli Abıșov
• Vidadi Rzayev
• Mahmud Qurbanov
• Rövşən Əhmədov
• Azər Məmmədov
• Badri Kvaratsxeliya
• Aslan Kərimov
• İsmayıl Məmmədov
• Emin İmaməliyev
• Viktor Kulikov
• Kənan Kərimov

Keçmişindəki baş məşqçilər

• Əfqan Talıbov
• Ağasəlim Mircavadov
• Qəhrəman Əliyev
• Faiq Cabbarov
• Anar Kələntərov
• Ruslan Abbasov
• Kamran Əlibabayev
• Əli Məmmədov
• Qəhrəman Əliyev
• Badri Kvaratsxeliya

Keçmişindəki prezidentlər

• Şahbaz Süleymanov (1994—2005)
• Fərid Hüseynov (2015—2016)
• Elvin Səfərli (2016–2017)

Uğurları

• Azərbaycan çempionatı:
  • Qızıl medal (2) - 1999/2000, 2000/2001
  • Gümüş medal (2) - 1998/1999, 2003/2004
  • Bürünc medal (1) - 1997/1998
• Azərbaycan Kuboku:
  • Finalçı (2) - 1998/1999, 2003/2004

Avropa kuboklarında iştirakı

4 dəfə Avropa kuboklarında iştirak etmişdir. Azərbaycanı 2 dəfə UEFA Kubokunda və 2 dəfə də UEFA Çempionlar Liqasında təmsil etmişdir.

Beynəlxalq Futbol Tarixi və Statistikaları Federasiyasının reytinq cədvəlində

2010-cu il noyabrın 26-da açıqlanan klublarının XXI əsr üçün reytinqində ilk onilliyi 92,5 xal ilə Azərbaycan klubları arasında 10-cu, dünyada isə 790-cı pillədə başa vurmuşdur.

Stadionu

Şəmkir şəhər Olimpiya İdman Kompleksinin stadionu

Şəmkir Futbol Klubunun köhnə stadionu