Şəms Mustafayeva
Şəms (Şəmsiyyə) Mustafayeva — Azərbaycan Dövlət Bədən Tərbiyəsi və İdman Akademiyasınını rektorunun müşaviri və strateji inkişaf şöbəsinin müdiri Şəms Mustafayeva[1], “Hamımız üçün yaxşı dünya yaradan Qadın İkonası” mükafatına layiq görülən ilk azərbaycanlı.[2]
Həyatı redaktə
Şəms Mustafayeva Mingəçevir şəhərində doğulub.
Təhsili redaktə
Ş. Mustafayeva orta məktəbi Mingəçevirdə bitirib. Azərbaycan Dillər Universitetinin ingilis-alman dili fakültəsinə daxil olmuşdur.Bu arada da magistr dərəcəsi almaq üçün Xarici Dillər Universitetinə qayıdıb. Tədris metodikası üzrə həm beynəlxalq sertifikat, həm də magistr dərəcəsinə malikdir.2008-ci ildə yenidən Amerikaya təhsil almağa yollanıb. Bu dəfə İREX təşkilatının Edmund S.Muskie proqramının mükafatçısı kimi. Üstəlik, Amerikanın idarəetmə üzrə bir nömrəli məktəbi Siraküzda Universitetində İdarəetmə və Beynəlxalq Əlaqələr üzrə iki magistr dərəcəsinə yiyələnib.
Əmək fəaliyyəti redaktə
Təhsilini bitirib Mingəçevirə qayıdıb və 4 il orada müəllimə işləyib. Karyerası da məhz buradan başlayıb. Müəllimə işləyərkən British Consulun təlimlərinə qatılıb, proqramlarında iştirak edib və müxtəlif beynəlxalq QHT-lərdə çalışıb. 2002-ci ildə Azərbaycandan ACCELS TEA proqramına seçilən 6 müəllimdən biri olub və bir ay Kaliforniya Universitetində təcrübə mübadiləsində iştirak edib. Daha sonra Amerikanın Sülh Korpusu könüllüsü kimi Mingəçevirə gələn amerikan müəllimlə birlikdə çalışıb. Bir il sonra Sülh Korpusu təşkilatında təlim koordinatoru vəzifəsinə qəbul olunub və Bakıya gəlib.[3] O,3 il ADA Universitetində elmi işlər üzrə prorektorun müavini işləmişdir. 2013-cü ildən müstəqil ekspert kimi işləmişdir.Müxtəlif dövlət təşkilatlarında və biznes qurumlarında idarəetmənin aşağı, orta və yüksək pillələrində çalışan əməkdaşlara təlimlər keçmişdir. Bundan başqa, Birləşmiş Millətlər Təşkilatı əməkdaşı kimi rayonlarda təlimlər keçmişdir. Almaniyanın GİZ təşkilatıyla da çalışmışdır. Onların həyata keçirdikləri layihələrdə bələdiyyədə işləyən qadınlara təlimlər keçmişdir. Türkiyənin Ankara şəhərində Türkiyənin dövlət məmurlarına təlimlər keçmişdir. İdarəetmə üzrə konsultantdır.Almaniya, Belçika və Litvaya universitet müəllimlərinə müəyyən təlim metodikasını öyrətmək üçün ekspert kimi dəvət edilmişdir.
İştirak etdiyi beynəlxalq forumlar və tədbirlər redaktə
Hindistanın Yeni Dehli şəhərində ənənəvi olaraq keçirilən Dünya Qadınlarının İqtisadi Forumunda [4]
Həmçinin bax redaktə
Xarici keçidlər redaktə
İstinadlar redaktə
- ↑ "Təlimçilər". 2020-02-23 tarixində arxivləşdirilib. İstifadə tarixi: 2018-07-14.
- ↑ "ADBTİA–nın saytı". 2017-05-19 tarixində arxivləşdirilib. İstifadə tarixi: 2018-07-14.
- ↑ "Şəms Mustafayeva ilə müsahibə". 2016-01-25 tarixində arxivləşdirilib. İstifadə tarixi: 2018-07-14.
- ↑ "Şəms Mustafayeva "Hamımız üçün yaxşı dünya yaradan Qadın İkonası" mükafatına layiq görülüb". 2017-05-19 tarixində arxivləşdirilib. İstifadə tarixi: 2018-07-14.